Европскиот центар за парламентарни истражувања и документација (ЕЦПИД)

Во 1977 година, во Виена, од страна на Конференцијата на претседатели на европските парламентарни собранија е основан Европскиот центар за парламентарни истражувања и документација (ЕЦПИД).

 ЕЦПИД е мрежа за професионална соработка меѓу службите на парламентите во врска со сите прашања од парламентарното работење.

Кои се цели на ЕЦПИД?

 -  меѓусебно информирање;
- размена на искуства и практики;
- соработка со други мрежи, чија што функција, исто така е остварување на меѓупарламентарна соработка(IPEX, EUROVOX и други);

- развивање и збогатување на web страницата на ЕЦПИД  со содржини што претставуваат платформа за компаративни пребарувања, настани, публикации и други форми на соработка.

Кои се членки на ЕЦПИД?

Членки на ЕЦПИД се:

- 72 парламенти (вклучително и домовите во дводомните парламентарни структури);
- Европскиот парламент;
- Парламентарното собрание на Советот на Европа и
- Собранието на западноевропската унија (ЗЕУ).

Услугите на Центарот можат да ги користат и парламентите со статус на набљудувачи во ПС на СЕ: Израел, Канада и Мексико и Конгресната служба за истражување на САД.

Кои се областите на интерес?

Области на интерес за заемни информации и размена на знаења во рамките на ЕЦПИД се:

- информациски и комуникациски технологии;
- парламентарни практики и процедури;
- парламентарни библиотеки, истражувања и архиви и
- макро-економски истражувања.

За секоја област на интерес е назначен посебен координатор.

Каква е структурата на ЕЦПИД?

- двајца директори и Секретаријат на Центарот;

Директорите  и членовите на Секретаријатотсе назначени од ПС на СЕ и од Европскиот парламент.

-мрежа на кореспонденти
 
Официјалниот кореспондент го именува генералниот секретар на секој парламент/дом од редот на највисоките парламентарни функционери. Тој има клучна улога за успешно функционирање на ЕЦПИД.

Нивоа на остварување на меѓупарламентарната соработка:

- состаноци на генералните секретари кои се одржуваат за време на европските конференции на претседателите на парламентите;
- годишни коференции на кореспондентите ;
- состаноци на Извршниот комитет на ЕЦПИД ;
- состаноци на Извршниот комитет со координаторите на областите на интерес и
- специјализирани семинари на актуелни теми од заеднички интерес, по иницијатива на парламентот-домаќин, а во коорганизација со Центарот.

Европскиот парламент комплетно ја редизајнираше web страницата на ЕЦПИД (www.ecprd.org)  Тоа овозможи нови методи на интеракција меѓу членките на ЕЦПИД, во вид на специјализирани области на интереси и форуми за дискусија.

Web страницата на Центарот содржи:

- компаративни барања;
- конференции и семинари;
- рубликации и студии;
- области на интереси и форуми за дискусија;
- ЕЦПИД прирачник;
- мрежи;
- најнови информаци.