E martë, 5 prill 2011
MBLEDHJA E GJASHTËDHJETEDY E KOMISIONIT PËR BUJQËSI, PYLLTARI DHE EKONOMI TË UJËRAVE
Komisioni për Bujqësi, Pylltari dhe Ekonomi të Ujërave i Kuvendit të Republikës së Maqedonisë, në mbledhjen e sotme të gjashtëdhjetedy, si trup punues amë në lexim të dytë i shqyrtoi:
- Propozim-ligjin për ndryshimin dhe plotësimin e Ligjit për Inspektoratin shtetëror të bujqësisë;
- Propozim-ligjin për ndryshimin dhe plotësimin e Ligjit për vendosjen e rrjetit për grumbullimin e të dhënave të kontabilitetit nga ekonomitë bujqësore;
- Propozim-ligjin për ndryshimin dhe plotësimin e Ligjit për prodhimet organike bujqësore;
- Propozim-ligjin për plotësimin e Ligjit për pyje;
- Propozim-ligjin për ndryshimin dhe plotësimin e Ligjit për zhvillim bujqësor dhe rural;
- Propozim-ligjin për ndryshimin dhe plotësimin e Ligjit për peshkatari dhe akuakulturë;
- Propozim-ligjin për ndryshimin dhe plotësimin e Ligjit për sigurinë e ushqimit për kafshët;
- Propozim-ligjin për ndryshimin dhe plotësimin e Ligjit për material faror dhe për mbëltim për bimë bujqësore;
- Propozim-ligjin për ndryshimin dhe plotësimin e Ligjit për veprimtari hidrometeorologjike;
- Propozim-ligjin për ndryshimin dhe plotësimin e Ligjit për kualitet të prodhimeve bujqësore;
- Propozim-ligjin për ndryshimin dhe plotësimin e Ligjit për duhan dhe prodhimet e duhanit;
- Propozim-ligjin për ndryshimin dhe plotësimin e Ligjit për prodhime për mbrojtje të bimëve;
- Propozim-ligjin për ndryshimin dhe plotësimin e Ligjit për sigurinë e ushqimit;
- Propozim-ligjin për ndryshimin dhe plotësimin e Ligjit për verë.
Në mbledhje, në cilësinë e përfaqësuesit të Qeverisë së Republikës së Maqedonisë, mori pjesë Z. Perica Ivanovski, zëvendësministër i Bujqësisë, Pylltarisë dhe Ekonomisë së Ujërave.
Për Propozim-ligjin për ndryshimin dhe plotësimin e Ligjit për bujqësi dhe zhvillim rural, në afatin e caktuar të përcaktuar me Rregulloren e Kuvendit të Republikës së Maqedonisë, u parashtrua një amendament nga deputeti Cvetan Tripunovski për të cilin Komisioni nuk debatoi nga shkaku se propozuesi e tërhoqi të njëjtin. Komisioni pa diskutim këtë Propozim-ligj e përcolli në procedurë të mëtutjeshme në Kuvendin e Republikës së Maqedonisë.
Në lidhje me Propozim-ligjin për ndryshimin dhe plotësimin e Ligjit për siguri të ushqimit, në afatin e caktuar të përcaktuar me Rregulloren e Kuvendit të Republikës së Maqedonisë u parashtrua një amendament nga deputeti Cvetan Tripunovski. Komisioni me shumicën e votave e miratoi amendamentin e propozuar me të cilin saktësohet afati për miratimin e akteve nënligjore. Pas debatit, Komisioni konkludoi këtë Propozim-ligj ta përcjellë në procedurë të mëtutjeshme në Kuvendin e Republikës së Maqedonisë.
Për Propozim-ligjin për ndryshimin dhe plotësimin e Ligjit për verë, në afatin e caktuar të përcaktuar me Rregulloren e Kuvendit të Republikës së Maqedonisë, u parashtruan 8 amendamente, nga të cilët 7 u miratuan, ndërsa për njërin nuk u mbajt debat, për arsye se propozuesi të njëjtin e tërhoq. Pas debatit, Komisioni konkludoi këtë Propozim-ligj ta përcjellë në procedurë të mëtutjeshme në Kuvendin e Republikës së Maqedonisë.
Kryesuesi i Komisionit, deputeti Pançe Dameski, i njoftoi deputetët se në afatin e caktuar të përcaktuar me Rregulloren e Kuvendit të Republikës së Maqedonisë, për Propozim-ligjet e tjera nuk janë parashtruar amendamente dhe Komisioni të njëjtët pa diskutim i përcolli në procedurë të mëtutjeshme më Kuvendin e Republikës së Maqedonisë.