Вторник, 31 март 2015 година
Учество на Рос-Рот семинар во Белград
Делегација на Собранието на Република Македонија во Парламентарното собрание на НАТО, предводена од Емил Димитриев, а во чиј состав е и Павле Трајанов, од 31 март до 2 април оваа година учествува во работата на Рос-Рот семинарот што се одржува во Белград, Република Србија.
Темата на Рос-Рот семинарот е Србија, Западен Балкан и евроатлантската заедница, а во организација на ПС на НАТО и Парламентот на Република Србија.
На отворањето на семинарот се очекува на учесниците да им се обратат Александар Вучиќ, премиер на Република Србија, Игор Бечиќ, потпретседател на Парламентот на Република Србија, како и други официјални претставници на домаќинот и ПС на НАТО.