Понеделник, 9 мај 2016 година

Денот на Европа

Стариот континент денеска го празнува 9 Мај - Денот на Европа, кога се одбележува годишнината од историската Декларација на францускиот министер за надворешни работи Роберт Шуман, кој на 9 мај 1950 година предложил нов модел на политичка и економска соработка во Европа, односно формирање на Европската заедница за јаглен и челик, која е всушност она што денеска претставува Европската Унија.

Понеделник, 9 мај 2016 година

Папата Францис награден за промовирање на европските вредности

Поглаварот на Римокатоличката црква, папата Францис, е добитник на овогодинешната награда „Карло Велики“ за вложените напори во промовирањето на европските вредности на мирот, толеранцијата, сочувството и солидарноста“. 

Четврток, 10 март 2016 година

Усвоена Резолуцијата за Република Македонија

Ако Република Македонија може да излезе од актуелниот политички ќорсокак, да одржи слободни и фер избори и со потребните реформи да се врати на вистинскиот пат, тогаш не треба да има понатамошни пречки за започнување на разговорите за пристапување во Европската Унија, се вели во Резолуцијата, која денеска со 404 гласови „за“,76 „против“ и 29 „воздржани“ беше изгласана од европратениците во Стразбур. 

Вторник, 8 март 2016 година

Пленарна седница на Европарламентот

Европскиот парламент од 7 до 10 март одржува пленарна седница во Стразбур, во рамките на која ќе се најдат и Извештаите за напредокот за 2015 година на Република Македонија и на Црна Гора на патот кон членство во Европската унија.

Среда, 24 февруари 2016 година

Пленарна седница на Европскиот парламент

Европскиот парламент, денеска и утре во Брисел одржува пленарна седница, на која ќе се одржи дебата заедно со претседателот на Европскиот совет, г. Доналд Туск и претседателот на Европската комисија, г. Жан-Клод Јункер, за договорот за реформи помеѓу Европската унија и Велика Британија, а во врска со референдумот за членство или излез од ЕУ. 

Понеделник, 1 февруари 2016 година

Пленарна седница на Европарламентот

Европскиот парламент од 1 до 4 февруари одржува пленарна седница во Стразбур, во чиј фокус ќе биде дебатата за бегалската криза, граничните проверки и иднината на Шенген.

Среда, 27 јануари 2016 година

Меѓународен ден на сеќавање на Холокаустот

По повод денешниот Меѓународен ден на сеќавање на Холокаустот, своја изјава даде претседателот на Европската комисија, г. Жан-Клод Јункер, во која, меѓудругото, истакнува дека Еврокомисијата прави сè што е во нејзина моќ во борбата против антисемитизмот.

Првиот човек на Еврокомисијата го повтори заветот на генерацијата која го обнови Стариот континент врз урнатините на Втората светска војна и пепелта на Холокаустот - „Никогаш повеќе!“.  

Понеделник, 18 јануари 2016 година

Пленарна седница на Европарламентот

Европскиот парламент, од 18 до 21 јануари, одржува пленарна седница во Стразбур, во рамките на која утре ќе се одржи дебата со претседателите на Европскиот совет и на Еврокомисијата, г. Доналд Туск и г. Жан-Клод Јункер, за исходот од декемврискиот самит на ЕУ лидерите во Брисел, во однос на миграцијата, тероризмот и британскиот референдум.

Четврток, 14 јануари 2016 година

Вроцлав и Сан Себастијан - европски градови на културата за 2016 година

Европски престолнини на културата е еден од најпрепознатливите проекти на ЕУ, со традиција уште од 1985 година на иницијатива на тогашниот грчки министер за култура, г-ѓа Мелина Меркури.

Овој проект е одлична можност за градовите да го променат својот имиџ и преку сопствениот културен развој, да привлечат повеќе туристи.

Четврток, 3 декември 2015 година

Покана до Црна Гора за членство во НАТО

Министрите за надворешни работи на НАТО вчера одлучија да ја поканат Црна Гора да ги започне преговорите за да стане 29. земја-членка на Северноатлантската алијанса.