E enjte, 25 shkurt 2021
Prezantimi i analizës fiskale "Ballafaqimi me Kovid-19: Si ndikon shpenzimi i parave publike në barazinë gjinore?"
Gordana Siljanovska-Davkova, kryetare e Komisionit për Mundësi të Barabarta të Femrave dhe Meshkujve, sot kishte fjalim përshëndetës në prezantimin e analizës gjinore të titulluar "Ballafaqimi me Kovid-19: Si ndikon shpenzimi i parave publike në barazinë gjinore?".
Ngjarja u organizua nga Qendra për Hulumtime dhe Krijimin e Politikave në kuadër të projektit "Rrjeti i Buxhetimit të Përgjegjshëm Gjinor në Ballkanin Perëndimor dhe Republikën e Moldavisë", të mbështetur financiarisht nga Agjencia Austriake e Zhvillimit dhe Agjencia Suedeze e Zhvillimit dhe Bashkëpunimit Ndërkombëtar.
Kjo analizë përqendrohet në financat publike të cilat janë përcaktuar për realizimin e masave qeveritare nga pakoja e parë, e dytë dhe e tretë e masave për përballimin e krizës në vlerë të përgjithshme prej 194,4 milion € (sipas periudhës për të cilën është bërë analiza - nga mars / prill deri në korrik 2020) nga aspekti gjinor.
Duke përdorur mjete për buxhetimin e përgjegjshëm gjinor, kryesisht analiza e buxhetit gjinor të shpenzimeve dhe vlerësimi i përgjegjshëm gjinor i shfrytëzuesve të masave, analiza ofron një vështrim të hollësishëm të hendekut gjinor të krijuar nga zbatimi i masave të miratuara, ndërsa ofron edhe mësime të nxjerra dhe rekomandime që duhet të zbatohen në periudhën e ardhshme, por edhe pas përfundimit të krizës me Kovid-19.
Në fjalimin e saj, Siljanoska-Davkova theksoi se është interesante që pandemia me Kovid-19 ngriti çështje të reja dhe sqaroi dimensione të reja të barazisë gjinore. Në ndërkohë, kanë dalë shumë punime të kushtuar kësaj dukurie të rëndësishme, ndër të cilat, sipas saj, ky studim ka një vend të merituar dhe i përgëzoi autorët e tij, si dhe falënderoi për mbështetjen financiare të Agjencisë Austriake (ADA) dhe Agjencisë Suedeze për Zhvillim Ndërkombëtar (SIDA). Ajo shprehu keqardhje se pandemia kishte çuar në një hap prapa në barazinë gjinore.
Lidhur me studimin, ajo iu referua asaj që shënohet në të përmes prizmit të dizajnit: nga 15 masa, vetëm 2 janë gjinore transformuese, 9, kështu që shumica janë gjinore pozitive, ndërsa 4 janë gjinore të ndjeshme. Në fakt, mungesa e indikatorëve të ndarë sipas gjinisë e bën të pamundur vlerësimin e ndikimit të hendekut gjinor. Ajo më tej theksoi se 2/3 e GO-ve që merren me çështjet gjinore, si të anketuarit, u përgjigjën se ishin të përfshira minimalisht / margjinalisht, ndërsa 82% e femrave të anketuara u përgjigjën se nuk ishin konsultuar. Si pika më e dobët, ajo i vuri në dukje prokurimet publike, të cilat ishin ndërmarrë me procedura jotransparente dhe mungesën e raporteve të revizorit.
Në fund të fjalimit të saj, ajo konstatoi se problemi kryesor është se në vend të modelit gjithëpërfshirës të dizajnimit të masave, përmes konsultimeve dhe pjesëmarrjes së palëve të interesuara dhe transformimit të situatës, kjo ishte bërë ekskluzivisht. Ajo sugjeroi që nuk ka dhe duhet të ketë përgjegjësi për mosrespektimin e barazisë gjinore të atyre që janë përgjegjës për disponimin me paratë publike, të cilat janë para edhe të femrave, dhe jo vetëm të meshkujve, para që nuk duhet të kenë ngjyrë mashkullore.