Петок, 25 септември 2020
Културата им припаѓа на сите
Комисијата за култура денеска одржа неформална средба на која присуствуваа министерката за култура, Ирена Стефоска и заменик-министерот Седат Сулејмани, со цел меѓусебно запознавање и воспоставување поблиска соработка.
На средбата, која се одржа во пријателска и непосредна атмосфера, претседателот на Комисијата, Кастриот Реџепи, ги истакна своите заложби за идната работа на оваа Комисија во насока на изнаоѓање најдобри законски решенија во интерес на граѓаните.
Министерката Стефоска и заменик-министерот Сулејмани од своја страна ги предочија плановите и начините на кои ќе функционира Министерството за култура под нивно раководство.
Присутните членови и заменик-членови на Комисијата изразија задоволство од ваквиот непосреден пристап на отпочнување со активностите на Комисијата и се заложија за активна вклученост и конструктивна критика со цел подобрување на состојбите во културниот сектор, но и вложување во насока на подобрување на правата на заедниците. Исто така, присутните го искажаа својот став дека за да постои успешна соработка во оваа Комисија, потребно е да се надминат партиските интереси, затоа што културата им припаѓа на сите.