Среда, 6 декември 2017 година

Средба на претседателот Џафери и директорот на Канцеларијата за Јужна и Централна Европа во Стејт Департментот, г. Метју Палмер 

Денеска во Вашингтон, претседателот на Собранието на Република Македонија, г. Талат Џафери, оствари средба со г. Метју Палмер, директор на Канцеларијата за Јужна и Централна Европа во Стејт Департментот. 

На почетокот на средбата, претседателот Џафери се заблагодари за можноста да се сретне со претставник на земја која е стратешки партнер и со која Република Македонија гради одлични и динамични билатерални односи. 

Вторник, 5 декември 2017 година

Груби со НАТО ја почнува посетата во Брисел  

 Претседателот на Комисијата за европски прашање на Собранието на Република Македонија, г. Артан Груби, ја започна дводневната посета во Брисел со средбата на централното седиште на НАТО и учество на средбата „Пријателите на Европа“. 

Понеделник, 4 декември 2017 година, Тбилиси, Грузија

Пратеникот Мемеди на Меѓупарламентарна конференција на тема: „ЕУ и партнерите – Прифаќање на разновидноста за посилно заедништво“

Заменик-претседателот на Комисијата за европски прашања на Собранието на Република Македонија, г. Весел Мемеди, учествува на Меѓупарламентарна конференција на тема: „ЕУ и партнерите – Прифаќање на разновидноста за посилно заедништво“, што се одржува од 3 до 6 декември 2017 година, во Тбилиси, Република Грузија.

Понеделник, 4 декември 2017 година

Јакнењето на пријателството и соработката меѓу Македонија и Индонезија е придобивка за граѓаните на двете земји 

Пратеничката група на Собранието на Република Македонија за соработка со Парламентот на Република Индонезија и Комисијата за надворешна политика остварија поединечни средби со Делегација од Групата за билатерална соработка со Република Македонија на Претставничкиот дом на Република Индонезија, предводена од заменик-претседателот, г. Абдул Малик Харамаин. 

Петок, 1 декември 2017 година

Протоколарна средба на претседателот Џафери и Н.Е. Ласло Иштван Дукс, амбасадор на Унгарија во Република Македонија

Претседателот на Собрание на Република Македонија, г. Талат Џафери, денеска оствари протоколарна средба со амбасадорот на Унгарија во Република Македонија, г. Иштван Дукс. 

За време на средбата, соговорниците разменија мислења во однос на билатералната и мултилатералната соработка помеѓу двете земји, при што амбасадорот Дукс истакна дека Унгарија е силен поддржувач на Република Македонија на патот кон евроатланските интеграции. 

Четврток, 30 ноември 2017 година

СРЕДБА НА ПРЕТСЕДАТЕЛОТ ЏАФЕРИ СО ИЗВРШНИОТ ДИРЕКТОР НА ХОЛАНДСКАТА КОНСТИТУЕНЦА НА СВЕТСКАТА БАНКА, Г. ФРЕНК ХЕЕМСКЕРК

Претседателот на Собранието на Република Македонија, г. Талат Џафери, денеска оствари средба со г. Френк Хеемскерк, извршен директор на Холандската конституенца на Светската банка, во чија надлежност спаѓа и Република Македонија. Средбата се реализираше во рамките на неговата посета на Република Македонија. 

Претседателот Џафери искажа посебна благодарност за помошта која Светска банка ја обезбедува во континуитет на Република Македонија во текот на изминатите децении.

Четврток, 30 ноември 2017 година

Средба на претседателот Џафери со министерот за одбрана на Црна Гора, г. Предраг Бошковиќ

Претседателот на Собранието на Република Македонија, г. Талат Џафери, оствари средба со министерот за одбрана на Црна Гора, г. Предраг Бошковиќ, кој престојува во дводневна официјална посета на нашата земја. 

Посакувајќи му добредојде на гостинот, претседателот Џафери истакна дека интензивирањето на меѓусебните посети на високо ниво ја покажуваат силната политичка волја на двете страни за продлабочување на севкупните билатерални односи и претставуваат пример во регионот за успешна билатерална соработка. 

Четврток, 30 ноември 2017 година

Средба на претседателот Џафери со г-ѓа Лаура Купер, в.д. заменик-помошник секретар за одбрана на САД

Претседателот на Собранието на Република Македонија, г. Талат Џафери, денеска оствари средба со г-ѓа Лаура Купер, в.д. заменик - помошник секретар за одбрана на САД, која престојува во официјална посета на Република Македонија. На средбата присуствуваше и амбасадорот на САД во Република Македонија, г. Џес Бејли.

Вторник, 28 ноември 2017 година, Стокхолм

Посета на претседателот Џафери и собраниската делегација на Стокхолмската бизнис школа

Претседателот на Собранието на Република Македонија, г. Талат Џафери и членовите на официјалната делегација, пратениците Фросина Ташевска-Ременски, Ејуп Алими и Фадил Зендели, ја посетија Стокхолмската бизнис школа од Универзитетот во Стокхолм. 

Вторник, 28 ноември 2017 година, Стокхолм

Средба на претседателот Џафери и собраниска делегација со г. Урбан Алин, претседател на шведскиот Риксдаг

Претседателот на Собранието на Република Македонија, г. Талат Џафери и членовите на официјалната делегација, пратениците Фросина Ташевска-Ременски, Ејуп Алими и Фадил Зендели, се сретнаа со г. Урбан Алин, претседател на шведскиот Риксдаг.

На средбата присуствуваа и двајца пратеници од Шведскиот Риксдаг, г. Пири Ниеми од Социјалдемократската партија и г-ѓа Агнета Борјесон од Зелената партија.