Вторник, 19 јули 2016 година
Јавна расправа за родовата рамноправност – трендови и предизвици
Комисијата за еднакви можности на жените и мажите на Собранието на Република Македонија, на 18 јули 2016 година, одржа јавна расправа на тема: Родова рамноправност – трендови и предизвици.
Јавната расправа со пригодно обраќање ја отвори претседателката на Комисијата, Даниела Рангелова.
На темата свои излагања имаа: Изабел Дингисан, заменик-спикерка на Рикстагот на Кралството Шведска; Ибрахим Ибрахими, заменик-министер за труд и социјална политика на Република Македонија; Луиза Винтон, постојана координаторка на ОН; Александра Накева-Ружин, амбасадорка на Република Македонија во 
Кралството Шведска и Даниела Димитриевска, директорка на Македонско женско лоби.
Во дискусијата, покрај членовите и заменик-членовите на Комисијата, се вклучија и пратеници од Собранието на Република Македонија, претставници на локалните комисии за еднакви можности и претставници од невладините и меѓународните организации.
По дискусијата се донесоа заклучоци за унапредување на родовата рамноправност.