Pratenichki sostav
 
LEGJISLATURA E DEPUTETËVE


E martë, 12 maj 2009

KRYETARI I KUVENDIT, Z. TRAJKO VELJANOSKI U TAKUA ME KRYETARIN E ASAMBLESË PARLAMENTARE TË OSBE-së Z. ZHOAO SOARESH

Në takim, Kryetari i Kuvendit z.Trajko Veljanoski theksoi se Maqedonia si anëtare me të drejta të plota e OSBE-së, i respekton në përgjithësi dhe i zbaton parimet dhe përcaktimet bazë të këtij asociacioni ndërkombëtar, duke shprehur falënderim për rolin e OSBE-së në proceset e gjithëmbarshme të transicionit të shoqërisë por edhe të institucioneve maqedonase. Kryetari Veljanoski përkujtoi edhe njëherë se për qytetarët e Republikës së Maqedonisë është shumë e rëndësishme të hiqet regjimi i vizave pasi këtë e kemi merituar në bazë të asaj që kemi bërë. Ndërmjet këtyre rezultateve pozitive janë edhe zgjedhjet e fundit të cilat në Raportin e fundit të ODHIR janë vlerësuar shumë mirë.

më shumë...



KRYETARI I KUVENDIT, Z. TRAJKO VELJANOSKI U TAKUA ME MINISTRIN E PUNËVE TË JASHTME TË REPUBLIKËS SË SERBISË, Z. VUK JEREMIQ

Në takim, Kryetari i Kuvendit të Republikës së Maqedonisë, z. Trajko Veljanoski, kujtoi që me vizitën e paradokohshme në Beograd dhe në bisedat me Kryetaren e Parlamentit serb, znj. Sllavica Gjukiq-Dejanoviq, marrëdhëniet ndërmjet dy shteteve e fitojnë përsëri atë dinamikë e cila ishte dhe e cila në vete është e kuptueshme dhe e nevojshme për të dy shtete fqinje, përkatësisht ky është shembull i diplomacisë së suksesshme parlamentare.

më shumë...



E martë, 28 prill 2009

KRYETARI I KUVENDIT, Z. TRAJKO VELJANOSKI U TAKUA ME RAPORTUESIN SPECIAL TË KOMBEVE TË BASHKUARA PËR LIRINË E RELIGJONIT DHE BINDJES, ZNJ. ASMA XHAHANGIR

 Kryetari i Kuvendit  z. Trajko Veljanoski në takim theksoi se Republika e Maqedonisë është shtet multietnik, multikulturor dhe multikonfesional në të cilën, shikuar historikisht gjithmonë ka ekzistuar shkallë e lartë e tolerancës dhe mosdiskriminimit ndërmjet pjesëtarëve të besimtarëve nga më të ndryshmit dhe grupeve religjioze. Kjo trashëgimi historike sot është inkorporuar edhe në Kushtetutë edhe në ligje. Me këtë jo vetëm formalisht, por edhe në praktikë është vërtetuar toleranca dhe mosdiskriminimi i secilit person, pa dallim të përkatësisë së tij religjioze. Në Republikën e Maqedonisë dominojnë dy religjione, ortodokse dhe islame, të cilave u përkasin numër i madh i qytetarëve, por me Kushtetutën dhe me ligjet sigurohet barazi e plotë edhe për bashkësitë më të vogla fetare.

më shumë...



E premte, 24 prill 2009

KRYETARI VELJANOVSKI REALIZOI TAKIM ME IS-KRYETARËT E KUVENDIT TË REPUBLIKËS SË MAQEDONISË

Kryetari i Kuvendit të Republikës së Maqedonisë, z. Trajko Veljanovski realizoi sot takim pune me ish-kryetarët e Kuvendit, zotërinjtë Stojan Andov, Tito Petkovski, Nikolla Popovski, Lupço Jordanovski dhe Lubisha Georgievski. Zoti Savo Klimovski mungoi nga shkaku se nuk gjendej në shtet. Në takimin i cili u bë me iniciativën e Kryetarit të Kuvendit z. Trajko Veljanovski vëmendje më e madhe iu kushtua përgatitjeve për miratimin e Ligjit për Kuvendin e Republikës së Maqedonisë, kurse nga ana e tij u theksua që takime të këtilla do të ketë edhe në vazhdim, pasi përvoja e gjithë kryetarëve të mëparshëm është e madhe dhe duhet të kontribuojë në forcimin e rolit dhe efikasitetit të Kuvendit. Të gjithë pjesëmarrësit e përshëndetën iniciativën për këso takimesh, duke theksuar se Ligji për Kuvendin është i nevojshëm.

më shumë...



E premte, 24 prill 2009

TAKIM I KRYETARIT VELJANOVSKI ME DELEGACIONIN E KOMISIONIT PËR POLITIKË TË JASHTME TË REPUBLIKËS ÇEKE

Kryetari i Kuvendit të Republikës së Maqedonisë, z.Trajko Veljanovski sot pranoi delegacionin e Komisionit të politikës së jashtme të Senatit të Republikës Çeke, të udhëhequr nga z.Jirzhi Dinstbier. Duke shprehur falënderim për përkrahjen parimore të Republikës Çeke për proceset evrointegruese të shtetit tonë, Kryetari i Kuvendit Trajko Veljanovski theksoi se Republika e Maqedonisë i plotësoi të gjitha kushtet për heqjen e regjimit të vizave, si dhe për marrjen e datës për fillimin e negociatave me Bashkimin Evropian.

më shumë...



E enjte, 23 Prill 2009

TAKIM I KRYETARIT TË KUVENDIT TË REPUBLIKËS SË MAQEDONISË Z. TRAJKO VELJANOVSKI ME KRYETARIN E PORSAZGJEDHUR TË REPUBLIKËS SË MAQEDONISË Z. GJORGJE IVANOV

Kryetari i Kuvendit z.Trajko Veljanovski sot realizoi një takim me Kryetarin e porsazgjedhur të Republikës së Maqedonisë, z.Gjorgje Ivanov. Në takim vëmendje e veçantë iu kushtua thellimit të mëtutjeshëm të bashkëpunimit ndërmjet dy institucioneve më të larta në shtet. Kryetari i Kuvendit të Republikës së Maqedonisë Trajko Veljanovski dhe Kryetari Gjorgje Ivanov theksuan se ky thellim i bashkëpunimit është i nevojshëm për shkak të funksionimit më efikas të të gjitha institucioneve, duke i respektuar kompetencat kushtetuese dhe ligjore gjithsesi.

më shumë...



E enjte, 05.03.2009

DELEGACIONI I KUVENDIT TË REPUBLIKËS SË MAQEDONISË I UDHËHEQUR NGA KRYETARI Z. TRAJKO VELJANOSKI, NË TË CILIN JANË EDHE DEPUTETËT CVETKO GROZDANOV, ROZA TOPUZOVA KAREVSKA, SONJA MIRAKOVSKA, NË VIZITË ZYRTARE NË BULLGARI

Kryetari i Kuvendit të Republikës së Maqedonisë, z. Trajko Veljanoski dhe anëtarët e delegacionit tonë nga kryetari i Kuvendit Popullor të Republikës së Bullgarisë z. Georgi Pirinski, u pritën me nderime më të larta shtetërore. Kryetari Trajko Veljanoski i shoqëruar nga nikoqiri i vet z. Pirinski, vendosi kurorë në përmendoren e Luftëtarit të panjohur.

më shumë...



E premte, 06.03.2009, Sofje

KRYETARI I KUVENDIT TË REPUBLIKËS SË MAQEDONISË, Z. TRAJKO VELJANOSKI SOT NË SOFJE BISEDOI ME KRYETARIN E REPUBLIKËS SË BULLGARISË, Z. GEORGI PËRVANOV

Në takim morën pjesë edhe anëtarët e delegacionit tonë, deputetët Cvetko Grozdanov, Roza Topuzova Karevska dhe Sonja Mirakovska. Kryetari i Republikës së  Bullgarisë, theksoi se marrëdhëniet e mira fqinjësore me Republikën e  Maqedonisë në të gjitha sferat, janë  njëri nga principet themelore të politikës së jashtme bullgare, sepse kjo është në interes si të dyja shteteve, ashtu edhe të rajonit në përgjithësi. Angazhimi ynë është që Republika e Maqedonisë të integrohet në struktura euroatlantike, me çka do të sigurohet stabiliteti i tërë rajonit. Qëndrimi dhe bindja ime personale është që kontesti me emrin nuk guxon të jetë pengesë për këtë, theksoi kryetari bullgar, z. Georgi Përvanov.

më shumë...



E martë 10.03.2009

KRYETARI I KUVENDIT TË REPUBLIKËS SË MAQEDONISË TRAJKO VELJANOSKI, SOT E PRANOI AMBASADORIN E RI TË EMËRUAR TË REPUBLIKËS SË SHQIPËRISË NË REPUBLIKËN E MAQEDONISË, SHKËLQESINË E TIJ ARBEN ÇEJKU

Në takim Kryetari i Kuvendit të Republikës së Maqedonisë Trajko Veljanoski edhe njëherë i theksoi marrëdhëniet e mira ndërmjet dy shteteve, dhe në ato suaza edhe bashkëpunimin e të dyja parlamenteve, dhe atë në të gjitha nivelet. Ky bashkëpunim dhe marrëdhënie edhe mëtutje duhet të zhvillohen dhe me këtë rast si dimension dhe kualitet i ri të jetë bashkëpunimi rajonal. Në këtë aspekt Kryetari Trajko Veljanoski theksoi se rëndësi të veçantë ka Korridori 8, për të cilin kanë biseduar me kryetaren e Parlamentit të Shqipërisë zonjën Jozefina Topalli, gjatë kohës së vizitës në Tiranë. Në takim, ambasadori i Republikës së Shqipërisë Arben Çejku duke i përcjellë edhe përshëndetjet e kryetares së Parlamentit të Shqipërisë Jozefina Topalli, drejtuar kryetarit të Kuvendit të Republikës së Maqedonisë Trajko Veljanoski, theksoi se Shqipëria në Republikën e Maqedonisë sheh një partner të rëndësishëm në bashkëpunimin bilateral, por dhe rajonal. Prandaj beson, se këtë bashkëpunim edhe mëtutje do ta zhvillojmë, meqë është në interes të përbashkët edhe të rajonit edhe të Evropës.

më shumë...



E martë, 10.03.2009, Shkup

KRYETARI I KUVENDIT TË REPUBKLIKËS SË MAQEDONISË Z. TRAJKO VELJANOSKI E PRITI KRYETARIN E REPUBLIKËS SË ÇEKISË DHE KRYESUES I KËSHILLIT EVROPIAN, Z. MIREK TOPOLANEK I CILI ËSHTË NË VIZITË ZYRTARE NË REPUBLIKËN E MAQEDONISË

Duke i theksuar marrëdhëniet e mira bilaterale ndërmjet dy shteteve, e në këtë kuadër edhe të dy parlamenteve, Kryetari i Kuvendit të Republikës së Maqedonisë z. Trajko Veljanoski, theksoi veçanërisht se Kuvendi shumë seriozisht punon në harmonizimin me legjislacionin evropian dhe në realizimin e reformave. Duke përkujtuar se për dhjetë ditë tek ne do të mbahen zgjedhjet presidenciale dhe lokale, Kryetari i Kuvendit të Republikës së Maqedonisë z. Trajko Veljanoski, theksoi se duke e përcjellur rrjedhën e deritanishme të procesit zgjedhor, përfshirë këtu edhe fushatën, zgjedhjet do të kalojnë në atmosferë të drejtë dhe demokratike. Dua të përkujtoj se Republika e Maqedonisë qëmoti i ka plotësuar të gjitha kushtet ligjore edhe teknike, kur bëhet fjalë për liberalizimin e regjimit të vizave. Prandaj presim që Komisioni evropian në kohën e kryesimit tuaj, do të miratojë vendim për liberalizimin e vizave, ndërsa deri në fund të vitit presim që ta fitojmë datën për fillimin e bisedimeve. Kryesuesi i Komisionit evropian dhe kryetar i Qeverisë Çeke, z. Mirek Topolanek, theksoi se Çekia edhe mëtej do ta realizojë politikën e dyerve të hapura, kur bëhet fjalë për zgjerim të Unionit Evropian. Në këtë kuadër Çekia si deri tani, parimisht do ta përkrahë Republikën e Maqedonisë në rrugën e saj në strukturat euroatlantike.

më shumë...

  • 1
  • ...
  • 4
  • 5
  • 6
  •