Kuvendi i Republikës së Maqedonisë së Veriut

KRYETARI I KUVENDIT TE RM Z. TRAJKO VELJANOSKI, Z. LUIS DE ...

E mërkurë, 10 qershor 2009

KRYETARI I KUVENDIT TË REPUBLIKËS SË MAQEDONISË, Z. TRAJKO VELJANOSKI E PRANOI AMBASADORIN E SAPOEMËRUAR TË REPUBLIKËS SË PORTUGALISË, Z. LUIS DE ALMEIDA SAMPAO

Kryetari Veljanoski në takimin shprehu vullnetin se në të ardhmen edhe Portugalia dhe Maqedonia do të hapin ambasadë të tyre rezidenciale dhe me këtë do të hapej mundësia për përforcimin e bashkëpunimit politik dhe ekonomik ndërmjet dy vendeve. Kryetari i Kuvendit e njoftoi ambasadorin Sampao me gjendjen politike në Republikën e Maqedonisë, për reformat që i bën shteti për çështjen e integrimit tonë në NATO dhe EU, për përkrahjen e madhe të cilën e kemi prej qytetarëve të Maqedonisë, lidhur me integrimet euroatlantike si dhe shpresën për liberalizim të vizave dhe marrjen e datës për fillimin e bisedimeve me UE-në. Kryetari Veljanoski gjithashtu shprehu gatishmëri që të intensifikohet bashkëpunimi parlamentar ndërmjet Maqedonisë dhe Portugalisë në të gjitha nivelet.

Lexo më shumë

KRYETARI I KUVENDIT TE REPUBLIKES SE MAQEDONISE, Z. TRAJKO ...

E martë, 9 qershor 2009

KRYETARI I KUVENDIT TË REPUBLIKËS SË MAQEDONISË, Z. TRAJKO VELJANOSKI E PRANOI SOT KRYETARIN E BORDIT PËR ÇËSHTJE EUROPIANE TË KUVENDIT KROAT, Z. NEVEN MIMICA

Në takim u konfirmuan edhe një herë marrëdhëniet shumë të zhvilluara ndërmjet dy shteteve, e në këtë kuadër edhe të dy parlamenteve. U konfirmua në veçanti orientimi europian i dy shteteve dhe roli i parlamenteve në procesin e integrimit në BE. Kryetari i Kuvendit, z. Trsako Veljanoski, theksoi që në proceset euroatlantike të integrimit edhe bashkëpunimi rajonal ka vend të veçantë. Duke përkujtuar se një projekt i tillë ishte edhe anëtarësimi në NATO, respektivisht e ashtuquajtura treshja e Adriatikut. Për fat të keq, shkaku i kontestit absurd me emrin të imponuar nga fqinji ynë, Maqedonia nuk u bë anëtare edhe pse bashkë me Kroacinë dhe Shqipërinë i plotësoi kushtet. Pikërisht për këtë kërkohet që në këto procese integruese të respektohen në mënyrë parimore principet dhe standardet ndërkombëtare. Prapëseprapë, ne qëndrojmë në përcaktimin tonë eurointegrues pasi që reformat të cilat i bëjmë, i bëjmë për ne, për qytetarët tanë, ndërsa presim që institucionet europiane ta vlerësojnë këtë në mënyrë parimore, theksoi Kryetari i Kuvendit, z. Trajko Veljanoski.

Lexo më shumë

Z. TRAJKO VELJANOSKI PRANOI DELEGACIONIN E LIDHJES SE SHOQA...

E mërkurë, 27 maj 2009

KRYETARI I KUVENDIT TË RM-së, Z. TRAJKO VELJANOSKI PRANOI DELEGACIONIN E LIDHJES SË SHOQATAVE TË MAQEDONASVE NGA PJESA E MAQEDONISË SË EGJEUT

Në takim u bisedua për zbatimin e Rezolutës së refugjatëve nga veprimet luftarake në Republikën e Greqisë gjatë kohës së Luftës Civile dhe Luftës së Dytë Botërore, të cilën Kuvendi i RM-së e miratoi me aklamacion në gusht të vitit 2008. Kryetari i Shoqatës, z.Gjoko Donevski, informoi për rëndësinë e rezolutës dhe impulsin të cilin e dha ajo në veprimtarinë e shoqatave dhe aktiviteteve të tyre në luftën për të drejtat në lidhje me pronat e maqedonasve në Maqedoninë e Egjeut, si dhe aktivitetet e iniciuara së fundmi për fitimin e shtetësisë të Republikës së Greqisë.

Lexo më shumë

TRAJKO VELJANOSKI ME PERFAQESUESIT E VLLEHVE 27.05.09...

E mërkurë, 27 maj 2009

TAKIM I KRYETARIT TË KUVENDIT TË REPUBLIKËS SË MAQEDONISË, Z. TRAJKO VELJANOSKI ME PËRFAQËSUESIT E VLLEHVE

Shkup – Kryetari i Kuvendit të Republikës ë Maqedonisë, z. Trajko Veljanoski pranoi delegacionin e Ligës së vllehve dhe të Unionit për kulturë të vllehve nga Maqedonia. Në takim mysafirët e njoftuan Kryetarin e Kuvendit të Republikës së Maqedonisë, z.Trajko Veljanoski, me aktivitetin e tyre në drejtim të afirmimit të statusit kulturor, shoqëror dhe politik të vllehve në vend.

Lexo më shumë

PSRM so delegacija na R.Francija 26.05.09...

E martë, 26 maj 2009

KRYETARI I KUVENDIT, Z. TRAJKO VELJANOSKI PRITI DEKLEGACIONIN E GRUPIT TË MIQËSISË FRANCË- MAQEDONI NGA ASAMBLEJA KOMBËTARE E REPUBLIKËS SË FRANCËS

Kryetari i Kuvendit të Republikës së Maqedonisë, z. Trajko Veljanovski priti anëtarët e Grupit të deputetëve për miqësi me Republikën e Maqedonisë nga Asambleja Kombëtare e Francës, të udhëhequr nga kryetari i Grupit, z. Filip Duron.
Duke përshëndetur vizitën, kryetari i Kuvendit theksoi se e gëzon fakti që në muajt e fundit forcohet bashkëpunimi mes Francës dhe Maqedonisë në nivel të lartë. Në këtë kuptim ai i përmendi takimet e paradokohshme me kolegun e tij, kryetarin e Asamblesë Kombëtare të Francës, z. Bernar Akojer, me senatorin, z. Robert Badinter, si dhe takimi i fundit të kryeministrit, z. Nikolla Gruevski, me presidentin francez, z. Sarkozi. Gjithashtu, në këtë drejtim ishin edhe vizitat e delegacioneve tona parlamentare në Komisionin për politikë të jashtme dhe në Kanalin parlamentar francez.

Lexo më shumë

Z. SOBOTKA NE VIZITE ZYRTARE NE Z. VELJANOSKI 19.05.09...

E martë, 19 maj 2009

KRYETARI I SENATIT TË REPUBLIKËS ÇEKE, Z. SOBOTKA NË VIZITË ZYRTARE NË REPUBLIKËN E MAQEDONISË ME FTESË TË KRYETARIT TË KUVENDIT TË REPUBLIKËS SË MAQEDONISË, Z. VELJANOSKI

Në biseda të dyja palët i theksuan marrëdhëniet shumë të zhvilluara mes dy parlamenteve, përkatësisht marrëdhëniet e gjithëmbarshme ndërmjet dy shteteve mike. Kryetari i Kuvendit, z. Trajko Veljanoski theksoi se Republika e Maqedonisë e çmon lart përkrahjen parimore të Republikës Çeke në realizmin e integrimeve tona euroatlantike. Si dhomë ligjdhënëse ne i realizojmë shumë seriozisht dhe me përgjegjësi të gjitha detyrat të cilat janë në agjendën tonë eurointegruese. Duke përkujtuar se Republika e Shqipërisë i ka plotësuar të gjitha kushtet për heqjen e regjimit të vizave, kryetari i Kuvendit, z. Trajko Veljanoski shprehu bindjen se deri në fund të kryesimit të Çekisë me Bashkimin Evropian, nga ana e Komisionit Evropian do të fitojmë rekomandim për liberalizimin e vizave për qytetarët maqedonas, ndërkaq deri në fund të vitit edhe datën për fillimin e negociatave. Ne jemi pjesë e Evropës, ne i përmbushëm të gjitha kriteret, e për këtë me të drejtë presim edhe respekt konsekuent të standardeve dhe principeve evropiane nga ana e institucioneve të Bashkimit Evropian, theksoi kryetari i Kuvendit, z. Trajko Veljanoski.

Lexo më shumë

KRYETARI I KUVENDIT TE RM ME TORBJORN JAGLAND...

E enjte, 14 maj 2009

KRYETARI I KUVENDIT TË REPUBLIKËS SË MAQEDONISË, Z. TRAJKO VELJANOVSKI REALIZOI SOT TAKIM ME KRYETARIN E PARLAMENTIT TË MBRETËRISË SË NORVEGJISË DHE KANDIDAT PËR SEKRETAR TË ARDHSHËM TË PËRGJITHSHËM TË KËSHILLIT TË EVROPËS, Z. TORBJORN JAGLAND

Në takimin jozyrtar, kryetari i Kuvendit i theksoi edhe njëherë marrëdhëniet miqësore ndërmjet dy shteteve si dhe përkrahjen parimore që jep Norvegjia në realizimin e përcaktimit tonë për anëtarësim në NATO. E shfrytëzoj këtë takim si mundësi për thellimin e bashkëpunimit parlamentar në të gjitha nivelet dhe përmes formave të ndryshme. Duke u nisur nga fakti se jeni një nga kandidatët për sekretar të ardhshëm të përgjithshëm të Këshillit të Evropës, do të doja të theksoja se Republika e Maqedonisë në tërësi i pranon parimet bazë të këtij asociacioni më të vjetër në Evropë, e ato janë demokracia, të drejtat e njeriut dhe sundimi i ligjit. Principe dhe standarde të cilat janë dinamike dhe të cilat duhet të përsosen vazhdimisht. Për këto arsye, si shtet por edhe si parlament e vlerësojmë lartë rolin e Këshillit të Evropës dhe besoj se si shtet i vogël mund të japim kontribut të madh në realizimin e këtyre principeve, theksoi kryetari i Kuvendit, z. Trajko Veljanovski.

Lexo më shumë

TRAJKO VELJANOSKI NOVI SAD AL...

E mërkurë, 18.03.2009, Novi Sad

KRYETARI I KUVENDIT TË REPUBLIKËS SË MAQEDONISË TRAJKO VELJANOSKI SOT NË NOVI SAD U TAKUA ME KRYETARIN E KUVENDIT TË KRAHINËS AUTONOME TË VOJVODINËS, Z. SHANDOR EGERESHI

Në kuadër të vizitës dyditore në Republikën e Serbisë kryetari i Kuvendit të Republikës së Maqedonisë, z. Trajko Veljanoski u takua edhe me kryetarin e Kuvendit të Krahinës Autonome të Vojvodinës, z. Shandor Egereshi, duke theksuar me këtë rast, se vizita në Republikën e Serbisë nuk do të ishte e plotë nëse nuk do ta vizitonte edhe Vojvodinën. Gjatë kohës së bisedimeve të përzemërta, z. Egereshi shprehu kënaqësi të madhe nga vizita e kryetarit Veljanoski duke propozuar me këtë rast tema konkrete për bashkëpunim më të afërt si në nivelin lokal, ashtu edhe në nivel të afaristëve, me iniciativë për organizim të forumeve të ndërsjella afariste në Vojvodinë dhe në Republikën e Maqedonisë, me çka do të përforcohej bashkëpunimi ekonomik. Z. Egereshi, inicioi nënshkrim të marrëveshjes kornizë ndërmjet parlamenteve të Republikës së Serbisë dhe Republikës së Maqedonisë, në të cilën do të përfshihej edhe bashkëpunimi me Krahinën Autonome të Vojvodinës në më shumë lëmi, e cila u pranua nga ana e kryetarit Veljanoski.

Lexo më shumë

TRAJKO VELJANOSKI NE TAKIM ME SLAVICA GJUKIQ DEJANOVIQ...

E martë, 17.03.2009, Beograd

KRYETARI I KUVENDIT TË REPUBLIKËS SË MAQEDONISË, ZOTËRI TRAJKO VELJANOSKI U TAKUA ME KRYETAREN E KUVENDIT POPULLOR TË REPUBLIKËS SË SRBISË, ZONJËN SLAVICA GJUKIQ DEJANOVIQ

Në takim të dy kryetarët shprehën kënaqësinë e dyanshme për rritjen e bashkëpunimit parlamentar dhe u angazhuan për thellimin dhe përforcimin e tij. Kryetari i Kuvendit të Republikë së Maqedonisë, zotëri Trajko Veljanoski i ftoi grupet parlamentare për bashkëpunim dhe komisionet e të dyja parlamenteve që ta përtërijnë dhe ta intensifikojnë bashkëpunimin. Kryetari i Kuvendit të Republikës së Maqedonisë nikoqires së vet ia barti përvojat dhe sugjerimet të cilat kanë dalë nga aktivitetet dhe takimet të cilat i kishte në rajon dhe në Konferencën e mëparshme të kryetarëve të parlamenteve të vendeve anëtare të UE-së në Paris. Gjithashtu theksi u vu edhe në aktivitetet me të cilat nxitet bashkëpunimi ndër fqinjësor dhe rajonal në të gjitha sferat

Lexo më shumë

TRAJKO VELJANOSKI PER VIZITE NE SERBI AL...

17.03.2009

KRYETARI I KUVENDIT TË REPUBLIKËS SË MAQEDONISË, Z. TRAJKO VELJANOSKI NË KUADËR TË VIZITËS ZYRTARE DYDITORE NË REPUBLIKËN E SËRBISË U TAKUA ME KRYETARIN E QEVERISË SË REPUBLKËS SË SËRBISË, Z. MIRKO CVETKOVIQ

Kryetari i Kuvendit të Republikës së Maqedonisë, z.Trajko Veljanoski, dhe Kryetari i Qeverisë së Republikës së Serbisë, z.Mirko Cvetkoviq, e vlerësuan vizitën si një hap përpara drejt rinovimit në frymën e fqinjësisë së mirë, besimit dhe raportit miqësor të dy vendeve fqinje. Në fillim të takimit Kryetari Veljanoski informoi për zgjedhjet e ardhshme presidenciale dhe lokale të cilat janë të rëndësishme për vendin dhe integrimin tonë evropian. Kryetari Veljanoski theksoi që në kontekst të procesit eurointegrues, Republika e Maqedonisë i plotësoi kushtet për marrjen liberalizimit të vizave si dhe marrjen e datës për fillimin e negociatave. Edhe kryeministri Cvetkoviq dha shpresën që Republika e Serbisë do të fitojë liberalizimin e vizave gjatë vitit 2009 dhe se do të vazhdojë të ec edhe matej drejt integrimit evropian.

Lexo më shumë