Вторник, 29 октомври 2013 година
Собраниска делегација на регионален состанок во белград
Делегација на Собранието на Република Македонија, предводена од Лилјана Поповска, а во чиј состав е и Светлана Мазгалоска Вучетиќ, на 29 и 30 октомври ќе учествува на првиот регионален состанок на парламентарните тела надлежни за човекови права и рамноправност на половите што се одржува во Белград, Република Србија.
Во рамките на овој состанок претседателката на Комисијата за еднакви можности на жените и мажите при Собранието на Република Македонија, г-ѓа Лилјана Поповска, денеска ќе ги презентира надлежностите, активностите и добрите практики на парламентарните тела за родова рамноправност.
Целта на состанокот е да се утврдат целите и правците за понатамошна меѓународна парламентарна соработка.