Понеделник, 3 октомври 2016 година
Осумнаесетта седница на Комисијата за еднакви можности на жените и мажите
Комисијата за еднакви можности на жените и мажите на Собранието на РМ, на 27 септември 2016 година, одржа седница со дневен ред: Размена на искуства помеѓу жени политичари од Република Македонија и Северна Ирска.
Седницата со свое обраќање ја отвори заменик претседателката на Комисијата, г-ѓа Лилјана Кузмановска.
На темата свои излагања имаа: претставниците на твининг проектот: „Поддршка за имплементација на родова еднаквост", Патриша Кери, постојан советник на проект и Илејн О Нил, раководител на програм, Политикс Плус од Парламентот на Северна Ирска.
Во дискусијата се вклучија членот на Комисијата, Лилјана Поповска и пратеничката Лидија Димова, како и Елена Грозданова, државен советник за еднакви можности во Министерството за труд и социјална политика.
По дискусијата беа донесени следните заклучоци:
- Да се продолжи со подготовка на Твининг проекти, во кои ќе биде застапена и посебна компонента за жените во политиката;
- Да се прошири размената на искуства и со други земји членки на Европската Унија и
- Да се продолжи со спроведување на Стратегијата за родова еднаквост 2013 - 2020 особено во стратешката цел жени во политиката.