Вторник, 1 август 2017 година

Средба на претседателот Џафери со делегација од Република Бугарија предводена од премиерот Бојко Борисов

Претседателот на Собранието на Република Македонија, г. Талат Џафери денеска оствари средба со делегација од Република Бугарија предводена од премиерот Бојко Борисов, која престојува во дводневна официјална посета на Република Македонија.

Вторник, 25 јули 2017 година

Средба на претседателот Џафери со азербејџанскиот амбасадор Багиров

Претседателот на Собранието на Република Македонија, г. Талат Џафери денеска се сретна со вонредниот и ополномоштен амбасадор на Република Азербејџан  во Република Македонија, г. Фаик Багиров. 

Четврток, 20 јули 2017 година

Средба на претседателот Џафери со финскиот амбасадор Иконен

Претседателот Џафери изрази благодарност за континуираната поддршка што Република Финска ѝ ја дава на Република Македонија на планот на евроинтеграциите и истакна дека интерес на Собранието на Република Македонија е да се интензивира  билатералната парламентарна соработка и со таа цел наскоро, како и во сите досегашни парламентарни мандати, ќе се формира Пратеничка група за соработка со Парламентот на Финска. 

Среда, 19 јули 2017 година

Средба на претседателот Талат Џафери, со г. Таџан Илдем, помошник Генерален секретар на НАТО за јавна дипломатија

Претседателот на Собранието на почетокот на средбата изрази голема благодарност за поддршката дадена од Генералниот секретар на НАТО, г. Столтенберг за изборот на новата Влада и новото парламентарно мнозинство, како и во однос на реформаторските процеси во општеството и на планот на забрзаната интеграција на државата во НАТО.

Среда, 19 јули 2017 година

Средба на претседателот Џафери со амбасадорот Рамеш

Претседателот на Собранието на Република Македонија, г. Талат Џафери, денеска го прими во проштална посета амбасадорот на Чешката Република во Република Македонија, г. Мирослав Рамеш, кој му врачи лична честитка и честитки од претседателите на Долниот дом на Парламентот и на Сенатот на Чешката Република за изборот на функцијата претседател на Собранието. 

Четврток, 13 јули 2017 година

Средба на претседателот Џафери со претставникот на УНИЦЕФ во Македонија, г. Бенџамин Перкс 

Претседателот на Собранието на Република Македонија, г. Талат Џафери оствари средба со новоименуваниот претставник на УНИЦЕФ во Република Македонија, г. Бенџамин Перкс. На почетокот на средбата претседателот Џафери му посака добредојде, успешна и плодна работа за време на неговиот мандат. 

Среда, 12 јули 2017 година

Средба на претседателот Џафери со босанската амбасадорка Бабиќ

Претседателот на Собранието на Република Македонија, г. Талат Џафери денеска оствари средба со амбасадорката на Босна и Херцеговина во Република Македонија, г-ѓа Лепа Бабиќ.

На почеткот на средбата, амбасадорката му честита на г. Џафери за изборот за претседател на Собранието на Република Македонија, при што претседателот на Собранието, г. Џафери се заблагодари за честитките и поддршката што ја доби од Парламентот на Босна и Херцеговина.

Вторник, 11 јули 2017 година

Средба на претседателот Џафери со aвстралиската министерка Бишоп

Во рамките на официјалната посета на Република Македонија, денеска претседателот на Собранието на Република Македонија, г. Талат Џафери, оствари средба со г-ѓа Џули Бишоп, министерка за надворешни работи на Австралија. Оваа посета кореспондира со почетокот на реформските процеси во Република Македонија, кои започнаа со формирањето на новата Влада и претставува прва официјална посета на висок државен функционер од Австралија од осамостојувањето на Република Македонија, од 1991 година до денес.

Четврток, 6 јули 2017 година

Средба на претседателот Џафери со иранскиот амбасадор Карими

Претседателот на Собранието на Република Македонија, г. Талат Џафери, денеска оствари средба со амбасадорот на Иран во Република Македонија, г. Хосеин Карими.   

На почетокот на средбата, амбасадорот изрази честитки за изборот на г. Талат Џафери за претседател на Собранието на Република Македонија, притоа посакувајќи му успеси во понатамошната работа и ја искористи приликата да му ја достави честитката упатена од претседателот на Исламската Република Иран, г. Хасан Роухани. 

Вторник, 4 јули 2017 година, Улцињ

Средба на собраниска делегација со градоначалникот на Улцињ, г. Назиф Цунгу

Во продолжение на првата официјална посета на Црна Гора, претседателот на Собранието на Република Македонија, г. Талат Џафери и пратениците г. Максим Димитриевски и г. Џевад Адеми, се сретнаа со градоначалникот на Улцињ, г. Назиф Цунгу и со претставници од Општината.