Среда, 10 мај 2017 година

Средба на претседателот Џафери со швајцарската aмбасадорка, г-ѓа Сибил Сутер Тејада

Претседателот на Собранието на Република Македонија, г. Талат Џафери, денеска оствари официјална средба со амбасадорката на Швајцарската Конфедерација во Република Македонија, г-ѓа Сибил Сутер Тејада, која честитајќи му го изборот на функцијата претседател на Собранието, му посака успешен мандат. Таа изрази надеж дека по политичката криза наскоро, на демократски начин, ќе се реетаблираат државните институции, како следна фаза во стабилизирањето на земјата. 

Среда, 10 мај 2017 година

Средба на претседателот Џафери со албанскиот амбасадор Фатос Река

Претседателот на Собранието на Република Македонија, г. Талат Џафери, денес оствари официјална средба со амбасадорот на Република Албанија во Република Македонија, г. Фатос Река, кој му го честиташе изборот на функцијата претседател на Собранието, како многу важен чекор во стабилизацијата на политичките состојби во Република Македонија. 

Понеделник, 8 мај 2017 година

Одделни средби на претседателот Џафери со американскиот и францускиот амбасадор 

Претседателот на Собранието на Република Македонија, г. Талат Џафери, оствари официјална средба со амбасадорот на САД во Република Македонија, г. Џес Бејли, кој му упати срдечни честитки за изборот на функцијата претседател на Собранието, како прв и мошне важен чекор во консолидација и стабилизација на политичката ситуација во Република Македонија. Притоа истакна дека за остварување на таа цел Амбасадата на САД координирано работи заедно со Делегацијата на Европската унија во Република Македонија, бидејќи од непроценливо значење, за иднината на државата, се активностите што ќе следат. 

Петок, 5 мај 2017 година

СРЕДБА НА ПРЕТСЕДАТЕЛОТ ЏАФЕРИ СО Г-ЃА КАРЕН ПИРС

Претседателот на Собранието на Република Македонија, г. Талат Џафери, оствари работна средба со г-ѓа Карен Пирс, политички директор во Министерството за надворешни работи на Обединетото Кралство на Велика Британија. 

Петок, 5 мај 2017 година

ПРЕТСЕДАТЕЛОТ НА СОБРАНИЕТО, Г. ТАЛАТ ЏАФЕРИ ОСТВАРИ РАБОТНИ СРЕДБИ СО ВИСОКИ ПРЕТСТАВНИЦИ НА ЕУ

Во рамки на својата работна посета, претседателот на Собранието на Република Македонија, г. Талат Џафери, оствари средби со  г-ѓа Федерика Могерини, Висока претставничка за надворешни работи и безбедносна политика на Европската Унија, Јоханес Хан, Комесар за добрососедска политика и проширување на Европската комисија и пратениците во Европскиот Парламент Иво Вајгл, Едуард Кукан, Алојз Петерле и Кнут Флекенштајн.

Среда, 3 мај 2017 година

Претседателот на Собранието, г. Талат Џафери го прими евроамбасадорот Жбогар

На средбата, амбасадорот Жбогар уште еднаш му го честита изборот на господин Талат Џафери, истакнувајќи дека со ова Собаранието и Република Македонија продолжуваат со процесот на целосна интеграција во евроатлантските структури.