2009

ПСРМ со претставници на Егејците 27.05.09...

Среда, 27 мај 2009 година

Претседателот на Собранието на РМ, г. Трајко Вељаноски прими делегација од Сојузот на Здруженијата на Македонците од Егејскиот дел на Македонија

На средбата се разговараше за спроведувањето на Резолуцијата за бегалците од воените дејствија во Репубика Грција за време на Граѓанската и Втората светска војна, која Собранието на РМ со акламација ја донесе во август 2008 година.

Прочитај повеќе

ПСРМ со група за пријателство - Франција 26,05,09...

Вторник, 26 мај 2009 година

Претседателот на Собранието, г.Трајко Вељаноски ја прими делегацијата на групата за пријателство Франција-Македонија ОД Националното Собрание на Француската Република

Претседателот на Собранието на Република Македонија, г.Трајко Вељаноски ги прими членовите на Пратеничката група за пријателство со Република Македонија од Француското национално собрание, предводени од претседателот на Групата, г. Филип Дурон. Поздравувајќи ја посетата, претседателот на Собранието истакна дека го радува фактот што во последните месеци се зајакнува соработката меѓу Франција и Македонија на високо ниво. Во оваа смисла тој ги спомена неодамнешните средби со својот колега, претседателот на Француското национално собрание, г. Бернар Акојер, како и со сенаторот, г. Роберт Бадентер, како и последната средба на премиерот, г. Никола Груевски, со францускиот претседател, г. Саркози. Исто така во оваа насока беа посетите на наши парламентарни делегации на Комисијата за надворешна политика и на Францускиот парламентарен канал.

Прочитај повеќе

Средба на ПСРМ со г.Соботка...

Вторник, 19 мај 2009 година

Претседателот на Сенатот на Чешката Република, г.Соботка во официјална посета на Република Македонија на покана на претседателот на Собранието на Република Македонија, г.Вељаноски

Во разговорите и двете страни ги истакнаа високо развиените односи меѓу двата парламента, односно вкупните билатерални односи помеѓу двете пријателски држави. Претседателот на Собранието, г.Трајко Вељаноски истакна дека Република Македонија високо ја цени принципиелната поддршка на Чешката Република во остварувањето на нашите евроатлантски интеграции. Како законодавен дом ние многу сериозно и одговорно ги остваруваме сите оние задачи кои се на нашата евроатлантска агенда. Потсетувајќи дека Република Македонија ги исполнила сите услови за укинување на визниот режим претседателот на Собранието, г.Трајко Вељаноски изрази уверувања дека до крајот на претседателството на Чешка во Европската унија, од страна на Европската комисија ќе добиеме препорака за визната либерализација за македонските граѓани, а до крајот на годинава и датум за отпочнување на преговорите. Ние сме дел од Европа, ние ги исполнивме сите критериуми, затоа со право очекуваме и доследно почитување на европските стандарди и принципи од страна на институциите на Европската унија, истакна претседателот на Собранието, г. Трајко Вељаноски.

Прочитај повеќе

Средба на ПСРМ со г.Торбјорн Јагланд...

Четврток, 14 мај 2009

Претседателот на Собранието на Република Македонија, г.Трајко Вељаноски денеска оствари средба со претседателот на Парламентот на Кралството на Норвешка и кандидат за иден Генерален секретар на Советот на Европа, г.Торбјорн Јагланд

На средбата која е неофицијална претседателот на Собранието, г.Трајко Вељаноски уште еднаш ги истакна пријателските односи меѓу двете држави како и принципиелната поддршка која Норвешка ја дава во остварувањето на нашата определба за членство во НАТО.Ја користам оваа средба како можност за продлабочување на парламентарната соработка и тоа на сите нивоа и преку различни форми. Поаѓајќи од фактот дека сте еден од кандидатите за иден генерален секретар на Советот на Европа, би сакал да истакнам дека Република Македонија во целост ги прифаќа и спроведува основните принципи на оваа најстара европска асоцијација, а тоа се демократијата, човековите права и владеењето на правото. Принципи и стандарди кои се динамични и кои треба постојано да се надоградуваат. Затоа како држава, но и како парламент високо ја цениме улогата на Советот на Европа и верувам дека како мала држава даваме голем придонес во остварувањето на тие принципи, истакна претседателот на Собранието, г.Трајко Вељаноски.

Прочитај повеќе

Средба на ПСРМ со г.Жoао Соареш...

Вторник, 12 мај 2009 година

Претседателот на Собранието, г.Трајко Вељаноски се сретна со претседателот на парламентарното собрание на ОБСЕ, г.ЖOао Соареш

На средбата претседателот на Собранието, г.Трајко Вељаноски истакна дека Македонија како полноправна членка на ОБСЕ во целост ги почитува и спроведува основните принципи и определби на оваа меѓународна асоцијација, изразувајќи благодатрност за улогата на ОБСЕ во целокупните процеси на транзицијата на македонското општество, но и институции. Претседателот Вељаноски уште еднаш потсети дека за граѓаните на Република Македонија е многу значајно да се укине визниот режим бидејќи тоа сме го заслужиле врз она што го имаме направено. Помеѓу тие позитивни резултати се и последните избори кои во првичниот извештај на ОДИХР се оценети многу добро.

Прочитај повеќе

Средба на ПСРМ со предходните претседатели на Собранието на...

Четврток, 23 април 2009 година

Средба на претседателот на Собранието, г.Трајко Вељаноски со претходните претседатели на Собранието на Република Македонија

Претседателот на Собранието, г.Трајко Вељаноски утре 24 април ќе оствари средба со претходните претседатели на Собранието на Република Македонија, господата Љубиша Георгиевски, Љупчо Јордановски, Никола Поповски, Саво Климовски, Тито Петковски и Стојан Андов. На средбата најголемо внимание ќе биде посветено на подготовките за донесување на Законот за Собрание на Република Македонија, а ќе се разгледаат и други актуелни прашања поврзани со работата на парламентот.

Прочитај повеќе

ПСРМ со министерот за надворешни работи на РС г.Вук Јеремиќ...

Четврток, 7 мај 2009 година

Претседателот на Собранието, г. Трајко Вељаноски се сретна со министерот за надворешни работи на Република Србија, г. Вук Јеремиќ

На средбата претседателот на Собранието на Република Македонија, г. Трајко Вељаноски, потсети дека со неговата неодамнешна посета на Белград и разговорите со претседателката на српскиот парламент, г-ѓа Славица Ѓукиќ-Дејановиќ, односите меѓу двете држави повторно ја добиваат онаа динамика која беше и која е сама по себе разбирлива и потребна за две соседни држави, односно ова е пример на успешна парламентарна дипломатија.

Прочитај повеќе

ПСРМ на средба со специјалниот известувач на ОН Асма Џаханг...

Вторник, 28 април 2009 година

Претседателот на Собранието, г. Трајко Вељаноски се сретна со специјалниот известувач на Обединетите Нации за слобода на религијата и убедувањето, г-ѓа Асма Џахангир

На средбата претседателот на Собранието, г.Трајко Вељаноски истакна дека Република Македонија е мултиетничка, мултикултурна и мултиконфесионална држава во која гледано историски секогаш постоела висока толеранција и недискриминација помеѓу припадниците на најразлични вероисповеди и религиозни групи. Ова историско наследство денеска е вградено и во Уставот и во законите. Со ова не само формално, туку и во практиката се потврдува толеранцијата и недискриминацијата на секој поединец, без разлика на неговата религиозна припадност. Во Република Македонија доминантни се две религии, православната и исламската на кои му припаѓаат и најголем број на граѓани, но со Уставот и законите се обезбедуба целосна рамноправност и на помалите верски заедници.

Прочитај повеќе

Средба на ПСРМ со поранешните претседатели на Собранието на...

Петок, 24 април 2009 година

Претседателот Вељаноски оствари средба со поранешните претседатели на Собранието на Република Македонија

Претседателот на Собранието на Република Македонија, г. Трајко Вељаноски денеска оствари работна средба со поранешните претседатели на Собранието, господата Стојан Андов, Тито Петковски, Никола Поповски, Љупчо Јордановски и Љубиша Георгиевски. Поради отсуство од државата не присуствуваше господин Саво Климовски. На средбата која беше на иницијатива на претседателот на Собранието г. Трајко Вељаноски најголемо внимание беше посветено на подготовките за донесување на Закон за Собранието на Република Македонија, но од негова страна беше истакнато дека вакви средби ќе има и понатаму, бидејќи искуствата на сите претходни претседатели е големо и може да придонесе во јакнењето на улогата и ефикасноста на Собранието. Сите учесници ја поздравија иницијативата за ваква средба, истакнувуајќи дека Закон за Собранието е потребен.

Прочитај повеќе

Средба на ПСРМ со сенатот на Чешка 24.04...

Петок, 24 април 2009 година

Средба на претседателот Вељаноски со делегацијата на Комисијата за надворешна политика на Сенатот на Чешката Република

Претседателот на Собранието на Република Макдонија, г.Трајко Вељаноски денеска ја прими делегацијата на Комисијата за надворешна политика на Сенатот на Чешката Република, предводена од претседателот на комисијата г.Јиржи Динстбиер. Изразувајќи благодарност за принципиелната поддршка на Чешката Република на нашата држава во евроинтегративните процеси претседателот на Собранието Трајко Вељаноски истакна дека Република Македонија ги исполни сите услови за укинување на визниот режим, како и за добивање датум за отпочнување на преговорите со Европската унија.

Прочитај повеќе