Петок, 3 октомври 2014 година
Пратеникот Николоски набљудувач на предвремените парламентарни избори во Република Бугарија
На предвремените парламентарни избори во Република Бугарија, закажани за 6 октомври, шефот на Делегација на Собранието на Република Македонија во Парламентарното собрание на Советот на Европа, пратеникот Александар Николоски ќе учествува како член на ад-хок Комитетот за набљудување на изборите.
Николоски беше член на ад-хок Комитетот за набљудување и на минатогодишните парламентарни избори.
Тој ќе ја предводи мониторинг мисијата за избирачките места кои се во регионот на главниот град на Бугарија, Софија.
Пратеникот Николоски беше дел и од ад-хок Комитетот за набљудување на избори и на минатогодишните претседателски избори во Азербеџан.