Четврток, 21 декември 2017 година, Тирана

Средба на претседателот Џафери со вицепремиерката на Албанија, г-ѓа Сенида Меси 

Претседателот на Собранието на Република Македонија, г. Талат Џафери оствари средба со заменик-претседателката на Владата на Република Албанија, г-ѓа Сенида Меси. 

На почетокот на средбата, заменик-претседателката на Владата на Република Албанија, изрази задоволство од можноста да се сретне со претседателот на Собранието и да разменат мислења во насока на унапредување на  односите меѓу двете земји. 

Среда, 20 декември 2017 година, Тирана

Средба на претседателот Џафери со претседателот на Демократската партија на Албанија, г. Љуљзим Баша

Претседателот Џафери истакна дека од особена важност е негувањето на добрососедските односи со пријателска Албанија, бидејќи двете земји споделуваат заеднички интереси. Во таа насока, претседателот Џафери истакна дека Република Македонија и Република Албанија имаат иста стратешка определба – целосна интеграција во Европската унија и за тоа треба да придонесуваат сите политички чинители. 

Среда, 20 декември 2017 година, Тирана

Средба на претседателот Џафери со претседателот на Република Албанија, г. Илир Мета 

Средбата се одвиваше во пријатна и топла атмосфера, што е знак на одличните билатерални односи меѓу двете соседски земји кои немаат помеѓу себе отворени прашања и тоа беше заедничка констатација на обострано задоволство на двете страни. 

Среда, 20 декември 2017 година, Тирана

Претседателот Џафери во официјална посета на Република Албанија 

На покана од претседателот на Собранието на Република Албанија, г. Грамоз Ручи, Делегација предводена од претседателот на Собранието на Република Македонија, г. Талат Џафери, е во официјална посета на Република Албанија. Во состав на делегацијата се пратениците кои се воедно и членови на Групата за соработка со Парламентот на Албанија: г. Ејуп Алими, г-ѓа Бети Рабаџиевска-Наумовска и г. Реџеп Мемеди.

Понеделник, 18 декември 2017 година

Средба на претседателот Џафери со министерот за надворешни работи и трговија на Унгарија, г. Петер Зијарто  

Денеска, претседателот на Собранието на Република Македонија, г. Талат Џафери, оствари средба со министерот за надворешни работи и трговија на Унгарија, г. Петер Зијарто. 

Претседателот Џафери, посакувајќи му добредојде на гостинот, изрази задоволство од пријателските односи помеѓу двете земји, со констатација дека немањето отворени прашања претставува добра основа за градењето и понатамошното продлабочување на соработката на сите нивоа, вклучително и на парламентарно ниво. 

Сабота, 16 декември 2017 година

Претседателот Џафери му оддаде почит на романскиот крал Михаил Први 

Денес со највисоки државни и воени почести беше погребан кралот Михаил Први на Романија.

Делегацијата на Република Македонија составена од претседателот на Собранието на Република Македонија Талат Џафери и вицепремиерот Кочо Анѓушев, придружувана од амбасадорот на Република Македонија во Романија, му оддадоа почит на Кралот на мисата која што се одржа во Кралската палата.

Петок, 15 декември 2017 година

Средба на претседателот Џафери со г. Ванино Кити, претседател на Комисијата за европски политики во Сенатот на Република Италија

Претседателот на Собранието на Република Македонија, г. Талат Џефери, се сретна со г. Ванино Кити, претседател на Комисијата за европски политики во Сенатот на Република Италија. 

Оценувајќи ги односите меѓу двете држави како пријателски и без отворени прашања, претседателот Џафери изрази надеж дека во блиска иднина ќе се интензивира директната комуникација меѓу законодавните домови на двете држави и тоа како на ниво на комисии, така и на ниво на претседатели на парламенти. 

Четврток. 14 декември 2017 година

Средба на претседателот Џафери со потпретседателката на Република Бугарија, г-ѓа Илијана Јотова 

Претседателот на Собранието на Република Македонија, г. Талат Џафери, денеска оствари средба со потпретседателката на Република Бугарија, г-ѓа Илијана Јотова, која престојува во кратка работна посета на Република Македонија. 

Недела, 10 декември 2017 година

Средби на претседателот Џафери на маргините на Парламентарно безбедносниот форум во Вашингтон

На маргините на Парламентарно безбедносниот форум во Вашингтон, претседателот на Собрание на Република Македонија се сретна со координаторот на парламентарната група на владејачката партија ГЕРБ во Народното собрание на Република Бугарија, г. Цветан Цветанов.  

Петок, 8 декември 2017 година

Средба на претседателот Џафери со конгресмените Дејвид Прајс и Питер Роскам

За време на посетата во Вашингтон, претседателот на Собранието на Република Македонија, г. Талат Џафери, се сретна со долгогодишните пријатели на Македонија, конгресмените Дејвид Прајс и Питер Роскам. 

Двајцата конгресмени истакнаа дека се почестени што токму во Вашингтон имаат можност да се сретнат со претседателот на Собранието на Република Македонија и да разменат мислења во искрена и срдечна атмосфера.