Среда, 25 октомври 2017 година

Средба на претседателот Џафери со заменик-претседателот на Владата и министер за надворешни работи на Република Косово, г. Беџет Пацоли

Претседателот на Собранието на Република Македонија, г.Талат Џафери, се сретна со заменикот на претседателот на Владата и министер за надворешни работи на Република Косово, г. Беџет Пацоли, кој престојува во еднодневна официјална посета на Република Македонија. 

Претседателот Џафери нагласи дека Република Македонија и Република Косово придонесуваат меѓусоседските односи во регионот да се издигнат на највисоко можно ниво и дека ваквите посети се потврда на тие заложби.  

Среда, 18 октомври 2017 година

Билатерална средба на претседателот Џафери со г-ѓа Анкие Брокерс Кнол, претседател на Сенатот на Холандија

Претседателот на Собранието на Република Македонија, г. Талат Џафери, денеска, во рамките на 137. Собрание на Интерпарламентарната унија (ИПУ), што се одржува во Санкт Петербург, Руска Федерација, оствари билатерална средба со г-ѓа Анкие Брокерс Кнол, претседател на Сенатот на Холандија.

Претседателот Џафери изрази особено задоволство од одржувањето на оваа средба, со оглед на тоа што Кралството Холандија е еден од најголемите билатерални донатори на Република Македонија и посветен поддржувач на евроинтеграциите на земјата. 

Вторник, 17 октомври 2017 година 

Средба на претседателот Џафери со г. Халид Ал-Маавали, претседател на Консултативниот совет на Оман

Во рамките на 137. Собрание на Интерпарламентарната унија (ИПУ), што се одржува од 14 до 18 октомври 2017 година во Санкт Петербург, Руска Федерација, претседателот на Собранието на Република Македонија, г. Талат Џафери, оствари билатерална средба со г. Халид Ал-Маавали, претседател на Консултативниот совет (парламентот) на Оман.

Со оглед на фактот што ова е прва официјална средба меѓу парламентарци од Република Македонија и Султанатот Оман, двајцата претседатели на парламенти се согласија дека средбата ќе претставува поттик за продлабочување на билатералната соработка меѓу парламентите и владите на двете земји.

Вторник, 17 октомври 2017 година 

Билатерални средби на претседателот Џафери 

На  маргините на 137. Собрание на Интерпарламентарната унија (ИПУ), што се одржува од 14 до 18 октомври 2017 година во Санкт Петербург, Руска Федерација, претседателот на Собранието на Република Македонија, г. Талат Џафери, оствари билатерална средба со г. Ернесто Кордеро Аројо, претседател на Сенатот на Мексико и сенаторката г-ѓа Габриела Куевас Барон, кандидат за претседател на Интерпарламентарната унија.

Четврток, 12 октомври 2017 година

Средба на претседателот Џафери со словачкиот амбасадор, Н.Е. Мартин Безак

Претседателот на Собранието на Република Македонија, г. Талат Џафери, денеска го прими во проштална посета амбасадорот на Словачката Република во Република Македонија, г. Мартин Безак. 

Средбата мина во пријатна и срдечна атмосфера на која претседателот на Собранието изрази искрена благодарност за огромната билатерална поддршка што Словачката Република ја дава на Република Македонија во справувањето со мигрантската криза, преку конкретна материјална и човечка помош. 

Четврток, 5 октомври 2017 година

Средба на претседателот Џафери со претставници на НДИ

Претседателот на Собранието на Република Македонја, г. Талат Џафери, придружуван од генералниот секретар на Собранието, г-ѓа Цветанка Иванова, денес оствари средба со г. Кен Волак, претседател на Американскиот национален демократски институт, г. Роберт Бенџамин, регионален директор на НДИ од САД за Европа и г. Крис Хеншоу, директор на НДИ за Македонија. 

Среда, 4 октомври 2017 година

Средба на претседателот Џафери со министерот за надворешни работи на Големото Војводство Луксембург, Н.Е Жан Аселборн  

Денеска, претседателот на Собранието на Република Македонија, г. Талат Џафери, оствари средба со министерот за надворешни работи на Големото Војводство Луксембург, г. Жан Аселборн.

На средбата, претседателот Џафери ги потенцираше отворените и  пријателски односи меѓу двете земји и ја нагласи потребата овие релации во иднина да се зајакнуваат и интензивираат.

Вторник, 3 октомври 2017 година

Средба на претседателот Џафери со амбасадорoт на Република Куба, Н.Е. Педро Пабло Сан Хорхе Родригез 

На денешната средба со амбасадорот на Република Куба, Н.Е. Педро Пабло Сан Хорхе Родригез, претседателот на Собранието на Република Македонија, г. Талат Џафери, ги потенцираше пријателските односи меѓу двете земји и потребата истите во иднина да зајакнуваат и да продлабочуваат. 

Петок, 29 септември 2017 година

Средба на претседателот Џафери со проф. д-р Ахмет Давутоглу

Претседателот на Собранието на Република Македонија г. Талат Џафери денес оствари средба со поранешниот претседател на 62, 63 и 64-та Влада на Република Турција и пратеник од Конја, проф. д-р Ахмет Давутоглу. 

Петок, 22 септември 2017 година

Средба на претседателот Џафери со шефот на Мисијата на ОДИХР во Македонија, г-ѓа Одри Гловер

Претседателот на Собранието на Република Македонија, г.Талат Џафери, денеска оствари средба со Делегација на Набљудувачката мисија на ОБСЕ/ОДИХР за локалните избори, предводена од г. Одри Гловер, шеф на мисијата на ОДИХР во Македонија.