Петок, 10 ноември 2017 година

Средба на претседателот Џафери со државниот секретар за надворешни и европски работи на Словачката Република, г. Иван Корчок

Претседателот на Собранието на Република Македонија, г. Талат Џафери денеска оствари средба со државниот секретар за надворешни и европски работи на Словачката Република, г. Иван Корчок.

На почетокот на средбата, претседателот Џафери искажа особено задоволство за можноста да оствари средба со претставник на земја со која Република Македонија има одлични и долгогодишни динамични билатерални односи на повеќе нивоа. На парламентарно ниво, Парламентот на Република Словачка го сподели искуството при формирањето на парламентарниот институт во Собранието на Република Македонија.

Четврток, 9 ноември 2017 година

Средба на претседателот Џафери со министерот за надворешни работи на Црна Гора, г. Срѓан Дармановиќ

Претседателот на Собранието на Република Македонија, г.Талат Џафери, се сретна со министерот за надворешни работи на Црна Гора, г. Срѓан Дармановиќ, кој претсојува во еднодневна работна посета на Република Македонија. На средбата присуствуваа и членовите на Пратеничката група на Собранието на Република Македонија за соработка со Парламентот на Црна Гора, г-ѓа Лилјана Кузмановска, претседател и г. Благојче Трпески, г-ѓа Мирсада Емини Асани и г. Африм Гаши, членови. 

Четврток, 9 ноември 2017

Средба на претседателот на Собранието на Република Македонија, г. Талат Џафери со европратеникот г. Иво Вајгл

Претседателот на Собранието на Република Македонија, г.Талат Џафери денеска оствари работна средба со пратеникот на Европскиот парламент, г. Иво Вајгл. На почетокот на средбата претседателот Џафери му посака добредојде во Република Македонија и го информираше за тековните случувања на политички план како и за планираните активности на Собранието на Република Македонија до крајот на оваа календарска година.

Среда, 8 ноември 2017 година

Средба на претседателот Џафери со г.  Мирослав  Томан, амбасадор на Чешката Република во Република Македонија 

Претседателот на Собранието на Република Македонија, г. Талат Џафери, денеска оствари средба со новоименуваниот вонреден и ополномоштен амбасадор на Чешката Република во Република Македонија, г. Мирослав Томан.

Претседателот Џафери му посака добредојде во Република Македонија на амбасадорот Томан, со желба за успешна и плодна дипломатска работа и притоа изрази надеж дека успешната соработка меѓу двете земји ќе продолжи и во иднина. Исто така, претседателот на Собранието изрази благодарност за отворената и континуирана поддршка на Чешката Република во процесот на евроатлантските интеграции на Република Македонија и финалното пристапувањето во Европската унија и НАТО. 

Среда, 8 ноември 2017

Средба на претседателот на Собранието, г. Талат Џафери со директорот на Одделот за парламентарни и владини програми на Националниот демократски институт, г. Скот Хубли

Денеска, претседателот на Собранието на Република Македонија, г. Талат Џафери оствари средба со директорот на Одделот за парламентарни и владини програми на Националниот демократски институт (НДИ), г. Скот Хубли. На средбата присуствуваа и амбасадорката на Швајцарија во Македонија, г-ѓа Сутер Тејада; директорот на НДИ во Македонија, г. Крис Хеншо; заменик-директорот на НДИ во Македонија, г. Скот Хејзлет и националниот програмски офицер во Швајцарската амбасада, Лилиан Кандикјан.

Четврток, 2 ноември 2017 година

СРЕДБА НА ПРЕТСЕДАТЕЛОТ ЏАФЕРИ СО ГРАДОНАЧАЛНИКОТ НА ПРЕШЕВО, Г. ШЌИПРИМ АРИФИ

Претседателот на Собранието на Република Македонија, г. Талат Џафери, денеска реализираше кратка протоколарна средба со градоначалникот на Прешево, г. Шќиприм Арифи.

На почеток на средбата, градоначалникот на Прешево, г. Шќиприм Арифи ја искористи приликата да му честита на г. Талат Џафери за изборот на функцијата претседател на Собранието на Република Македонија, и изрази уверување дека претседателот на Собранието Џафери ќе ја исполни оваа обврска одговорно и со дигнитет.

Среда, 1 ноември 2017 година

Средба на претседателот Џафери со Н.Е. Дан Ориан, амбасадор на Државата Израел во Република Македонија 

Претседателот на Собранието на Република Македонија, г. Талат Џафери, денеска оствари средба со г. Дан Ориан, амбасадор на Државата Израел во Република Македонија, кој заедно со група од 90 стопанственици од Израел учествува на Конференцијата „Македонија 2025“, каде свое посебно излагање ќе има најдобрата жена иноватор од Израел, Дана Габиш.

Петок, 27 октомври 2017, Будимпешта

Средби на претседателот  Џафери со г. Иван Брајовиќ, г-ѓа Маја Гојковиќ и г. Кадри Весели, претседатели на Парламентите на Црна Гора, Србија и Косово

Во рамките на учеството на претседателот на Собранието на Република Македонија, г. Талат Џафери, на Конференцијата на претседатели на парламенти на земјите од Западен Балкан, што се одржува во Будимпешта, денеска г. Џафери оствари билатерална средба со г. Иван Брајовиќ, претседател на Парламентот на Црна Гора.

Петок, 27 октомври 2017 година, Будимпешта

Средба на претседателот Џафери со г. Грамоз Ручи, претседател на Парламентот на Република Албанија

Претседателот на Собранието на Република Македонија, г. Талат Џафери, во рамките на Конференцијата на претседатели на парламенти на земјите од Западен Балкан, што се одржува во Будимпешта, се сретна со г. Грамоз Ручи, претседателот на Парламентот на Република Албанија.

Петок, 27 октомври 2017, Будимпешта

Средба на претседателот Џафери со г. Ласло Ковер, претседател на Парламентот на Унгарија

Денеска, претседателот на Собранието на Република Македонија, г. Талат Џафери, оствари средба со г. Ласло Ковер, претседателот на Парламентот на Унгарија, кој што воедно е и домаќин на Осмата конференција на претседатели на парламенти на земјите од Западен Балкан.