Петок, 8 март 2019 година
И претседателот Џафери се придружи на честитките по повод Меѓународниот ден на жената
Денеска, претседателот на Собранието на Република Северна Македонија, г. Талат Џафери во придружба на двајцата потпретседатели Мисовски и Ременска и двајцата заменици генерални секретари, г-ѓа Кацарска и г. Милковски, ги поканија на свечен коктел на којшто им подарија по една ружа на припадничките од женскиот пол а кои се пратенички и дел од Службата на Собранието, по повод Меѓународниот ден на жената, 8-март.
На приемот, претседателот Џафери, покрај честитките, се обрати и со зборовите „Ви посакувам благосостојба и мир во вашите домови затоа што само така ќе можете да го дадете вашиот максимален придонес и во вашиот професионален ангажман во Собранието“, свесен за исклучителниот напор кој што го вложуваат жените ширум светот во постигнување на вистинскиот баланс помеѓу улогата на мајка, ќерка, снаа, сопруга и професионалец во работата.
На приемот се обратија и потпретседателката Ременска и потпретседателот Мисовски со свои силни пораки за овој значаен празник.