Среда, 9 септември 2020

СРЕДБА НА ПРЕТСЕДАТЕЛОТ ЏАФЕРИ СО Н.Е. КЛЕМЕНС КОЈА

Претседателот Џафери потенцираше дека високо ја цени улогата на ОБСЕ во развојот на демократските процеси во земјата, придонесот на ОБСЕ/ОДИХР со набљудувањето на  изборните процеси, како и континуираната соработка на Собранието со Мисијата на ОБСЕ во Скопје. 

Петок, 4 септември 2020 година

Средба на претседателот Џафери со Н. Е. Мирослав Томан

Амбасадорот Томан му честиташе на претседателот Џафери за успешно спроведените парламентарни избори, за формирањето на институциите и за неговиот реизбор на функцијата претседател на законодавниот дом. Тој истакна дека и во иднина Вишеградската група ќе биде меѓу најгласните поддржувачи на аспирациите на земјите од Западен Балкан за добивање на членство во Европската Унија. Тој најави поинтензивна соработка во областа на одбраната, внатрешните работи како и економијата.  

Петок, 4 септември 2020 година

Средба на претседателот Џафери со Н.Е. Кристин Форсгрен Бенгтсон

ретседателот Џафери изрази уверување дека и во наредниот период двете држави ќе продолжат да ги развиваат и унапредуваат меѓусебните односи и дека парламентарната соработка ќе се интензивира.

Четврток, 3 септември 2020 година

Средба на претседателот Џафери со Н.Е. Кристиан Тимоние

Амбасадорот Тимоние упати честитки за повторниот избор на Џафери на функцијата претседател на Собранието на Република Северна Македонија и изрази уверување дека улогата и видливоста на Собранието, кое е клучна институција за успешно функционирање на системот, ќе продолжат да се зацврстуваат и во наредниот период. Тој оцени дека парламентарната контрола е од големо значење и изрази поддршка за работата на Националниот совет за евроинтеграции, каде што треба да се постигне консензус за клучните прашања од овој процес.  

Среда, 2 септември 2020 година

ПРОШТАЛНА СРЕДБА НА ПРЕТСЕДАТЕЛОТ ЏАФЕРИ СО АМБАСАДОРОТ ЖБОГАР

Претседателот Џафери се заблагодари за досегашната соработка со Делегацијата на Европската унија во Република Северна Македонија и лично на амбасадорот Жбогар за неговиот придонес во процесите кои имаа позитивна пресвртница во евроатланскиот пат на земјата и му посака успех во неговите идни професионални ангажмани

Среда, 2 септември 2020 година

Средба на претседателот Џафери со Н.Е. Кејт Мари Брнз 

На средбата, претседателот Џафери изрази благодарност за поддршката што американската амбасада и САД и ја даваат на Република Северна Македонија, при што истакна дека за нас е од суштинско значење задржаниот фокус на Соединетите Американски Држави кон нашата земја и регионот во целина.

Среда, 2 септември 2020 година

Средба на претседателот Џафери со амбасадорот на Република Романија, Н.Е.Виорел Станила

На денешната средба на претседателот на Собранието на Република Северна Македонија Талат Џафери со романскиот амбасадор Н.Е. Виорел Станила, се потенцираше досегашната пријателска и конструктивна соработка меѓу двете земји и во таа насока, претседателот Џафери се заблагодари за досегашната голема поддршка што Република Романија и ја даваше на нашата земја на патот кон полноправно членство во НАТО, како и силната и недвосмислена поддршка за добивање на датум за започнување на преговори со ЕУ и изрази надеж дека и во иднина оваа поддршка и соработка меѓу двете страни ќе продолжи со ист интензитет. 

Вторник, 1 септември 2020

Средба на претседателот Џафери со Н.Е. Фатос Река, амбасадор на Република Албанија 

На средбата, амбасадорот Река на претседателот Џафери му ја пренесе официјалната честитка за реизборот на функцијата претседател на Собранието на Република Северна Македонија од страна на Грамоз Ручи, претседател на Собранието на Република Албанија, како и од други високи функционери на соседната земја.

Вторник, 1 септември 2020

Средба на претседателот Џафери со Н.Е. Рејчел Галовеј, амбасадорка на Обединетото Кралство 

Претседателот Џафери ги потенцираше исклучителните билатерални односи меѓу Република Северна Македонија и Обединетото Кралство, за кои сподели очекување дека ќе продолжат со зголемена динамика и во наредниот период.

Вторник,1 септември 2020 година

СРЕДБА НА ПРЕТСЕДАТЕЛОТ ЏАФЕРИ СО КИНЕСКИОТ АМБАСАДОР, ЏАНГ ЅУО

Посакувајќи му добредојде во новиот десетти состав на законодавниот дом, претседателот Џафери го информираше амбасадорот Џанг за конституирањето на Собранието и изборот на новата Влада, по што ќе следи изборот на работните тела, делегациите и групите за соработка, вклучително и со Парламентот на Народна Република Кина. Пандемијата има свое влијание на взаемните физички посети и комуникации, но законодавните домови имаат можност по електронски пат да ја негуваат утврдената парламентарната соработка, истакна Џафери. Исто така, тој изрази надеж дека со формирањето на Владата, започнатите и предвидените билатерални проекти ќе продолжат и во иднина.