Четврток, 29 октомври 2009 година
Самит на ЕУ во Брисел
На 29 и 30 октомври во Брисел ќе се одржи Самит на Европската унија, на кој лидерите на земјите-членки главно ќе расправаат за глобалното затоплување и иднината на Лисабонскиот договор, кој не може да стапи на сила сè додека не биде потпишан од сите земји-членки на ЕУ, а единствено недостасува потписот на чешкиот претседател Вацлав Клаус.
На дневниот ред пред шефовите на државите и влади од Унијата ќе се најдат и институционалните промени, односно планираната функција постојан претседател на Советот на ЕУ и министер за надворешни работи, како и справувањето со економската криза и невработеноста, вклучувајќи го и засилениот надзор на финансиските пазари.
Други теми на дводневниот самит ќе бидат нелегалната имиграција во Медитеранот и стратегијата на ЕУ за регионот на Балтичкото Море.