Петок, 7 февруари 2020 година

Обраќање на претседателот Џафери на Конференцијата на МОСТ на тема “Транспарентноста на Собранието – предизвици за новиот парламентарен состав“

Драго ми е што можам да го поздравам во мое лично име и од име на пратениците во Собранието на Република Северна Македонија, почетокот на оваа Конференција организирана од Граѓанската асоцијација МОСТ, со која Собранието има заеднички проект насловен „“Вклучени граѓани за одговорно и транспарентно Собрание” , кој што е започнат со примена во јули 2016 година и тука, ќе споделам со вас едно за мене значајно сеќавање, а тоа е дека моето прво јавно обраќање кога стапнав на оваа одговорна функција, беше токму на Конференција организирана во рамките на истиот овој проект, исто така пред претставници на невладините организации за кои и тогаш, и сега го делам истото мислење, дека тие се најзначајната алка на поврзување или пак останување во постојан контакт со граѓаните и нивните потреби кои произлегуваат од нивното секојдневие.

Четврток, 6 февруари 2020

Јавна расправа по Предлог-законот за Агенцијата за разузнавање

Комисијата за одбрана и безбедност, на денешната 57. седница, одржа Јавна расправа по Предлог-законот за Агенцијата за разузнавање.

Со седницата претседаваше претседателот на Комисијата, Хари Локвенец, кој како предлагач на Предлог-законот заедно со пратеникот Џевад Адеми, даде образложение по истиот.

Четврток, 6 февруари 2020

Пратениците Зендели и Димков на Состанок на ХУГЕН во Тирана

Фадил Зендели, претседател на Постојаната анкетна комисија за заштита на слободите и правата на граѓанинот на Собранието на Република Северна Македонија и членот на Комисијата, Трајчо Димков, учествуваа на состанок на Управниот одбор на Мрежата на комисии за човекови права и родова еднаквост на Западен Балкан (ХУГЕН). Состанокот се одржа на 4 и 5 февруари 2020 година во Тирана, Албанија.

Четврток, 6 февруари 2020

Потпишување на Договор за финансиски придонес

Собранието на Република Северна Македонија и Владата на Швајцарската Конфедерација претставувана од Федералното министерство за надворешни работи, дејствувајќи преку Амбасадата на Швајцарија во Република Северна Македонија/Швајцарската Агенција за развој и соработка, на 20 февруари 2018 година потпишаа Меморандум за разбирање на проектот „Програма за поддршка на Парламентот“.

Среда, 5 февруари 2020

Обраќање на претседателот Џафери на Свечениот настан за отпочнување со работа на Парламентарната буџетска канцеларија во Собранието

Задоволен сум што денес имам чест во свое лично име и од име на пратениците во Собранието на Република Северна Македонија да го поздравам овој свечен настан со кој што го одбележуваме отворањето на Парламентарната буџетска канцеларија, производ на плодната соработка помеѓу Собранието на Република Северна Македонија и Вестминстер фондацијата за демократија...

Среда, 5 февруари 2020

Средба на претседателот Џафери со претставници на Вестминстер фондацијата за демократија и амбасадорката Галовеј

Средбата беше во пресрет на свеченото отворање на Парламентарната буџетска канцеларија во рамките на Службата на Собранието на Република Северна Македонија и претставува посебна организациска единица – Одделение кое според Законот за Собранието на Република Македонија е аналитички центар што служи за унапредување на парламентарниот финансиски надзор преку изготвување стручни финансиски и буџетски анализи за потребите на пратениците и работните тела.

Среда, 5 февруари 2020

Средба на пратеникот Китев со претставници на Француското МНР

Реформа на методологијата за проширување на Унијата, стремежот за добивање на датумот за отпочнување на преговорите на нашата земја, владеење на правото, реформите во судството, како и економската соработка, беа централни теми на кои денешните соговорници разменија мислења.

Среда, 5 февруари 2020

Средбa на пратеничката Туфегџиќ со претставници на Француското МНР

Пратеничката Ивана Туфегџиќ оствари средба со Томас Бертин, шеф за Балканот и Елса Бензакуен Наваро, одговорна за земјава во Француското МНР.

На почетокот на средбата, Бертин извести дека се дојдени во специфичен момент за земјава, за да се запознаат одблизу со реалната состојба на терен.

Понеделник, 3 февруари 2020

Разгледан Предлог-законот за изменување и дополнување на Законот за занаетчиство

Комисијата за економски прашања на Собранието на Република Северна Македонија, на денешната 46. седница, како матично работно тело го разгледа Предлогот на законот за изменување и дополнување на Законот за занаетчиство (во прво читање).

Понеделник, 3 февруари 2020

Парламентарните лидери со предлог нови правила за Собранието за неговиот нов состав

Пратеничките партии постигнаа согласност за големо преуредување на Деловникот на Собранието. Тие се обврзаа да го поднесат текстот после изборите.