Вторник, 27 април 2021

Телефонска анкета за пандемиското влијание врз жените и девојчињата

Комисијата за еднакви можности на жените и мажите на Собранието, заедно со Клубот на пратенички, а во соработка со НДИ, организираше презентација на наодите од телефонската анкета за „Влијанието на Ковид-19 пандемијата врз жените и девојчињата во Република Северна Македонија“.

Вторник, 27 април 2021

Милошоски на Интерпарламентарна работилница на тема „Западен Балкан: помеѓу мултиполаризам и евроинтегративниот процес“

Претседателот на Комисијата за надворешна политика, Антонијо Милошоски, вчера, преку видео-конференција учествуваше на Интерпарламентарна работилница на тема „Западен Балкан: помеѓу мултиполаризам и евроинтегративниот процес“, организирана од страна на Комисијата за надворешни работи и европски прашања од Парламентот на Република Италија.

Понеделник, 26 април 2021 година

Групите за пријателство ги продлабочуваат односите меѓу земјите 

Пратеничката група на Собранието на Република Северна Македонија за соработка со Парламентот на Република Хрватска, денеска, оствари средба со хрватската амбасадорка, Н.Е. Нивес Тигањ. 

Понеделник, 26 април 2021 година

Видео состанок на членовите на Управувачките групи на Собранието и шведскиот Риксдаг 

На состанокот учествуваа претседателот на Управувачката група и потпретседател на Собранието, г. Фадил Зендели, како и членовите г. Мартин Костовски, г-ѓа Маја Морачанин, г-ѓа Гордана Силјановска-Давкова, г. Александар Велјановски, г-ѓа Арта Билали Зендели, г-ѓа Арбана Пашоли и г. Халил Снопче.

Петок, 23 aприл 2021 година 

И пратениците со вакцина за колективен имунитет 

Почитувани,

Како што и беше најавено, пратениците од Собранието на Република Северна Македонија, вклучително и претседателот на Собранието, Талат Џафери, денеска се вакцинираа со вакцината што беше на располагање, односно со „Спутник“.

Петок, 23 април 2021 година

ИППГ за ЛГБТИ луѓето против говорот на омраза по емитувањето на емисијата „Моја Сторија“ на МРТВ

Интерпартиската парламентарна група за унапредување на правата на ЛГБТИ луѓето го осудува хомофобичниот и трансфобичниот говор на омраза кој се појави во јавноста по емисијата “Моја Сторија” на МРТВ. Говорот на омраза кон ЛГБТИ луѓето го повредува нивното достоинство, креира застрашувачка и непријателска средина, оневозможува да живеат слободно и без предрасуди, а многу често директно може да придонесе кон зголемувањето на насилството и делата од омраза мотивирани од сексуалната ориентација или родовиот идентитет на жртвите. 

Четврток, 22 април 2021

Средба на пратеникот Апасиев со рускиот амбасадор Баздникин

Пратеникот, проф. д-р Димитар Апасиев, од Левица, денеска оствари средба со рускиот амбасадор, Н.Е. Сергеј Баздникин.

На оваа прва официјална средба беше разговарано за предизвиците со кои се соочува земјата во време на пандемијата со Ковид-19, како и за ефикасноста на процесот на вакцинација на населението со руската вакцина „Спутник V“, која им беше понудена на македонските здравствени власти уште во месец август 2020 год.

Среда, 21 април 2021

Видео-конференција на Парламентарниот комитет за култура при ПД-ЦЕИ

Во рамките на видео-конференцијата на Парламентарниот комитет за култура при Парламентарната димензија на Централно-европската иницијатива (ПД-ЦЕИ), кој се одржа во Будимпешта, Република Унгарија, која воедно е и претседавач со овој Комитет, свое учество имаа и пратениците од Собранието на Република Северна Македонија, Рашела Мизрахи во својство на шеф на Делегацијата и Кастриот Реџепи како член на Делегацијата.

Вторник, 20 април 2021 година

Видео-средба на претседателот Џафери со Бергман и Броз

Претседателот на Собранието на Република Северна Македонија, г. Талат Џафери оствари видео-средба со известувачите од Конгресот на локални и регионални власти на Советот на Европа за локална демократија во Северна Македонија, г. Харалд Бергман од Холандија и г. Зденек Броз од Чешката Република. На состанокот присуствуваше и претседателката на Комисијата за локална самоуправа, г-ѓа Ане Лашкоска.  

Вторник, 20 април 2021 година    

Петнаесетта седница на Комисијата за одбрана и безбедност

Комисијата за одбрана и безбедност на Собранието на Република Северна Македонија, на  денешната 15. седница, како матично работно тело ги разгледа: