Четврток, 27 ноември 2014 година

Јавна расправа на Комисијата за еднакви можности на жените и мажите

Комисијата за еднакви можности на жените и мажите, во соработка со Министерството за труд и социјална политика, на 1 декември 2014 година, во Салата „Борис Трајковски“ во Собранието на Република Македонија, ќе одржи Јавна расправа на тема: Акцискиот план за спроведување на препораките од Комитетот за правата на жените (КПЖ) во однос на спроведувањето на Конвенцијата за елиминација на сите форми на дискриминација врз жените.

Среда, 26 ноември 2014 година

Делегација на Собранието на Република Македонија на 12. состанок на Мешовитиот комитет во Стразбур

Согласно Спогодбата за асоцијација и стабилизација на Република Македонија и Европската унија и според Деловникот на Мешовитиот парламентарен комитет-Република Македонија и Европска унија, 12. состанок на Мешовитиот комитет ќе се одржи на 26 и 27 ноември 2014 година, во Европскиот парламент во Стразбур, Француската Република. 

Петок, 21 ноември 2014 година 

Пратеникот Павле Трајанов на Годишна сесија на ПС на НАТО во Хаг

Пратеникот Павле Трајанов, во својство на член на Делегацијата на Собранието на Република Македонија во Парламентарното собрание на НАТО, од 21 до 24 ноември, учествува на Годишната сесија на ПС на НАТО што се одржува во Хаг, Кралството Холандија.

Четврток, 13 ноември 2014 година

Јавна расправа на тема: „Работна верзија на Предлогот на законот за општата управна постапка“

Комисијата за политички систем и односи меѓу заедниците на Собранието на Република Македонија, на 12. седница ќе одржи Јавна расправа на тема: „Работна верзија на Предлогот на законот за општата управна постапка“.

Четврток, 13 ноември 2014 година

Јавна расправа на тема: „ИПА 2 (2014-2020) перспективи и можности за искористување“

Комисијата за европски прашања, на 17 и 18 ноември 2014 година, во Салата „Борис Трајковски“ во Собранието на Република Македонија, ќе одржи Јавна расправа на тема: „ИПА 2 (2014-2020) перспективи и можности за искористување“.

Среда, 12 ноември 2014 година

Положување венци свежо цвеќе

По повод 13 Ноември - Денот на ослободување на Град Скопје, делегација на Собранието на Република Македонија предводена од претседателот на Собранието на Република Македонија, г. Трајко Вељаноски, во состав: г. Владимир Ѓорчев, г. Љупчо Димовски, г. Чедомир Саздовски и г. Рамиз Мерко, на 13 ноември 2014 година (четврток), ќе положи венци свежо цвеќе на:

Понеделник, 10 ноември 2014 година

Полагање венец свежо цвеќе

По повод 11 ноември - Денот на сеќавањето на загинатите војници, собраниска  делегација предводена од г. Антонијо Милошоски, потпретседател на Собранието на Република Македонија и претседател на Пратеничката група на Собранието на Република Македонија за соработка со Парламентот на Сојузна Република Германија, во состав: г. Рафис Аљити, потпретседател на Собранието на Република Македонија и член на Пратеничката група на Собранието на Република Македонија за соработка со Парламентот на Сојузна Република Германија, г-ѓа Солза Грчева, член на Пратеничката група на Собранието на Република Македонија за соработка со Парламентот на Сојузна Република Германија и г-ѓа Сузана Секуловска, член на Пратеничката група на Собранието на Република Македонија за соработка со Парламентот на Француската Република, ќе положи венец свежо цвеќе на 11 ноември 2014 година (вторник), во 11.00 часот на Француските гробишта во Битола и во 13.00 часот на Германските гробишта во Прилеп.

Понеделник, 10 ноември 2014 година

Учество на пратеникот Благоја Деспотоски на парламентарен семинар во Париз

Пратеникот Благоја Деспотоски, во својство на претседавач со Комисијата за труд и социјална политика, на 10 ноември во Париз, Франција ќе учествува на Парламентарен семинар насловен „Обезбедување на сигурни и здрави работни услови“.

Петок, 7 ноември 2014 година

Потпретседателот Милошоски на состанок на Ад-хок работната група на Парламентарното собрание во Тирана

Потпретседателот на Собранието на Република Македонија и член на Делегацијата во Парламентарното собрание на Процесот за соработка во Југоисточна Европа, Антонијо Милошоски, на 8 ноември ќе учествува на состанокот на Ад-хок работната група на Парламентарното собрание, кој во рамките на албанското претседателство, се одржува во Тирана, Албанија. 

Четврток, 6 ноември 2014 година

Учество на работилница на тема: „Улогата на законодавните служби во работата на Собранието" 

Во организација на Националниот демократски институт за меѓународни односи (НДИ) и Националниот совет на Словачката Република, од 5 до 7 ноември 2014 година, во Часта-Папирничка, Словачката Република, ќе се одржи работилница на тема: „Улогата на законодавните служби во работата на Собранието". 

На работилницата ќе учествуваат пратениците г-ѓа Светлана Јакимовска, претседател на Законодавно-правната комисија, г. Рамиз Мерко, член на Законодавно-правната комисија.