Петок, 14 мај 2021 година

СРЕДБА НА ПРЕТСЕДАТЕЛОТ ЏАФЕРИ СО МАЗИ

Џафери и Мази се согласија дека Северна Македонија и Албанија споделуваат заеднички интереси на надворешно-политички план, во рамките на ЕУ и НАТО, регионалната соработка и посветеноста за сеопфатен развој на Западниот Балкан. За земјите од регионот не постои алтернатива, нивната иднина е во ЕУ. Процесот на проширување не треба постојано да се одложува и Унијата треба да понуди конкретни перспективи за европската интеграција, а пред сè, одржување на првите меѓувладини конференции за Република Северна Македонија и Република Албанија, со кои ќе го означиме формалниот старт на преговорите.

Среда, 12 мај 2021 година

Силна посветеност на процесот на Дијалогот Жан Моне и на постигнувањето конкретни резултати пред следниот круг разговори

Заедничко соопштение за медиуми на олеснувачите на Европскиот парламент за процесот на Дијалогот Жан Моне со Собранието и на Претседателот на Собранието на Република Северна Македонија

Вторник, 11 мај 2021

Средба на претседателот Џафери со министерот Метнар

Претседателот на Собранието на Република Северна Македонија, Талат Џафери, денеска се сретна со министерот за одбрана на Чешката Република  г. Лубомир Метнар. На средбата, претседателот Џафери изрази благодарност за континуираната поддршка што нашата земја ја добива од Чешката Република за нашите евроатлански и европски интеграции.

Вторник, 11 мај 2021

Претседателот Џафери се сретна со победниците на симулацијата „Имам став“

Денеска, претседателот на Собранието на Република Северна Македонија, г. Талат Џафери, оствари средба со учениците и професор од Средното училиште „Кочо Рацин“ од Велес, победници на онлајн натпреварот „Имам став" – симулација на процесот на разгледување на предлог-закони во Собранието, на која учествуваа 10 училишта од различни градови.

Понеделник, 10 мај 2021 година

Средба на претседателот Џафери со претседателката на Грузија, Зурабишвили 

Тој го поздрави и денешното потпишување на „Спогодбата меѓу Република Северна Македонија и Грузија за укинување на визите“ и Меморандумот за соработка во областа на културата меѓу двете министерства за култура со зборовите „Ме радува потпишувањето на овие Спогодби, тоа ќе биде убава можност за подобра комуникација и соработка меѓу двете земји.“

Понеделник, 10 мај 2021 година

УЧЕСТВО НА ПРЕТСЕДАТЕЛОТ ЏАФЕРИ НА КОНФЕРЕНЦИЈА НА ПРЕТСЕДАТЕЛИ НА ПАРЛАМЕНТИ НА ЗЕМЈИТЕ ЧЛЕНКИ НА ЕУ

Претседателот на Собранието на Република Северна Македонија, Талат Џафери, денеска учествуваше на Конференцијата на претседатели на парламенти на земјите членки на ЕУ, во организација на Бундестагот на Сојузна Република Германија, која заради пандемијата предизвикана од вирусот Ковид-19, се одржа во виртуелен формат. На конференцијата учествуваа 33 претседатели од националните парламенти на земјите членки на ЕУ, 3 претседатели од земјите кандидати за членство, од Европскиот парламент и 3 претседатели од европски земји кои не се членки на ЕУ како набљудувачи.

Среда, 5 мај 2021

СРЕДБА НА ПРЕТСЕДАТЕЛОТ ЏАФЕРИ СО ЕВРОПРАТЕНИКОТ АНДРЕАС ШИДЕР

Претседателот на Собранието на Република Северна Македонија, Талат Џафери, денеска оствари средба со европратеникот Андреас Шидер, копретседавач на Мешовитиот парламентарен комитет – Република Северна Македонија и ЕУ и дел од тројцата европратеници задолжени за Дијалогот Жан Моне.

Среда, 28 април 2021 година

РЕДОВЕН МЕСЕЧЕН БРИФИНГ НА ПРЕТСЕДАТЕЛОТ ЏАФЕРИ 

На денешниот „Брифинг со новинари“ беше разговарано за имунизацијата за заштита од вирусот КОВИД – 19 преку вакцинирање на пратениците, а новинарите беа информирани дека 88 пратеници и околу 200 претставници на службата од Собранието ја примија првата доза од вакцината Спутник В.

Петок, 23 aприл 2021 година 

И пратениците со вакцина за колективен имунитет 

Почитувани,

Како што и беше најавено, пратениците од Собранието на Република Северна Македонија, вклучително и претседателот на Собранието, Талат Џафери, денеска се вакцинираа со вакцината што беше на располагање, односно со „Спутник“.

Вторник, 20 април 2021 година

Видео-средба на претседателот Џафери со Бергман и Броз

Претседателот на Собранието на Република Северна Македонија, г. Талат Џафери оствари видео-средба со известувачите од Конгресот на локални и регионални власти на Советот на Европа за локална демократија во Северна Македонија, г. Харалд Бергман од Холандија и г. Зденек Броз од Чешката Република. На состанокот присуствуваше и претседателката на Комисијата за локална самоуправа, г-ѓа Ане Лашкоска.