Петок, 6 септември 2013 година

Полагање венец свежо цвеќе
 
По повод 8 Септември - Денот на независноста на Република Македонија, собраниска  делегација предводена од г. Трајко Вељаноски, претседател на Собранието на Република Македонија, во состав: г-ѓа Силвана Бонева, г. Гордан Георгиев, г. Неџати Јакупи, г-ѓа Соња Мираковска и г. Сафет Бишевац, ќе положи венец свежо цвеќе на споменикот „Паднати херои за Македонија", на 8 септември (недела), во 12.00 часот, во паркот „Жена борец“.



Четврток, 5 септември 2013 година

Надзорна расправа на тема: „Користење на фондовите од инструментот за пристапна помош-ИПА во Република Македонија“ - ИПА компонента I - помош во период на транзиција и градење на институции

Второто продолжение на 42. седница на Комисијата за европски прашања, посветена на Надзорната расправа ќе се одржи на 11 септември 2013 година, со почеток од 11.00 часот, во Сала „Борис Трајковски", во зградата на Собранието на Република Македонија.



Вторник, 23 јули 2013 година

Јавна расправа на тема: „Предлог на закон за аудио и аудиовизуелни медиумски услуги“

Јавната расправа ќе се одржи на 29 јули (понеделник) 2013 година, со почеток од 11.00 часот, во Сала „Борис Трајковски", во зградата на Собранието на Република Македонија



Вторник, 23 јули 2013 година

Надзорна расправа на тема „Користење на фондовите од инструментот за претпристапна помош-ИПА во Република Македонија“

Првото продолжение на 42. седница на Комисијата за европски прашања, посветена на Надзорната расправа на тема „Користење на фондовите од инструментот за претпристапна помош-ИПА во Република Македонија“, ќе се одржи на 26 јули 2013 година, со почеток од 11.00 часот, во Сала „Борис Трајковски", во зградата на Собранието на Република Македонија



Вторник, 23 јули 2013 година

Јавна расправа на тема: „Предлог на закон за медиуми“

Јавната расправа ќе се одржи на 30 јули (вторник) 2013 година, со почеток од 11.00 часот, во Сала „Борис Трајковски", во зградата на Собранието на Република Македонија



Петок, 5 јули 2013 година

Учество на Конференција на Комисиите за европски прашања на земјите-членки на Европската унија и на земјите-кандидатки-КОСАК

Претседателот на Комисијата за европски прашања на Собранието на Република Македонија, г. Хајрула Мисини од 7 до 8 јули во Вилнус, Република Литванија, ќе учествува на Конференција на Комисиите за европски прашања на земјите-членки на Европската унија и на земјите-кандидатки-КОСАК



Вторник, 2 јули 2013 година

Учество на собраниска делегација на парламентарен состанок во Секретаријатот на енергетската заедница во Виена

На покана од Секретаријатот на енергетската заедница и Регионалниот совет за соработка делегација на Собранието на Република Македонија во состав, г-ѓа Владанка Авировиќ, г. Драган Цуклев, г. Реџаил Исмаили и г. Николче Ацевски ќе учествува на „Првиот состанок на пратеници од земјите-учеснички и пријатели на Енергетската заедница“, кој ќе се одржи на 4 јули 2013 година во Секретаријатот на енергетската заедница во Виена, Австрија



Вторник, 2 јули 2013 година

Надзорна расправа на тема: „Користење на фондовите од Инструментот за претпристапна помош-ИПА во Република Македонија“

Целта на надзорната расправа е да се утврди ефикасноста на искористувањето на средствата од претпристапните фондови во Република Македонија (ИПА), нивното влијание, како и да се проценат апсорпционите капацитети на Република Македонија



Понеделник, 1 јули 2013 година

Учество на 3. меѓународна конфереција на Законодавно-правни комсии

Од Собранието на Република Македонија, на конференцијата ќе учествуваат пратениците: г. Малиша Станковиќ, заменик на претседателот на Законодавно-правната комисија, г-ѓа Сузана Салиу, потпретседател на Собранието на Република Македонија и член на Законодавно-правната комисија и г-ѓа Марија Рашковска член на Законодавно-правната комисија



Петок, 28 јуни 2013 година

Учество на Делегација на Собранието на Република Македонија на 22. Годишна сесија на ПС на ОБСЕ

Делегацијата на Собранието на Република Македонија во Парламентарното собрание на ОБСЕ во состав д-р Ана Павловска Данева, шеф на Делегацијата и г. Џеват Адеми, заменик-член, ќе учествува на 22. Годишна сесија на Парламентарното собрание на ОБСЕ (ПС на ОБСЕ), што ќе се одржи од 28 јуни до 3 јули 2013 година во Истанбул, Република Турција

Понеделник, 24 јуни 2013 година
 
Учество на собраниска делегација на сесија на ПС на Советот на Европа
 
На третиот дел на редовната сесија за 2013 година на ПС на Советот на Европа, што ќе се одржи од 24 до 28 јуни 2013 г. во Стразбур, Француската Република, ќе учествува Делегацијата на Собранието на Република Македонија во ПС на СЕ, во состав: г. Александар Николоски, шеф, г. Игор Ивановски и г-ѓа Ермира Мехмети Деваја, членови, г. Александар Спасеновски и г. Имер Алиу, заменици-членови.

На оваа сесија ќе бидат разгледани повеќе прашања и извештаи, меѓу кои и Предлог-извештајот за постмониторинг дијалогот со Република Македонија, потоа предлогот да се отвори мониторинг постапка со Унгарија, предлог-протоколот бр.16 кон Конвенцијата за заштита на човековите права и основните слободи, поделба на политичката и кривичната одговорност, ситуацијата на Блискиот Исток, евалуација на партнерството со Мароко, корупцијата како закана за владеење на правото, еднаков пристап кон здравствена заштита, дискриминацијата врз основа на сексуална ориентација и родов идентитет, како и други прашања.

На јунската сесија се очекува на парламентарците да им се обрати г. Мартин Шулц, претседател на Европскиот парламент и г. Едвард Налбандан, министер за надворешни работи на Ерменија, копретседавач со Комитетот на министрите на СЕ, а во текот на сесијата ќе се врши избор на судии за Европскиот суд за човекови права од Исланд, Литванија и Словачката Република. 

Четврток, 20 јуни 2013 година

Пратеникот Имер Алиу набљудувач на парламентарните избори во Албанија
 
Пратеникот Имер Алиу, од име на Групата на европски народни партии, е назначен за член на ад хок Комисијата на Парламентарното собрание на Советот на Европа која ќе ги набљудува парламентарните избори во Албанија од 21 до 24 јуни 2013 година.

Комисијата која е составена од 20 членови, ќе ги набљудува изборите заедно со набљудувачите на Парламентарното собрание на ОБСЕ и  ОДИХР. Пред денот на гласањето, членовите на Комисијата ќе имаат средби со лидерите на главните политички партии и коалиции, претседателот на Централната изборна комисија, со претставниците на граѓанското општество и медиумите,  како и со претставниците на меѓународната заедница во Албанија. На денот на гласањето, на 23 јуни 2013 година пратеникот Имер Алиу ќе биде распореден во реонот на Тирана.

Имајќи предвид дека набљудувањето на изборите е важен елемент за утврдување на демократскиот капацитет на една држава, Парламентарното собрание на Советот на Европа очекува Албанија да ги исполни стандардите на Советот на Европа и со тоа да ја потврди својата целосна посветеност на демократијата, владеењето на правото и  почитувањето на човековите права.   



Вторник, 18 јуни 2013 година

Прво продолжение на надзорната расправа на тема „Имплементација на процесот на децентрализација“

На првото продолжение на надзорната расправа, Комисијата за локална самоуправа ќе продолжи со ислушување на исказот на Муса Џафери, заменик на претседателот на Владата задолжен за спроведување на Рамковен договор



Понеделник, 10 јуни 2013 година

Учество на меѓународна конференција

Претседателката на Комисијата за еднакви можности на жените и мажите на Собранието на Република Македонија, г-ѓа Лилјана Поповска, заедно со пратеничката Светлана Мазгалоска Вучетиќ, во својство на член на комисијата, учествуваат на регионална конференција за членовите на парламентите, која се одржува во Кишинев, Молдавија, денеска и утре, 10 и 11 јуни, на тема „Еднакви и унапредени: Учество на жената во политиката“



Петок, 7 јуни 2013 година

Учество на пратеникот Ѓорѓи Коџабашиев на ПСФ - Регион Европа

Денеска, во Берн, Швајцарија, се одржува Конференција на претседатели на секции на Парламентарното собрание на Франкофонијата (ПСФ) - Регион Европа, на која учествува пратеникот, г. Ѓорѓи Коџабашиев, претседател на Секцијата на Собранието на Република Македонија во Парламентарното собрание на Франкофонијата