Петок, 10 јули 2020

ПРИОРИТЕТ НА ГЕРМАНСКОТТО ПРЕТСЕДАТЕЛСТВО Е ОТПОЧНУВАЊЕТО НА ПРЕГОВОРИ ЗА ЧЛЕНСТВО НА РЕПУБЛИКА СЕВЕРНА МАКЕДОНИЈА ВО ЕУ

Претседателот на Собранието на Република Северна Македонија, Талат Џафери, денеска оствари средба со новоименуваната и ополномоштена амбасадорка на Сојузна Република Германија во Република Северна Македонија, Н.Е. Анке Гизеле Холштајн.

Среда, 24 јуни 2020 година

Обраќање на г. Горан Мисовски, потпретседател на Собранието, на тема „Изгледите на регионалната соработка по пандемијата: време на поголема интеграција?“

Дозволете во име на претседателот на Собранието на Република Северна Македонија, г. Талат Џафери, како и во мое лично име, да изразам задоволство што сум дел од седмата пленарна сесија на ПС на ПСЈИЕ која се одржува по прв пат на овој необичен, виртуелен начин, меѓутоа се разбира, тоа го налагаат условите наметнати од глобалната закана наречена КОВИД 19, и секако, ние се прилагодуваме. 

Вторник, 23 јуни 2020

Пратениците Китев и Попоски на видеоконференција на Мониторинг комисијата на ПССЕ

Мониторинг комисијата на Парламентарното собрание на Советот на Европа одржа видеоконференција на 22 јуни 2020 година за спроведување на демократски избори во контекст на пандемијата на КОВИД-19, на која учествуваа членовите Бетиан Китев и Никола Попоски.

Понеделник, 22 јуни 2020

Учество на пратеникот Локвенец на Меѓународната конференција „Да се биде во  чекор со Европа“ и на седницата на Постојаниот комитет на ПС на ПСЈИЕ

Пратеникот Хари Локвенец учествуваше на Меѓународната конференција „Да се биде во  чекор со Европа“ и на состанокот на Постојаниот комитет на Парламентарното собрание на Процесот за соработка во Југоисточна Европа (ПС на ПСЈИЕ), што се одржаа  онлајн на 19 и 20 јуни 2020 година во организација на Косовскиот парламент.

Четврток, 26 март 2020 година

Апел за помош на Западен Балкан во борбата против пандемијата на COVID– 19

Свесни за комплексноста на моменталната состојба и проблемите со кои се соочуваме како резултат на пандемијата со COVID– 19, овој заеднички Апел има за цел да ја нагласи моменталната многу неповолна состојба и предизвиците кои одат со неа за регионот на Западен Балкан; и во смисла на број на заразени и во смисла на недоволната здравствена опрема вo Регионот, неопходна за успешната превенција, третман и запирање на натамошното ширење на Коронавирусот (COVID– 19).

Среда, 11 март 2020

ПРЕТСЕДАТЕЛОТ ЏАФЕРИ ГО ПРОМОВИРАШЕ МАНДАТНИОТ ИЗВЕШТАЈ ЗА НЕГОВАТА РАБОТА

Денеска, на покана на претседателот на Собранието на Република Северна Македонија, Талат Џафери, на промоцијата на Мандатниот извештај за неговото работење во текот на мандатниот период од мај 2017 до февруари 2020 година, беа присутни потпретседателите на Собранието: Мисовски, Ременска, Рамчиловиќ; координаторите Јован Митрески, Ејуп Алими; пратеникот Панчо Минов; генералната секретарка Цветанка Иванова; како и амбасадорите и претставниците на амбасадите на земјите членки на ЕУ и надвор од неа, и претставници од УСАИД и НДИ.

Вторник, 10 март 2020

Обраќање на претседателот Џафери по повод промоцијата на книгата „Базичното антисемитско законодавство на Царството Бугарија“

Задоволство ми е што сум во можност да во својство на претседател на Собранието на Република Северна Македонија и од име на Собранието се обратам пред вас и со кратко поздравно обраќање ја изразам мојата почит кон оваа публикација, односно збирката документи собрани под еден наслов „Базичното антисемитско законодавство на Царството Бугарија“, од почитуваните автори Скендер Асани, Нора Малиќи и Владо Поповски.

Петок, 6 март 2020

Средба на претседателот Џафери со претседателката на Собранието на Република Косово, Вјоса Османи

Во оваа пригода, претседателот Џафери ѝ честиташе на преземањето на новата должност на г-ѓа Османи, посакувајќи ѝ при тоа вршењето на новата должност, која е исклучително значајна, предизвикувачка и изискува безрезервна посветеност, сепак да ѝ причинува чест и задоволство, и секој постигнат успех, да ја охрабрува за надминување на следните предизвици. 

Четврток, 5 март 2020

Средба на претседателот Џафери со претседателот на Националниот совет на Република Австрија, Волфганг Соботка

Претседателот на Собранието на Република Северна Македонија, Талат Џафери, се сретна со претседателот на Националниот совет на Република Австрија, Волфганг Соботка, кој престојува во еднодневна работна посета на државата. На средбата присуствуваа и потпретседателот на Собранието на Република Северна Македонија, Горан  Мисовски; претседателот на Пратеничката група за соработка со Парламентот на Република Австрија, Реџаиљ Исмаили и генералната секретарка на Собранието на Република Северна Македонија, Цветанка Иванова.

Четврток, 5 март 2020

ЛОКВЕНЕЦ: ОБЕДИНЕТА ЕВРОПА ЗНАЧИ ПОСИЛНА ЕВРОПА

Делегација на Собранието на Република Северна Македонија, во состав: Хари Локвенец, претседател на Комисијата за одбрана и безбедност; Емил Димитриев и Емилија Александрова, членови на Комисијата за одбрана и безбедност и Комисијата за надворешна политика; Џеват Адеми, член на Комисијата за одбрана и безбедност и Крсто Мукоски, од 2 до 4 март 2020 г., во Загреб, Република Хрватска, учествуваше на Интерпарламентарната конференција за заедничката надворешна и безбедносна политика и заедничката безбедносна и одбранбена политика.