ЕУ вести


Среда, 24 февруари 2010 година

Дводневна пленарна сесија на Европскиот парламент

Европскиот парламент на 24 и 25 февруари во Брисел ќе одржи пленарна сесија, на која, меѓу другото, ќе расправа за стратегијата за стартување на проектот за економијата во Европа, како и за човековите права, со посебен акцент на Хаити

повеќе...



Четврток, 25 февруари 2010 година, Европска комисија

Препорака за старт на преговори за членство на Исланд во ЕУ

Европската комисија препорача започнување на преговорите за зачленување на Исланд во Европската унија, откако констатира дека оваа земја ги исполнува речиси сите услови за да биде дел од европското семејство. Официјален Рејкјавик се надева на членство во Унијата во 2012 година

повеќе...

Четврток, 11 февруари 2010 година, Брисел

Неформален самит на земјите-членки на Европската унија

Лидерите на земјите-членки на Европската унија денеска ќе се состанат на неформален самит во Брисел, под раководство на новиот претседател на Советот на ЕУ, г. Херман ван Ромпуј.

На оваа прва средба на лидерите, главна тема ќе биде економската политика на Унијата, односно осмислување на економската стратегија на ЕУ за наредните десет години, што се очекува да биде усвоена на самитот во јуни.

Воедно, ќе се разговара и за резултатите од меѓународната конференција за климатските промени одржана во декември во Копенхаген, за најновите меѓународни настани и помошта за настраданите во Хаити.

Претседателот на Советот на ЕУ, г. Херман ван Ромпуј, изјави дека овој состанок го смета за почеток на процесот на поблиско и континуирано заедничко работење на шефовите на држави и влади за сите поважни прашања со кои се соочува Унијата и изрази надеж дека Европскиот совет и понатаму редовно ќе ги разгледува овие теми со цел да обезбеди јасно раководење за решавање на проблемите.

повеќе...



Среда, 10 февруари 2010 година

Европарламентот го усвои Извештајот за Македонија

Членовите на Европскиот парламент со мнозинство го усвоија Извештајот за Република Македонија, поднесен од словенечкиот пратеник г. Зоран Талер, известувач за нашата земја. За резолуцијата гласаа 548 европратеници, 45 беа против, а 35 останаа воздржани

повеќе...



Среда, 10 февруари 2010 година, Стразбур

Одобрен новиот состав на Европската комисија

Пратениците во Европскиот парламент со 488 гласа „за“, 137 „против“ и 72 „воздржани“ вчера во Стразбург дадоа зелено светло за новата, 26-члена екипа на Европската комисија, на чело со претседателот, г. Жозе Мануел Баросо. Воедно, ова е втор мандат за г. Баросо на чело на Европската комисија

повеќе...



Четврток, 4 февруари 2010 година

европратениците ќе расправаат за стремежите на Македонија кон ЕУ

В среда, на 10 февруари, европратениците ќе расправаат за стремежите на Македонија, Хрватска и Турција кон Европската унија. Прашањата на кои Република Македонија треба да обрне внимание се: реформите во јавната администрација и судството, борбата против корупцијата и подобрување на правата на жените и меѓуетничките односи, како и „засилени напори во изнаоѓањето на заеднички прифатливо решение во спорот со името“ со Грција

повеќе...



Понеделник, 8 февруари 2010 година

Пленарна седница на Европарламентот

Европскиот парламент оваа седмица ќе одржи пленарна седница во Стразбур, на која, меѓу другото, ќе стане збор и за проширувањето на Европската унија. В среда европратениците со Комисијата и Советот ќе расправаат за напредокот кој го постигнаа Македонија, Хрватска и Турција на патот кон членство во Унијата. Неопходно е одобрение од Парламентот за присоединување на било која нова земја кон ЕУ

повеќе...



Среда, 3 февруари 2010 година, Мадрид

Семинар за пристапувањето на ЕУ кон Европската конвенција за човекови права

Вчера и денеска во Мадрид се одржува семинар на тема „Основни права во Европската унија со оглед на пристапувањето на Унијата кон Европската конвенција за човекови права и основни слободи“

повеќе...



Среда, 27 јануари 2010 година, Европски парламент

Изгласани амандманите на Извештајот за Македонија

Со 56 гласа „за“, 5 „воздржани“ и 5 „против“, Европскиот парламент денеска ги изгласа амандманите на Извештајот за Македонија, поднесени од словенечкиот европратеник и известувач, г. Зоран Талер, со кои се бара во март годинава земјата да добие датум за почеток на преговорите за членство во Европската унија.

повеќе...



Четврток, 21 јануари 2010 година

ЕУ ја прогласи 2010-та за година на борба против сиромаштијата и социјалната нееднаквост

На официјална церемонија во Мадрид, денеска Европската комисија и шпанското претседателство со Европската унија, ќе ја прогласат 2010-та за година на борба против сиромаштијата и социјалната нееднаквост, под мотото „Да ја спречиме сиромаштијата сега!“

повеќе...



Четврток, 21 јануари 2010 година

Никифорос Дијамандурос - европски народен правобранител до 2014 година

Европскиот парламент го реизбра г. Никифорос Дијамандурос од Грција за европски народен правобранител до 2014 година. Реизбраниот народен правобранител, кој е на оваа позиција од 2003 година, ја доби поддршката на 340 европратеници за време на вчерашното тајно гласање во Стразбур. Други двајца кандидати за оваа функција беа г. Пјер Ив Моне од Белгија, кој доби 289 гласа и г. Виторио Ботоли од Италија, за кого гласаа 19 европратеници

повеќе...



Вторник, 12 јануари 2010 година

Еврокомесарите на сослушување пред европратениците

Новите 26 кандидати за комесари, избрани од страна на претседателот на Европската комисија, г. Жозе Мануел Баросо, од вчера па сè до 19 јануари, ќе бидат сослушани од страна на пратениците во Европскиот парламент. 

повеќе...



Вторник, 5 јануари 2010 година

Шпанија - прва земја претседавач со ЕУ по стапувањето на сила на Лисабонскиот договор

Од стартот на новата 2010 година, Шведска ѝ го предаде ротационото претседавање со Европската унија на Шпанија. Економското опоравување, улогата на ЕУ во светот и граѓанските права заземаат централно место во програмата на Шпанија, која како приоритет го истакна исполнувањето на Лисабонскиот договор

повеќе...

Веб-страницата на Собранието користи колачиња (cookies).

Колачињата се користат за подобрување на Вашето корисничко искуство.