Соопштенија

Петок, 5 јули 2019 година

Собраниска делегација во официјална посета на Комисијата за човекови права, родова рамноправност, исчезнати лица и петиции на Косовското собрание

Делегација од  Постојаната анкетна комисија за заштита на слободите и правата на граѓанинот на Собранието на Република Северна Македонијa, во состав: Фадил Зендели, Сашко Атанасов, Мирсада Емини-Асани, Трајчо Димков, Панчо Минов, Ирена Стефоска, Слаѓана Митовска и Зеќир Рамчиловиќ, претседател на Пратеничка група на Собранието на Република Македонија за соработка со Парламентот на Босна и Херцеговина, на 8 јули 2019 година ќе оствари официјална посета на Комисијата за човекови права, родова рамноправност, исчезнати лица и петиции на Собранието на Република Косово.

повеќе...

Среда, 3 јули 2019 година

Годишна сесија на ПС на ОБСЕ во Луксембург

Делегацијата на Собранието на Република Северна Македонија во Парламентарното собрание на ОБСЕ (ПС на ОБСЕ) во состав: Владимир Ѓорчев, шеф на Делегацијата, Јагода Шахпаска и Реџаиљ Исмаили, членови  на Делегацијата, ќе учествува на 28. Годишна сесија на ПС на ОБСЕ, што ќе се одржи од 4 до 8 јули 2019 година во Луксембург. 

повеќе...

Петок, 28 јуни 2019 година

ИППГ за правата на ЛГБТИ луѓето се придружува на првиот Скопје Прајд

Интерпартиската парламентарна група за правата на ЛГБТИ луѓето се придружува на првиот Скопје Прајд, на 29 јуни 2019 година.

повеќе...

Петок, 28 јуни 2019 година

Положување свежо цвеќе

По повод 70 години од крајот на Граѓанската војна во Грција (1946-1949), на 30 јуни 2019 година (недела), во 10:00 часот, Собраниска делегација составена од пратениците Татјана Прентовиќ и Трајчо Димков, на покана на Сојузот на здруженијата на Македонците и децата бегалци од Егејскиот дел на Македонија, ќе положат свежо цвеќе на Споменикот на децата бегалци во Паркот Жена борец.

повеќе...

Петок, 28 јуни 2019 година

Потпретседателката Ременски и генералната секретарка Иванова на Меѓународен форум во Москва

Потпретседателката на Собранието на Република Северна Македонија, Фросина Ташевска Ременски и генералната секретарка Цветанка Иванова ќе учествуваат на Вториот меѓународен форум „Развој на парламетаризмот“, што ќе се одржи од 1 до 3 јули 2019 година во Москва, во организација на Државната дума на Федералното собрание на Руската Федерација. 

повеќе...

Понеделник, 24 јуни 2019 година

Пратеникот Никола Попоски на Летната сесија на ПССЕ

Од 24 до 28 јуни 2019 година во Стразбур се одржува редовната летна сесија на Парламентарното собрание на Советот на Европа на која во својство на член на Делегацијата на Собранието на Република Северна Македонија, учествува пратеникот Никола Попоски. 

повеќе...

Четврток, 20 јуни 2019 година

Пратеникот Џеват Адеми на пленарна сесија на ПС на ПСЈИЕ во Сараево

На Шестата пленарна сесија на Парламентарното собрание на Процесот за соработка во Југоисточна Европа (ПС на ПСЈИЕ), што ќе се одржи на 21 и 22 јуни 2019 година во Сараево, Босна и Херцеговина, ќе учествува Џеват Адеми, пратеник во Собранието на Република Северна Македонија и член на Делегацијата во ПС на ПСЈИЕ.

повеќе...

Четврток, 20 јуни 2019 година

Потпретседателот Мемеди на 14. Парламентарен безбедносен форум во Париз

На покана од Националното собрание на Француската Република, а на иницијатива на француската делегација во ПС на НАТО, на 20 јуни 2019 г. во Париз се одржува 14. Парламентарен безбедносен форум, посветен на борбата против финансирањето на меѓународниот тероризам. 

повеќе...

Понеделник, 17 јуни 2019 година

Пратеничката Митовска на студиска посета во Љубљана

Делегација од Собранието на Република Северна Македонија ќе присуствува на студиска посета во Љубљана, Република Словенија од 18 до 20 јуни 2019 година. Делегацијата ја претставува членот на Комисијата за транспорт, врски и екологија, г-ѓа Слаѓана Митовска. Студиската посета е во врска со Проектот за поддршка на Јавниот медиумски сервис во Западен Балкан, а во соработка со Словенскиот јавен радиодифузер (RTVSLO).

повеќе...

Петок, 7 јуни 2019 година

Јавна расправа по Предлогот на законот за урбанистичко планирање

Комисијата за транспорт, врски и екологија на 40. седница, на 10 јуни 2019 година, во 11:00 часот, во Сала „Борис Трајковски“, ќе одржи Јавна расправа по Предлогот на законот за урбанистичко планирање.

повеќе...

  • 1
  • 2
  • 3
  • ...
  • 16
  •