Вторник, 17 декември 2013 година

Доделување на државната награда „Мито Хаџи Василев - Јасмин“

На 21 декември 2013 година (сабота), во Свечената сала на Собранието на Република Македонија, во 12,00 часот, Одборот за доделување на државната награда „Мито Хаџи Василев - Јасмин“ ќе ја додели наградата „Мито Хаџи Василев - Јасмин“ за 2013 година за остварување во областа на публицистиката и новинарството од интерес на Република Македонија

Петок, 13 декември 2013 година

Учество во работата на седницата на Мониторинг комисијата

Шефот на Делегацијата на Собранието на Република Македонија во Парламентарното собрание на Советот на Европа, г. Александар Николоски ќе учествува во работата на седницата на Мониторинг комисијата, која на 13 декември се одржува во Париз, Франција

Понеделник, 2 декември 2013 година

Доделување на државната награда „Св. Климент Охридски“

На 8 декември 2013 година (недела), во Свечената сала на Собранието на Република Македонија, во 12.00 часот, Одборот за доделување на државната награда „Св. Климент Охридски“ ќе ја додели наградата „Св. Климент Охридски“ за 2013 година за највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Македонија

Сабота, 30 ноември 2013 година

Учество на семинар на тема: „Механизми со кои националните парламенти располагаат за справување со корупција“

Делегација на Собранието на Република Македонија, во состав: г. Илија Китаноски, претседател на Комисијата за политички систем и односи меѓу заедниците, г. Ромео Тренов, член на Комисијата за политички систем и односи меѓу заедниците и г. Драгиша Милетиќ заменик-член на Комисијата за политички систем и односи меѓу заедниците на 2 декември 2013 година ќе учествува на семинар на тема: „Механизми со кои националните парламенти располагаат за справување со корупција“, кој ќе се одржи во Парламентот на Република Србија во Белград

Четврток, 28 ноември 2013 година Учество на меѓународна конференција

Учество на меѓународна конференција

Претседателката на Комисијата за еднакви можности на жените и мажите на Собранието на Република Македонија, г-ѓа Лилјана Поповска, заедно со пратеничките, г-ѓа Лилјана Кузмановска и г-ѓа Хајрије Мисими учествуваат на конференција за спроведување на критериумите за родова еднаквост во Западен Балкан, која се одржува на 27 и 28 ноември во Подгорица, Црна Гора

Вторник, 26 ноември 2013 година

Пратеничките Сузана Салиу и Цветанка Иванова на Самит на жените парламентарки во Брисел

Потпретседателот на Собранието на Република Македонија, г-ѓа Сузана Салиу и пратеничката Цветанка Иванова ќе учествуваат во Годишниот Самит „Жените во парламенти - Глобален форум“ што ќе се одржи во Европскиот парламент, Брисел, од 27-29 ноември 2013 година.

Петок, 22 ноември 2013 година

Собраниска делегација на парламентарен семинар во Брисел

Делегација на Собранието на Република Македонија, во состав: г-ѓа Владанка Авировиќ, претседател на Комисијата за економски прашања и членовите на Комисијата: г. Николче Ацевски, г. Драган Цуклев и г-ѓа Јулиета Марку, на 25 и 26 ноември 2013 година ќе учествува на парламентарен семинар во Брисел, Кралството Белгија

Среда, 20 ноември 2013 година

Учество на работилница на тема: „Поттикнување на граѓанското општество во земјите-кандидати и потенцијални земји-кандидати за ЕУ членство“

Претседателот на Комисијата за европски прашања на Собранието на Република Македонија, г. Хајрула Мисини, од 21 до 23 ноември 2013 година, ќе учествува на работилница на тема: „Поттикнување на граѓанското општество во земјите-кандидати и потенцијални земји-кандидати за ЕУ членство“, што во организација на Меѓународното европско движење ќе се одржи во Будва, Црна Гора

Петок, 15 ноември 2013 година

Учество на пратениците Марјанчо Николов и Владанка Авировиќ на конференција во Црна Гора

Претседателот на Комисијата за финансирање и буџет, г. Марјанчо Николов и претседателот на Комисијата за економски прашања, г-ѓа Владанка Авировиќ на 18 и 19 ноември 2013 година во Пржно, Црна Гора, ќе учествуваат на Конференција на тема „Oдносите помеѓу врховните ревизорски институции и парламентите на земјите-кандидати и потенцијални кандидати за членство во ЕУ’’

Четврток, 14 ноември 2013 година

Работна посета на Делегација од Собранието на Република Македонија на Народното Собрание во Белград

Во рамки на работната посета ќе се дискутираат теми поврзани со надзорот на ИПА фондовите при што ќе се презентира искуството од Република Македонија, за продлабочување на активностите во регионалната мрежа и зајакнување на соработката помеѓу парламентарните комисии од парламентите на Србија и Македонија

Вторник, 12 ноември 2013 година

Положување венци свежо цвеќе

Понеделник, 11 ноември 2013 година

Собраниска делегација во возвратна посета на Република Турција

Делегација на Пратеничката група на Собранието на Република Македонија за соработка со Парламентот на Република Турција во состав: г. Кенан Хасипи, претседател на пратеничката група, г. Амди Бајрам, г. Бехиџудин Шехаби, г. Газменд Алији и г. Ердоган Сарач, членови на пратеничката група ќе оствари возвратна посета на Република Турција од 11 до 15 ноември 2013 година, на покана од г. Хусеин Бурге, претседател на Турско-македонската меѓупарламентарна група за пријателство на Големо национално собрание на Република Турција

Среда, 6 ноември 2013 година

Собраниска делегација на Парламентарен семинар на тема „Младите и образованието на Балканот" во Брисел

Од Собранието на Република Македонија на семинарот ќе учествуваат пратениците: Александар Спасеновски, претседател на Комисијата за образование, наука и спорт, г-ѓа Дешира Имери, член на комисијата, Билјана Казанџиска, заменик-член на комисијата и г-ѓа Мерал Узеири Ферати, член на Комисијата за еднакви можности на жените и мажите

Среда, 30 октомври 2013 година

Јавна расправа на тема: „Како до подобра грижа и третман за лицата што живеат со ХИВ во Република Македонијa”

Комисијата за еднакви можности на жените и мажите и Комисијата за здравство на Собранието на Република Македонија, во соработка со групата за поддршка на лицата што живеат со ХИВ – „Заедно посилни“ и Асоцијацијата за здравствена едукација и истражување - Х.Е.Р.А., на 14 ноември 2013 година, во 11.00 часот, во Салата на Уставна комисија, ќе одржат јавна расправа на тема: „Како до подобра грижа и третман за лицата што живеат со ХИВ во Република Македонијa”

Вторник, 29 октомври 2013 година

Собраниска делегација на регионален состанок во белград

Делегација на Собранието на Република Македонија, предводена од Лилјана Поповска, а во чиј состав е и Светлана Мазгалоска Вучетиќ, на 29 и 30 октомври ќе учествува на првиот регионален состанок на парламентарните тела надлежни за човекови права и рамноправност на половите што се одржува во Белград, Република Србија