Вторник, 27 септември 2016 година

Есенската сесија на ПС ОБСЕ - најголем меѓународен парламентарен настан организиран во Македонија

Во пресрет на 15. Есенска сесија на Парламентарното собрание на ОБСЕ, која ќе се одржи од 29 септември до 2 октомври во Скопје, во хотелот „Холидеј Ин“, потпретседателката на Собранието на Република Македонија и шеф на Делегацијата во Парламентарното собрание на ОБСЕ, г-ѓа Рената Дескоска, одржа прес-конференција.

Петок, 23 септември 2016 година

Претседателот Вељаноски го прими новоименуваниот амбасадор на Република Грција во Република Македонија, г. Димитрис Јанакакис

Претседателот на Собранието на Република Македонија, г. Трајко Вељаноски, оствари прва протоколарна средба со новоименуваниот амбасадор на Република Грција во Република Македонија, г. Димитрис Јанакакис. Двајцата соговорници изразија задоволство од средбата и надеж за успешна соработка во иднина.

Среда, 21 септември 2016 година

Седумдесет и петта седница на Комисијата за транспорт, врски и екологија

Комисијата за транспорт, врски и екологија на Собранието на Република Македонија, на денешната 75. седница, како матично работно тело по скратена постапка го разгледа Предлогот на законот за изменување и дополнување на Законот за железничкиот систем.

Петок, 16 септември 2016 година

Размена на искуства за искористување на европските фондови

Во рамките на Интерпарламентарната конференција на тема: „Надзор  над ИПА фондовите: Успеси и предизвици", која во организација на Европскиот парламент се одржува денеска во Белград, учествува делегација на Собранието на Република Македонија, во состав, г-ѓа Лидија Димова, претседателка на Националниот совет за евроинтеграции и г. Сашо Василевски, член на Комисијата за европски прашања.

На Конференцијата, со која претседаваше претседателката на Одборот за европски интеграции, г-ѓ Маринка Тепиќ, беа разменети информации во врска со различните практики и искуства, во насока на подобрување на степенот на искористување на овие европски фондови.

Петок, 16 септември 2016 година

Средба на претседателот Вељаноски со претседателот на ПССЕ, г. Педро Аграмунт

Денеска во рамките на Европската конференција на претседатели на парламенти, која се одржува во Стразбур, Француската Република, претседателот на Собранието на Република Македонија, г. Трајко Вељаноски, се сретна со домаќинот на Конференцијата, претседателот на Парламентарното собрание на Советот на Европа, г. Педро Аграмунт.

Петок, 16 септември 2016 година, Стразбур

Обраќање на претседателот Вељаноски на Европската конференција на претседатели на парламенти, на тема: „Националните парламенти и Советот на Европа: Заедничко промовирање на демократијата, човековите права и владеење на правото“

Од неговото основање на 5 мај 1949 година, Советот на Европа, исполнувајќи ги своите статутарни одредби, дејствува кон воспоставувањето, остварувањето, заштитата и развојот на човековите права и основните слободи, јакнењето на демократијата и создавањето на заедничките правни стандарди.

Четврток, 15 септември 2016 година, Стразбур

Обраќање на претседателот Вељаноски на Европската конференција на претседатели на парламенти, на тема: „Миграциите и бегалската криза во Европа – улогата и одговорностите на парламентите“

Миграцијата како појава од цивилизациски аспект не е нешто ново за светот и за Европа, меѓутоа актуелната мигрантско-бегалска криза претставува феномен незабележан во поновата светска историја. Тоа што денес се случува претставува глобален проблем. Тоа што денес се случува претставува глобален проблем. Само да потсетам дека и на штотуку завршениот Самит на групата Г-20, бегалската криза со која се соочуваме е дефинирана како глобален проблем кој бара и соодветен пристап и решение. 

Четврток, 15 септември 2016 година

Седумдесет и четврта седница на Комисијата за транспорт, врски и екологија

Комисијата за транспорт, врски и екологија на Собранието на Република Македонија, на денешната 74. седница, како матично работно тело ги разгледа:

Четврток, 15 септември 2016 година

Прва официјална средба на претседателот на Македонскиот парламент со претседателот на Грчкиот парламент

Претседателот на Собранието на Република Македонија, г. Трајко Вељаноски, денеска, во рамките на Европската конференција на претседатели на Парламенти, која се оджува во Стразбур, оствари билатерална средба со претседателот на Парламентот на Република Грција, г. Николаос Вуцис.

Вторник, 13 септември 2016 година

Средба на потпретседателката Дескоска со евроамбасадорот Жбогар

Потпретседателката на Собранието на Република Македонија, Рената Дескоска се сретна денеска со г. Самуел Жбогар, амбасадор на ЕУ во Република Македонија.