Четврток, 11 февруари 2021

Обраќање на претседателот Џафери на основањето и промовирањето на Интерпартиската парламентарна група за поддршка на правата на Ромите, нивна инклузија и интеграција во Република Северна Македонија

Ми претставува чест и задоволство што денес присуствувам на основањето и промовирањето на Интерпартиската парламентарна група за правата на Ромите, нивна инклузија и интеграција во Република Северна Македонија, која е уште една неформална група во низата неформални групи што се основаа како продолжување на воспоставената практика со претходните парламентарни состави.

Вторник, 2 февруари 2021

Обраќање на претседателот Џафери на Работниот состанок на Интерпартиската парламентарна група (ИППГ)

Дозволете да изразам задоволство што денес сме собрани тука во вака голем број пратеници, припадници на различните пратенички групи застапени во Собранието на Република Северна Македонија. Гледам колеги од власта, од опозицијата, поголеми, помали пратенички групи, со различни идеологии, различни програми, а сепак сите тука обединети и собрани за една единствена цел, односно, повторно да заживее и да продолжи ентузијазмот што владееше при донесувањето на Декларацијата за правото на политичко учество на граѓаните со попреченост, којашто е патоказот кој што треба да се следи за да се постигнат заедничките стандарди за остварување на политичкото учество на лицата со попреченост, како што е почитувањето на Конвенцијата за правата на лицата со попреченост, Пекиншката декларација и платформата за акција како и насоките од Општиот коментар бр. 6 за еднаквост и недискриминација и Општиот коментар број 3. за жените и девојчињата со попреченост, издаден од Комитетот за правата на лицата со попреченост на Обединетите нации.

Петок, 29 Јануари 2021

Обраќање на претседателот Џафери на Работната средба организирана од Државниот завод за статистика  

Задоволство ми е што денес, во присуство на претседателот Пендаровски, премиерот Заев, надлежните министри, претседателот на ЗЕЛС, г. Шилегов, директорот Симовски и сите други присутни, ја започнуваме оваа фаза од операцијата на официјалната статистика, Пописот на населението, домаќинствата и становите, односно, информирањето и охрабрувањето на граѓаните за важноста и за значајноста од нивното и вклучувањето на сите институции во успешното спроведување на пописот.

Четврток, 28 Јануари 2021

Обраќање на претседателот Џафери на Обуката за комуникација со граѓани

Дозволете накратко, во мое лично име и во име на моите колеги пратеници присутни на оваа Обука за комуникација со граѓани да изразам задоволство и во исто време и благодарност до амбасадорот Клеменс Која и Мисијата на ОБСЕ во Република Северна Македонија, за овозможување на оваа обука која поради добро познати причини се одвива преку ЗУМ платформа, што секако не ја намалува важноста и потребата од истата.

Среда, 30 декември 2020

Обраќање на претседателот Џафери на Конститутивната седница на Клубот на пратенички

Дозволете во мое лично име и од име на пратениците во Собранието на Република Северна Македонија, да изразам задоволство што денес можам да го поздравам конституирањето на новиот состав на Клубот на пратенички во рамките на законодавниот дом, кое е неформално консултативно тело за унапредување на правата и положбата на жените и во чиј состав влегуваат пратеничките од актуелните состави. Ви посакувам да имате навистина успешен мандат, кој што ќе ве прави Вас почитувани колешки, меѓутоа и сите нас горди и исполнети.

Понеделник, 21 декември 2020 година

Обраќањe на претседателот Џафери по повод 21 Декември - Денот на турската настава

Имам чест и задоволство што во мое име и од име на пратениците во Собранието на Република Северна Македонија, имам можност да го поздравам високопочитуваниот претседател на Големото национално собрание на Република Турција, мојот пријател г. Мустафа Шентоп и почитуваните членови на Делегацијата, и дозволете да ја искористам оваа прилика и Вам драг колега, на сите присутни во салава, меѓутоа и на сите наши сограѓани, припадници на турската заедница, да ви го честитам 21 Декември, Денот на наставата на турски јазик во Република Северна Македонија, кој што е во чест на нашите сограѓани Турци во земјава, меѓутоа со сета почит и внимание и за Република Турција која е наш традиционален, долгогодишен и искрен пријател.

Четврток, 17 декември 2020, Амфитеатар на Ректорат, Тетово

Обраќање на претседателот Џафери на Свечената академија по повод oдбележувањето на 26-годишнината од основањето на Универзитетот во Тетово

Дозволете ми на почетокот на мојот говор да ве поздравам од мое лично име и од име на пратениците во Собранието на Република Северна Македонија сита Вас, присутни на оваа Свечена академија со која се одбележува годишнината од основањето на Државниот универзитет во Тетово, храмот на ширењето на науката сега веќе полни 26 години по ред и да ви посакам прославување на уште многу идни јубилеи. 

Среда, 16 декември 2020

Видео-обраќање на претседателот Џафери на одбележување на 100-годишнината од првиот академски час на Филозофскиот факултет во Скопје

Дозволете денес, преку ова мое видео обраќање, да изразам честитки во мое лично име и од име на пратениците во Собранието на Република Северна Македонија, за 100-годишнината од основањето на Филозофскиот факултет во Скопје, кој што во далечната 1920 година, со кралски указ, ја започна својата наставно-научна дејност и со тоа го заслужи пиететот - најстара високо-образовна институција во државата. 

Петок, 4 декември 2020

Обраќање на претседателот Џафери на конститутивната седница на Клубот за младински прашања и политики

Драго ми е што денес, два месеци по Работната средба за пратеници, која всушност беше вовед во улогата и функцијата на Клубот за младински прашања и политики, Вие, мои драги млади колеги, се разбира со безрезервната помош на нашите драги пријатели од Весминстерската Фондација за Демократија и Националниот Демократски Институт, денес ја одржувате конститутивната седница на Клубот на новиот парламентарен состав.

Сабота, 21 ноември 2020 година, Хотел „Уранику“ - Дебар

Поздравно обраќање на претседателот Џафери на Свечената академија по повод 111-годишнината од Дебарскиот конгрес 

Дозволете да го споделам задоволството што денес сум тука помеѓу вас, на одбележувањето на 111-годишнината од Дебарскиот конгрес, конгресот на будењето на националната свест на Албанците за независност каде силата на националното чувство, со сета волја, визија, моќ и храброст на албанските делегати од сите вилаети, успеа да ги стави на маса за дискусија интересите, потребите и правата на Албанците и по шестдневна работа, покрај усвојувањето на мерките кои беа во однос на вкупниот економски и културен развој на вилаетите на Европска Турција, се опфатија и посебни мерки кои беа во однос на Албанците а кои беа поднесени од претставниците на оваа национална албанска струја.