Понеделник, 1 јуни 2009 година

Шеснаесетта седница на Комисијата за транспорт, врски и екологија

Комисијата за транспорт, врски и екологија на Шеснаесеттата седница како матично работно тело ги претресе Предлог законот за прогласување на локалитетот Алшар за споменик на природата (прво читање) и Предлог законот за изменување на Законот за животна средина (прво читање).

Петок, 22 мај 2009 година, Комисија за финансирање и буџет

Разгледан Предлогот на закон за задолжување на Република Македонија со заем кај Меѓународната банка за обнова и развој - Светската банка

Комисијата за финансирање и буџет на Дваесет и првата седница како матично работно тело го разгледа Предлогот на закон за задолжување на Република Македонија со заем кај Меѓународната банка за обнова и развој - Светската банка, по Договорот за заем по Проектот за подобрување на општинските услуги, по скратена постапка.

Понеделник, 18 мај 2009 година

Деветнаесетта седница на Комисијата за европски прашања

Комисијата за европски прашања на Деветнаесеттата седница го разгледа Предлог законот за меѓуопштинска соработка (Прво читање) и едногласно заклучи дека е прифатлив за понатамошно читање.

Вторник, 19 мај 2009 година

Деветнаесетта седница на Комисијата за финансирање и буџет

Комисијата за финансирање и буџет на Деветнаесеттата седница како матично работно тело го разгледа Предлогот на закон за изменување и дополнување на Законот за стоковни резерви (прво читање).

Среда, 20 мај 2009 година

Средба на г-ѓа Теута Арифи и г. Петар Поп-Арсов со г. Пржемисл Соботка

Претседателот на Комисијата за надворешна политика, г-ѓа Теута Арифи и претседателот на Комисијата за европски прашања на Собранието на Република Македонија, г. Петар Поп-Арсов со членовите денеска остварија средба со г. Пржемисл Соботка, претседател на Сенатот на Парламентот на Република Чешка, кој со делегација е во официјална посета на Република Македонија, на покана на претседателот на Собранието на Република Македонија, г. Трајко Вељаноски.

Среда, 20 мај 2009 година

Република Чешка е докажан и традиционален пријател на Република Македонија

Претседателот на Пратеничката група на Собранието на Република Македонија за соработка со Парламентот на Република Чешка, г. Марјанчо Николов заедно со членовите денеска се сретна со г. Пржемисл Соботка, претседател на Сенатот на Парламентот на Република Чешка, кој со делегација е во официјална посета на Република Македонија.

Петок, 15 мај 2009, Комисија за локална самоуправа

Разгледан Предлогот на законот за меѓуопштинска соработка

Комисијата за локална самоуправа на Првата седницата како матично работно тело го разгледа Предлогот на законот за меѓуопштинска соработка.

Среда, 20 мај 2009, Национален совет за евроинтеграции

Јавна расправа по Предлогот на законот за меѓуопштинска соработка

Националниот совет за евроинтеграци заедно со Заедницата на единиците на локалната самоуправа на Република Македонија организираа јавна расправа по Предлог-законот за меѓуопштинска соработка. Беа изнесени предлози и забелешки за подобрување на одредбите на Предлогот на законот и во насока на обезбедување на поквалитетно и поефикасно остварување на заедничките интереси и работи од надлежност на општините, како и подобрување на условите за меѓуопштинска соработка.

Четврток, 14 мај 2009 година

Средба на делегацијата на Собранието на Република Македонија во Парламентарното собрание на Совет на Европа со претседателот на Парламентот на Кралството Норвешка, г. Торбјорн Јагланд

Шефот на делегацијата на Собранието на Република Македонија во Парламентарното собрание на Совет на Европа, г. Оливер Шамбевски и членовите на делегацијата денеска имаа средба со претседателот на Парламентот на Кралството Норвешка, г. Торбјорн Јагланд, кој воедно е и кандидат за генерален секретар на Советот на Европа.

Четврток, 14 мај 2009 година

Средба на пратеничката група на Собранието на Република Македонија за соработка со парламентите на Република Исланд и Кралството Норвешка, со г. Торбјорн Јагланд, претседател на Парламентот на Кралството Норвешка

Претседателот на пратеничка група на Собранието на Република Македонија за соработка со парламентите на Република Исланд и Кралството Норвешка, г. Игор Иванов и членовите г-ѓа Дарка Петрушевска, г. Дарко Димитриески и г-ѓа Садије Илјази денеска имаа средба со претседателот на Парламентот на Кралството Норвешка, г. Торбјорн Јагланд.

Вторник, 12 мај 2009 година

Средба на Делегација на Собранието на Република Македонија во Парламентарното собрание на организацијата за безбедност и соработка во Европа со Парламентарната делегација на ОБСЕ

Шефот на Делегацијата на Собранието на Република Македонија во Парламентарното собрание на организацијата за безбедност и соработка во Европа (ПС ОБСЕ), г. Андреј Петров и членовите г. Владимир Ѓорчев и г. Хисен Џемаили денеска имаа средба со Парламентарната делегација на ОБСЕ, предводена од Жоа Соареш, претседател на Собранието на ОБСЕ.

Понеделник, 11 мај 2009 година, Комисија за земјоделство, шумарство и водостопанство

Разгледан Предлогот за изменување и дополнување на Буџетот

Комисијата за земјоделство, шумарство и водостопанство на Тринаесеттата седница го разгледа Предлогот за изменување и дополнување на Буџетот на Република Македонија за 2009 година. Со ребалансот се предлага намалување на вкупните приходи за 10,1 милијарди денари, односно за околу 7% помалку во однос на иницијално утврдените и тоа поради намаленото остварување на даночните приходи во првиот квартал од 2009 година како последица на влијанието на економската криза во реалниот сектор, ревидирање на даночните приходи во согласност со намалената стапка на пораст на БДП од 1% и стапка на инфлација од 1 до 2%.

Вторник, 12 мај 2009 година
свечена изјава на новоизбраниот претседател на Република Македонија, г.Ѓорге Иванов пред собранието на република македонија

Среда, 13 мај 2009 година, Рим, Италија

Република Македонија останува посветена на унапредување на добрососедските односи, на соработката во регионот и на целосното остварување на евро-атлантската агенда

Делегација на Собранието на Република Македонија во состав на пратениците Талат Џафери, шеф на делегацијата, Владо Бучковски, член и Павле Трајанов, заменик-член на делегацијата учестуваше на обележувањето на 60-годишнината на НАТО што се одржа на 11 мај во италијанскиот Сенат.

Понеделник, 11 мај 2009 година, Прага, Република Чешка

Петар Поп-Арсов оствари средби со повеќе претседатели и членови на Комисиите за европски прашања на земјите- членки на ЕУ

Во рамките на чешкото претседавање со Европската унија на Конференцијата на комисиите за европски прашања КОСАК, која што се одржува денес и утре во Прага, учествува и претседателот на Комисијата за европски прашања, г. Петар Поп-Арсов.