Активности


Петок, 30 октомври 2009 година

Прифатено барањето на Вацлав Клаус за Лисабонскиот договор

На Самитот на Европската унија во Брисел, претставниците на 27-те земји-членки на ЕУ го прифатија барањето на Чешка да биде изземена од Повелбата за човекови права која е составен дел од Лисабонската спогодба.



Четврток, 29 октомври 2009 година

Претседателот на Собранието на Република Македонија, г. Трајко Вељаноски денеска го прими Зоран Талер европратеник и известител за Република Македонија во Европскиот парламент

На средбата претседателот на Собранието, г. Трајко Вељаноски, уште еднаш ги истакна позитивните резултати на Република Македонија и нејзините институции во остварувањето на евроатлантските интеграции. Визната либерализација за нашите граѓани, како и Извештајот на Европската комисија и препораката за добивање датум за отпочнување на преговорите секако ги потврдува нашите резултати, нашата посветеност за членство во Европската унија.



Четврток, 29 октомври 2009 година

Самит на ЕУ во Брисел

На 29 и 30 октомври во Брисел ќе се одржи Самит на Европската унија, на кој лидерите на земјите-членки главно ќе расправаат за глобалното затоплување и иднината на Лисабонскиот договор, кој не може да стапи на сила сè додека не биде потпишан од сите земји-членки на ЕУ, а единствено недостасува потписот на чешкиот претседател Вацлав Клаус. 



Среда, 28 октомври 2009 година, Букурешт, Романија

Делегација на Собранието на Република Македонија во ПД на ЦЕИ учествува во работата на годишната сесија на Парламентарното собрание на ПД на ЦЕИ во Букурешт, Романија

Делегацијата на Собранието на Република Македонија во Парламентарната димензија на Централноевропската иницијатива (ПД на ЦЕИ) предводена од шефот на делегацијата, г. Петар Поп Арсов, а во чиј состав се и членовите Јован Лазарев и Марјанчо Николов, учествува во работата на годишната сесија на Парламентарното собрание на ПД на ЦЕИ што се одржува во Букурешт, Романија.



Среда, 28 октомври 2009 година

Триесетта седница на комисијата за политички систем и односи меѓу заедниците

Комисијата за политички систем и односи меѓу заедниците како матично работно тело на триесетатта седница одржана на 26 октомври 2009 година ги разгледа :



Вторник, 27 октомври 2009 година, Загреб, Република Хрватска

УЧЕСТВО НА МАКЕДОНСКАТА ДЕЛЕГАЦИЈА НА ПАРЛАМЕНТАРНИОТ СЕМИНАР ЗА СЛОБОДНА ТРГОВИЈА И РЕГИОНАЛЕН ВНАТРЕШЕН ПАЗАР

Нашата делегација од Собранието на Република Македонија ја сочинуваа пратениците: Ванчо Коцев од ВМРО-ДПМНЕ, Роза Топузова Каревска од ЛДП, Феми Јонузи од ДУИ и Миле Андонов од СДСМ



Вторник, 27 октомври 2009 година

Четириесетта седница на Комисијата за финансирање и буџет

Комисијата за финансирање и буџет на Собранието на Република Македонија на Четириесеттата седница одржана на 26 октомври 2009 година, ги разгледа Извештајот на Европската комисија за напредокот на Република Македонија за 2009 година и Предлогот на закон за изменување и дополнување на Законот за приватизација и закуп на градежно земјиште во државна сопственост (прво читање).



Понеделник, 26 октомври 2009 година, Истанбул

Парламентарците ја потпишаа Декларацијата за дијалог меѓу културите и религиите во Медитеранскиот регион

Во заедничка организација на Парламентарното собрание на Медитеранот и Парламентот на Република Турција, на 23 и 24 октомври 2009 година во Истанбул, Република Турција, се одржa Четвртата редовна годишна сесија на Парламентарното собрание на Медитеранот



Понеделник, 26 октомври 2009 година, Комисија за европски прашања

Разгледан Предлог-законот за изменување и дополнување на Законот за азил и привремена заштита

Комисијата за европски прашања на Собранието на Република Македонија на седницата одржана на 21 октомври 2009 година во прво читање го разгледа Предлог-законот за изменување и дополнување на Законот за азил и привремена заштита.

На седницата на Комисијата во својство на претставник на Владата на Република Македонија присуствуваше г-дин Џевад Бучи, заменик-министер за внатрешни работи, кој ја образложи потребата од донесување на Законот од аспект на неговата усогласеност со правото на Европската Унија.

Заменик-министерот истакна дека бројот на бегалци кои престојуваат на територијата на Република Македонија е занемарлив и дека со овие квалитетни измени и дополнувања на законскиот текст ќе се решат проблемите од оваа област.

Во расправата учествуваа пратениците: Станка Анастасова, Христина Рунчева, Кенан Хасипи и Петар Поп-Арсов.

Комисијата едногласно му предлага на Собранието на Република Македонија дека Предлог-законот за изменување и дополнување на законот за азил и привремена заштита е прифатлив и треба да се даде на понатамошно читање од аспект на неговата усогласеност со правото на ЕУ.



Четврток, 22 октомври 2009, Националент совет за евроинтеграции

Разгледан Извештајот на Европската комисија за напредокот на Република Македонија за 2009 година

На седницата свое обраќање имаше г. Ерван Фуере, Специјален претставник на Европската унија и Шеф на Делегацијата на Европската комисија во Република Македонија, како и г. Ларс Петер Фреден, Амбасадор на Кралството Шведска во Република Македонија.

---


Четврток, 22 октомври 2009

Работна средба на ИППГ за права на лицата со хендикеп со пратениците

Презентирањето на предлог Глобален акционен план (ГАП) на ИППГ за 2009 – 2012 година, формирањето на работните групи по дефинираните цели од ГАП и информација за активностите преземени во насока на ратификација на Конвенцијата при ОН за правата на лицата со хендикеп, беа дел од темите на дневниот ред



Четврток, 22 октомври 2009 година

Дваесет и деветта седница на Комисијата за економски прашања

Комисијата за економски прашања на Собранието на Република Македонија на Дваесет и деветтата седница, одржана на 20 октомври 2009 година, го разгледа Годишниот извештај на Европската комисија за напредокот на Република Македонија за 2009 година.



Четврток, 22 октомври 2009 година

Средба на претседателот на Комитетот за односи меѓу заедниците, г. Џевад Адеми со претставници на Мисијата на ОБСЕ во Скопје

Претседателот на Комитетот за односи меѓу заедниците Џеват Адеми на ден 20 октомври 2009 година одржа работна средба, во неговиот работен кабинет, на барање на шефот на Мисијата на ОБСЕ во Скопје, амбасадорот Хозе Луис Херера и Кјетил Исане офицер за политичко известување



Среда, 21 октомври 2009, Женева

Претседателот на Собранието на Република Македонија, г.Трајко Вељаноски оствари средби со претседателот на Парламентот на Република Бугарија, г-ѓа Цецка Цачева и аргентинската делегација во ИПУ

Во рамките на 121. Собрание на Интерпарламентарната унија (ИПУ), што се одржува од 19 до 21 октомври во Женева, претседателот на Собранието на Република Македонија, г.Трајко Вељаноски, оствари билатерална средба со претседателот на Парламентот на Република Бугарија, г-ѓа Цецка Цачева



Среда, 21 октомври 2009 година

Семинар за „Вклучување на родот во создавањето национална безбедносна политика и во надзорот врз безбедносниот сектор“

Во Собранието на Република Македонија се одржа првиот дел од дводневниот семинар насловен како „Вклучување на родот во создавањето национална безбедносна политика и во надзорот врз безбедносниот сектор“, во организација на Комисијата за одбрана и безбедност и Комисијата за еднакви можности на жените и мажите, во соработка со Женевскиот центар за демократска контрола на вооружените сили (ДЦАФ), ОДИХР и Мисијата на ОБСЕ во Скопје.



Среда, 21 октомври 2009 година, Женева

На ИПУ законодавците усвоија итна точка со која се овозможува парламентарна акција за обезбедување на глобална безбедност на храната

На 121. Собрание на ИПУ, законодавците усвоија итна точка на предлог на делегациите на Австралија и Уганда, со која се овозможува парламентарна акција за обезбедување на глобална безбедност на храната



Среда, 21 октомври 2009 година

Средба на претседателот на Комитетот за односи меѓу заедниците, г. Џевад Адеми со претставници на амбасадата на Велика Британија во Република Македонија

Претседателот на Комитетот за односи меѓу заедниците, г. Џевад Адеми, на 20 октомври 2009 година, во неговиот работен кабинет, на барање на Герард МкГурк, заменик-шеф на Мисијата во амбасадата на Велика Британија и Дијана Руси, политички советник во амбасадата на Велика Британија во Република Македонија, одржа работна средба на тема „Функционирање на Комитетот за односи меѓу заедниците и спроведување на законите



Вторник, 20 октомври 2009 година, Стразбур

Средба на делегација на Собранието на Република Македонија со г. Зоран Талер известител за Република Македонија

Делегација на Комисијата за европски прашања, во состав: г. Миле Пачемски, г. Талат Џафери и г. Емилијан Станковиќ, во рамки на посетата на Европскиот парламент денеска имаше средба со г. Зоран Талер, известител на Комисијата за надворешни работи на Европскиот парламент (АФЕТ) за Република Македонија



Вторник, 20 октомври 2009 година, Женева

Делегација на Собранието на Република Македонија оствари средба со швајцарската ИПУ делегација

На средбата учествуваа потпретседателот на Собранието на Република Македонија, г. Јани Макрадули, кој воедно е и претседател на Управувачкиот совет на Парламентарниот институт, потоа, г. Рафиз Аљити, потпретседател на Собранието, г-ѓа Силвана Бонева и г-ѓа Фљора Кадриу, членови на Управувачкиот совет



Вторник, 20 октомври 2009 година

Европарламентот го поддржа Извештајот за визна либерализација

Комитетот за граѓански слободи, правосудство и внатрешни работи на Европскиот парламент, синоќа во Стразбур со огромно мнозинство гласови го поддржа Извештајот за визна либерализација за Македонија, Србија и Црна Гора од 1 јануари 2010 година. Против гласал само еден европратеник, додека двајца биле воздржани.



Понеделник, 19 октомври 2009 година, Женева

Претседателот на Собранието на Република Македонија, г. трајко вељаноски оствари средба со потпретседателот на Претставничкиот дом на парламентот на Шпанија, г-ѓа Тереса Кунилера Местрес

На маргините на 121 Собрание на Интерпарламентарната унија, претседателот на Собранието на Република Македонија, г. Трајко Вељаноски оствари средба со потпретседателот на Претставничкиот дом на параламентот на Шпанија, г-ѓа Тереса Кунилера Местрес



Понеделник, 19 октомври 2009 година

Потпретседателот на Собранието на Република Македонија, г-ѓа Светлана Јакимовска го прими амбасадорот на Куба за Република Македонија, Н.Е. г. Херардо Суарез Алварез

Потпретседателот на Собранието на Република Македонија, г-ѓа Светлана Јакимовска денеска го прими во работна посета амбасадорот на Куба за Република Македонија, Н.Е. г. Херардо Суарез Алварез



Понеделник, 19 октомври 2009 година

Учество на Делегација на Собранието на Република Македонија во Интерпарламенарната унија, во Женева

Делегација на Собранието на Република Македонија во Интерпарламенарната унија ќе учествува на 121 Собрание на ИПУ што ќе се одржи од 19 до 21 октомври 2009 година во Женева, Швајцарија



Понеделник, 19 октомври 2009 година

Конференција за поддршка на проширувањето на ЕУ

Шведска, како претседавач со Европската унија и Европската комисија денеска ќе одржат заедничка конференција за поддршка на проширувањето на ЕУ. На конференцијата ќе се расправа за финансиската помош која Унијата преку Инструментот за претпристапна помош (IPA) им ја дава на земјите-кандидатки за членство во Унијата (Македонија, Хрватска и Турција) и потенцијалните земји-кандидатки (Албанија, Босна и Херцеговина, Косово, Црна Гора и Србија) со цел да им помогне во плаќањето на реформите со кои ќе се приближат до ЕУ стандардите.



Сабота, 17 октомври 2009 година

Триесет и петта седница на Комисијата за финансирање и буџет

Комисијата за финансирање и буџет на Собранието на Република Македонија на Триесет и петтата седница, одржана на 5 октомври 2009 година, како матично работно тело ја разгледа Информацијата за активностите на Управата за јавни приходи во првата половина на 2009 година.



Петок, 16 октомври 2009 година

Потпретседателот на Собранието на Македонија, г-ѓа Светлана Јакимовска оствари средба со Изборната делегација на Германија

Потпретседателот на Собранието на Република Македонија, г-ѓа Светлана Јакимовска, денеска се сретна со Изборната делегација на Германија, предводена од пратеникот на германскиот Бундестаг, г. Хелмут Ламп по повод доделувањето на Меѓународната парламентарна  стипендија за 2010 година.



Петок, 16 октомври 2009 година

Меѓународната парламентарна стипендија го јакне младиот образовен кадар

Претседателот на Пратеничката група на Собранието на Република Македонија за соработка со Парламентот на Сојузна Република Германија, г. Јован Гинев и членовите, остварија средба со г.Хелмут Ламп, пратеник од германскиот Бундестаг. Во германската делегација беа и г. Герхард Ракениус, декан за студиски прашања при Факултетот IV на Техничкиот универзитет во Берлин и заменик-раководител на рефератот ИО и г-ѓа Улрике Кноц, амбасадор на Сојузна Република Германија во Република Македонија.



Петок, 16 октомври 2009 година

Средба на пратеникот г.Марјанчо Николов со г. Коста Димитров, пратеник од Чешкиот парламент и претседател на Групата за чешко-македонско пријателство

На 16 октомври 2009 година во Собранието на Република Македонија беше остварена средба пoмеѓу г. Марјанчо Николов, пратеник и претседател на Пратеничката група на Собранието на Република Македонија за соработка со Парламентот на Чешката Република и г. Коста Димитров, пратеник од Чешкиот парламент и претседател на Групата за чешко-македонско пријателство, по негово барање. 



Петок, 16 октомври 2009

Триесет и осма седница на Комисијата за финансирање и буџет

Комисијата за финансирање и буџет на Триесет и осмата седница одржана на 13 октомври 2009 година, како матично работно тело го разгледа Предлогот на закон за изменување и дополнување на Законот за персонален данок на доход(прво читање



Петок, 16 октомври 2009 година

Европратеници ја поддржаа Македонија по добиениот позитивен Извештај од Еврокомисијата

На вчераршниот состанок на Комитетот за надворешна политика на Европскиот парламент, неколку европратеници изразија поддршка за предлогот на Европската комисија за почеток на преговори за членство на Република Македонија во Европската унија. Европратеници, исто така, побараа визна либерализација за Балканот и имплементација на Протоколот од Анкара.



Четврток, 15 октомври 2009 година

Изјава на претседателот Вељаноски по примањето на Извештајот на Европска комисија за напредокот на Република Македонија од евроамбасадорот Фуере

Почитувани, 
Денеска амбасадорот на ЕУ, неговата екселенција Ерван Фуере и формално ми го предаде извештајот на Европската комисија за напредокот на Република Македонија. Содржината на извештајот е веќе позната.
Тоа што е најважно за сите нас, е фактот дека во извештајот Европската комисија многу децидно го утврдува напредокот на Република Македонија и препорачува да започнат преговорите со Европската унија.  



Четврток, 15 октомври 2009 година

Амбасадорот Ерван Фуере го презентираше Годишниот извештај

Специјалниот претставник на Европската унија и шеф на Делегацијата на Европската комисија во Република Македонија, г. Ерван Фуере присуствуваше на триесет и првата седница на Комисијата за европски прашања на која го презентираше Годишниот извештај на Европската комисија за напредокот на Република Македонија за 2009 година.



Среда, 14 октомври 2009 година

Позитивен Извештај за Република Македонија

Европската комисија објави позитивен Извештај за напредокот на Република Македонија во 2009 година, што значи дека по четиригодишен кандидатски статус Република Македонија ќе ги започне преговорите за членство во Европската унија.

„Препорачано е отворање на преговори за членство на Македонија во Европската унија. Државата оствари уверлив напредок и суштински се осврна на клучните приоритетите“, изјави еврокомесарот за проширување г.Оли Рен на денешната прес-конференција во Брисел.

Г. Рен изрази верување дека македонската влада ова ќе го сфати како силен поттик за конечно решавање на спорот со името со јужниот сосед Грција.

Утре во 9 часот и 30 минути специјалниот претставник на Европската унија и шеф на делегацијата на Европската комисија во Република Македонија, г. Ерван Фуере, ќе го предаде Годишниот извештај на Европската комисија за напредокот на Република Македонија - 2009 година на претседателот на Собранието на Република Македонија, г. Трајко Вељаноски.



Вторник, 13 октомври 2009 година

Медитеранскиот дијалог е ретка можност да им се помогне на земјите во регионот за градење на заедничко разбирање

Во Атина, на 10 октомври 2009 година, во рамките на есенското заседание на ПС на ОБСЕ, се одржа Медитерански форум на ОБСЕ со особен акцент на перспективите и предизвиците.



Вторник, 13 октомври 2009 година, Стразбур

Пленарна сесија на Конгресот на локалните и регионални власти на Советот на Европа

Од 13 до 15 октомври Конгресот на локалните и регионални власти на Советот на Европа ќе ја одржи 17. пленарна сесија во Стразбур, како дел од подготовките во пресрет на декемвриската конференција на ООН во Копенхаген посветена на климатските промени.



Вторник, 13 октомври 2009 година

Полска го ратификуваше Лисабонскиот договор

Претседателот на Полска, г.Лех Качински, на 10 октомври го потпиша указот за Лисабонскиот договор, со што се комплетираше ратификацијата на европскиот реформски договор во оваа земја. На тој начин, од 27-те земји-членки на ЕУ, сега недостига само уште потписот на чешкиот претседател г.Вацлав Клаус, за да може Договорот од Лисабон да стапи на сила.



Петок, 9 октомри 2009

Делегација на Собранието на Република Македонија предводена од претседателот на Собранието г. Трајко Вељаноски оствари средби со државниот врв на Хрватска

На средбата со претседателот на Хрватскиот сабор Лука Бебиќ и  двете делегации ги истакнаа високо развиените  пријателски односи меѓу двете држави, а во тие рамки и редовните средби и соработка меѓу двата законодавни дома. Претседателот на Собранието Трајко Вељаноски го поздрави неодамнешниот договор меѓу Хрватска и Словенија, со кој и е овозможено  на Хрватска да ги продолжи преговорите со ЕУ. Со ова и двете страни покажаа дека не само декларативно, туку и фактички ги почитуваат европските стандарди, а во истовреме и одговорност за иднината на ЕУ. Република Македонија очекува врз постигнатите резултати во извештајот на ЕК, кој треба да се објави наскоро, да добие препорака за датум за започнување на преговорите, истакна Вељаноски.



Петок, 09 октомври 2009

Средба на Националниот совет за евроинтеграции со г. Ролф Мафаел директор и ополномошен за начелни прашања за проширување на ЕУ во Германското министерство за надвореши работи

Националниот совет за евроинтеграции оствари средба со г. Ролф Мафаел, директор и ополномошен за начелни прашања за проширување на ЕУ во Германското министерство за надвореши работи. Во рамки на германската делегација присуствуваа г. Петер Бушман, претставник на Одделот за ЕУ проширување-односи на ЕУ со Западен Балкан и г-ѓа Улрике Кноц, амбасадор на Сојузна Република Германија.



Петок, 9 октомври 2009 година, Атина

Учество на наша делегација на парламентарната конференција за „Енергетската безбедност и животната средина"

Делегација на Собранието на Република Македонија учествува на есенските состаноци на ПС на ОБСЕ што се одржуваат од 9 до 11 октомври 2009 година во Атина, Грција. Делегацијата ја сочинуваат пратениците: г. Андреј Петров (СДСМ), шеф на делегацијата, г. Владимир Ѓорчев (ВМРО-ДПМНЕ) и г. Хисен Џемаили (ДУИ), членови.



Четврток, 8 октомври 2009 година

Потпретседателката на Собрание на Република Македонија, г-ѓа Светлана Јакимовска ја прими делегацијата на Одборот за европски интеграции на Народната скупштина на Република Србија

Потпретседателката на Собранието на Република Македонија, г-ѓа Светлана Јакимовска денеска имаше средба со делегацијата на Одборот за европски интеграции на Народната скупштина на Република Србија.



Четврток, 8 октомври 2009 година

Средба на Комисијата за европски прашања со делегација на Одборот за европски интеграции на Народната скупштина на Република Србија

Претседателот на Комисијата за европски прашања, г. Петар Поп Арсов и членовите на комисијата имаа средба со делегација на Одборот за европски интеграции на Народната скупштина на Република Србија.



Четврток, 8 октомври 2009 година

Средба на Комисијата за надворешна политика со делегација на Одборот за европски интеграции на Народната скупштина на Република Србија

Претседателката на Комисијата за надворешна политика, г-ѓа Теута Арифи и членовите на комисијата имаа средба со делегација на Одборот за европски интеграции на Народната скупштина на Република Србија.



Четврток, 8 октомври 2009 година

Делегација на Собранието на Република Македонија предводена од претседателот на Собранието г. Трајко Вељаноски во официјална посета на Република Хрватска

Делегација на Собранието на Република Македонија предводена од претседателот на Собранието г. Трајко Вељаноски, а во која се и пратениците Благородна Дулиќ, Вулнет Амети и Томе Чингоски од денеска се во официјална посета на Република Хрватска.



Четврток, 8 октомври 2009 година

Да се создаде подобра врска помеѓу Собранието на Република Македонија и медиумите

Вестминстер фондацијата за демократија и Високата школа за новинарство и за односи со јавноста организираа тркалезна маса на тема „Создавање подобра врска помеѓу Собранието на Република Македонија и медиумите преку отвореност и пристап до информации“.



Среда, 7 октомври 2009 година

Октомвриска пленарна сесија во Брисел

Исходот од референдумот за Лисабонскиот договор во Ирска ќе биде тема на расправа од страна на политичките групи на Европскиот парламент на 7 и 8 октомври со претседателот на Европската комисија, г. Жозе Мануел Баросо и на Советот, шведскиот премиер г.Фредерик Рејнфелд.

Слобода на информацијата во Италија ќе биде предмет на дебата помеѓу членовите на Европарламентот и Комисијата. Гласањето по ова прашање е на следната пленарна сесија во Стразбур од 19 до 22 октомври.

Европратениците ќе го разгледаат влијанието на финансиската криза и создавањето на  нов орган за оценување на мерките, преземени од ЕУ и нејзините земји-членки. Одлуката за создавање на нова 45-члена комисија ќе биде ставена на гласање  утре, а Комисијата ќе мора да ја заврши работата во рок од една година.

Евроизбраниците сакаат да им помогнат на најсиромашните земји во текот на глобалната криза, па Парламентот ќе гласа за резолуција која се повикува на реформи на меѓународните финансиски институции и други мерки.



Среда, 7 октомври 2009 година, Стокхолм

Самит ЕУ – Бразил: Со заеднички сили до успех во Копенхаген

Климатските промени и енергијата беа основните теми на кои се расправаше на Самитот на Европската унија и Бразил, кој вчера се одржа во Шведска. Домаќинот на средбата - шведскиот премиер г.Фредрик Рејнфелд, претседателот на Бразил, г.Лула да Силва и претседателот на Европската комисија, г.Жозе Мануел Баросо, се договорија да работат на намалување на емисиите на јаглерод диоксид и се согласија наскоро да остварат подготвителна средба во пресрет на декемвриската конференција за климата во Копенхаген.



Вторник, 6 октомври 2009 година

Триесет и шеста седница на Комисијата за финансирaње и буџет

Комисијата за финансирaње и буџет на Триесет и шестата седница, одржана на 5 октомври 2009 година, како матично работно тело ги разгледа:



Понеделник, 5 октомври 2009 година, Комитет за односи меѓу заедниците

Средба на тема Решавање на меѓунационалните конфликти на локално ниво во Западен Балкан

Комитетот за односи меѓу заедниците, на 2 октомври 2009 година, во канцеларијата на претседателот на Комитетот, г. Џеват Адеми, на барање на г.Јулиус Голдман, менаџер на проектот CSSproject за Интегративно посредување, одржа средба на тема „Решавање на меѓунационалните конфликти на локално ниво во Западен Балкан“.

Претседателот, г.Џеват Адеми, ги запозна присутните за досегашната работа на Комитетот за односи меѓу заедниците за постигнувањата и целите во работата и воедно напомена дека Комитетот за односи меѓу заедниците за прв пат е целосно комплетиран од аспект на оформување на Стручната служба за потребите на Комитетот.

На средбата беше разговарано за надлежностите на Комитетот и за неговата улога во остварување на правата на националните заедници во Република Македонија.

Еден од проблемите којшто беше споменат во текот на разговорот од страна на претседателот е имплементацијата на законите и нефункционирањето на Комисиите за односи меѓу заедниците на локално ниво.

Господин Јулиус Голдман информираше дека проектот CSSproject за Интегративно посредување, почнал со работа 2006 година во општина Струга, каде се фокусирани на меѓунационалните односи, зајакнувајки го Советот за меѓунационални односи и решавање на проблемите на локално ниво. Споменатиот проект ќе почне да се реализира и во општините Гази Баба и Куманово.



Понеделник, 5 октомври 2009 година

Ирците рекоа „да“ за Лисабонскиот договор

На вториот референдум за Лисабонскиот договор во Ирска, 67,13% од граѓаните гласаа за негова поддршка, а 32,87% не го поддржаа. Само во две од вкупно 43 изборни места, европскиот реформски договор доби преовладувачко „не“.



Четврток, 1 октомври 2009 година

Пратеникот Александар Спасеновски оствари работна посета на Европскиот парламент во Брисел

Ко-претседавачот на Мешовитиот парламентарен комитет Република Македонија и Европска унија (МПК-Република Македонија и ЕУ), пратеникот г. Александар Спасеновски, кој престојува во работна посета на Брисел, се сретна со дел од своите колеги во Еропскиот парламент и членови на Делегацијата во Мешовитиот парламентарен комитет Република Македонија и Европската унија, како и со други европратеници



Четврток, 1 октомври 2009 година

Остварени средби со повеќе конгресмени

Во рамките на студиската посета, од 26 септември до 3 октомври 2009 год., на Американскиот конгрес, на парламентарната делегација на Собранието на Република Македонија во состав: Петар Поп Арсов, Цветанка Иванова, Андреј Петров, Ермира Мехмети и Сафет Незири остварени се средби со конгресмените Дејвид Прајс, Ерл Померол, Лоис Капс, Раш Холт, Чарлс Бустани, Џеф Фортенбери и Џим Макдермор.

Веб-страницата на Собранието користи колачиња (cookies).

Колачињата се користат за подобрување на Вашето корисничко искуство.