TRUPAT PUNUES TË KUVENDIT
Në Kuvendin e Republikës së Maqedonisë themelohen trupa të përhershëm punues për shqyrtimin e propozimeve për miratimin e ligjeve, draft-ligjeve, propozim-ligjeve dhe akteve tjera të përgjithshme që i miraton Kuvendi, për ndjekjen e zbatimit të akteve të Kuvendit si dhe për studimin dhe shqyrtimin e çështjeve tjera nga kompetenca e tij. Trupat punues mund të vendosin bashkëpunim ndërkombëtar në sferat për të cilat janë themeluar.
Kryetarët, zëvendëskryetarët, anëtarët e trupave punues dhe zëvendësit e tyre zgjedhen nga radha e deputetëve në Kuvend.
Në punën e trupave punues marrin pjesë kryetari dhe anëtarët e trupit punues, ndërsa në rast të pengesës së tyre për prani në mbledhjen e komisionit, caktojnë zëvendës të tyre nga radha e zëvendësanëtarëve të komisionit.
Si trupa të përhershëm punues të Kuvendit themelohen:
Komisioni për Çështje Kushtetuese
E-posta: k-ustav@sobranie.mk
Komisioni ka kryetar, gjashtëmbëdhjetë anëtarë dhe zëvendësit e tyre.
Komisioni i shqyrton çështjet lidhur me:
- zbatimin e Kushtetutës;
- propozimet për ndryshimin dhe plotësimin e Kushtetutës;
- çështjet e parimore të karakterit kushtetues në lidhje me miratimin dhe ekzekutimin e ligjeve dhe dispozitave dhe akteve tjera
- vendosjen e bashkëpunimit ndërkombëtar për çështje që janë me karakter kushtetues dhe
- çështjet tjera të karakterit kushtetues.
KOMISIONI JURIDIKO-LIGJVËNËS
E-posta: zpk@sobranie.mk
Komisioni ka kryetar, dymbëdhjetë anëtarë dhe zëvendësit e tyre.
Komisioni i shqyrton çështjet lidhur me:
- harmonizimin e ligjeve dhe akteve tjera me kushtetutën dhe sistemin juridik, si dhe përpunimin e tyre juridiko-teknik;
- kërkesat për dhënien e interpretimit autentik dhe përgatitjen e propozimeve të interpretimit autentik të ligjeve;
- përcaktimin e tekstit të spastruar të ligjeve dhe akteve tjera nëse me ligj, përkatësisht me akt tjetër është i autorizuar;
- dhënien e korrigjimeve të gabimeve në tekstin e shpallur të ligjit ose aktit tjetër, në bazë të tekstit burimor të ligjit të miratuar ose aktit tjetër të Kuvendit dhe korrigjimeve të gabimeve të teksteve të ligjeve dhe të akteve tjera
- vendosjen e bashkëpunimit ndërkombëtar për çështje që kanë të bëjnë me veprimtarinë legjislative dhe sistemet juridike dhe
- çështje të tjera që kanë të bëjnë me veprimtarinë ligjvënëse dhe ndërtimin e sistemit juridik në Republikë.
KOMISIONI PËR MBROJTJE DHE SIGURI
E-posta: kodbrana@sobranie.mk
Komisioni ka kryetar, dymbëdhjetë anëtarë dhe zëvendësit e tyre.
Komisioni i shqyrton çështjet lidhur me:
- mbrojtjen e rendit të përcaktuar me Kushtetutë;
- realizimin e mbikëqyrjes në domenin e mbrojtjes dhe sigurisë;
- mbrojtjen e Republikës dhe mbrojtjen civile;
- bashkëpunimin me sistemet kolektive të sigurisë dhe mbrojtjes në të cilat Republika ka qenë e qasur;
- integrimin e Republikës në organizatat euroatlantike dhe marrëdhëniet e Republikës me ato organizata;
- mbrojtjen e jetës, sigurinë personale dhe pronën e qytetarit të garantuara me Kushtetutë;
- prodhimtarinë, qarkullimin, furnizimin, posedimin dhe transportin e armëve, pjesëve për armë dhe municion;
- sigurimin e personave dhe objekteve;
- nënshtetësinë;
- mbajtjen e rendit dhe qetësisë publike;
- takimet publike dhe shfaqet publike;
- sigurinë e komunikacionit rrugor, ajror, hekurudhor dhe ujor;
- mbrojtjen nga fatkeqësitë natyrore dhe epidemitë;
- regjistrimin dhe çregjistrimin e vendbanimit dhe vendqëndrimit;
- kalimin e kufijve shtetëror dhe lëvizjen dhe qëndrimin në brezin kufitar;
- lëvizjen dhe qëndrimin e të huajve;
- përcaktimin dhe zgjidhjen e incidenteve kufitare dhe shkelje të tjera të kufijve shtetëror
- vendosjen e bashkëpunimit ndërkombëtar për çështje që kanë të bëjnë me mbrojtjen dhe sigurinë
- çështjet tjera që kanë të bëjnë me mbrojtjen dhe sigurinë.
KOMISIONI PËR SISTEM POLITIK DHE MARRËDHËNIE NDËRMJET BASHKËSIVE
E-posta: k-polsis@sobranie.mk
Komisioni ka kryetar, dymbëdhjetë anëtarë dhe zëvendësit e tyre. Komisioni i shqyrton çështjet lidhur me:
- funksionimin e sistemit politik;
- ndryshimin e kufijve të Republikës;
- simbolet shtetërore dhe përdorimin e tyre;
- gjyqësinë, avokaturën dhe prokurorinë publike; amnistinë dhe faljen;
- lirinë e lëvizjes dhe lirinë e zgjedhjes së vendbanimit;
- evidenca amë dhe mbrojtja e të dhënave personale;
- emrat personal, letrat e njoftimit dhe dokumentet e udhëtimit;
- regjistrimin e popullsisë;
- sistemin e informimit publik;
- të drejtën e shoqërimit të qytetarëve dhe organizimin politik;
- të drejtën e zgjedhjes dhe mënyrën e zgjedhjes së deputetëve, Presidentit të Republikës së Maqedonisë, anëtarëve të këshillave dhe kryetarëve të komunave;
- referendumin;
- avokatin e popullit;
- Kishën ortodokse maqedonase si dhe Bashkësinë fetare islame në Maqedoni, Kishën katolike, Kishën evangjele-metodistike, Bashkësinë e hebrenjve dhe bashkësitë tjera fetare dhe grupet tjera religjioze;
- dekoratat, mirënjohjet dhe shpërblimet;
- festat e Republikës së Maqedonisë;
- organizimin e administratës shtetërore;
- të drejtën e përdorimit të gjuhëve dhe alfabeteve të bashkësive; garantimin e mbrojtjes së identitetit etnik, kulturor, gjuhësor dhe fetar të bashkësive
- vendosjen e bashkëpunimit ndërkombëtar për çështje që kanë të bëjnë me sistemet politike dhe marrëdhëniet ndërmjet bashkësive dhe
- çështjet tjera që kanë të bëjnë me sistemin politik dhe marrëdhëniet ndërmjet bashkësive.
KOMISIONI PËR POLITIKË TË JASHTME
E-posta: knadvpol@sobranie.mk
Komisioni ka kryetar, dymbëdhjetë anëtarë dhe zëvendësit e tyre.
Komisioni i shqyrton çështjet lidhur me:
- politikën e jashtme të Republikës së Maqedonisë dhe marrëdhëniet e saj me shtetet e tjera dhe organizatat ndërkombëtare;
- politikën me të cilën sigurohet kujdesi i Republikës për pozitën dhe të drejtat e pjesëtarëve të popullit maqedonas me vendetfqinje dhe për mërgimtarët e Maqedonisë, si edhe për të drejtat kulturore, ekonomike dhe sociale të qytetarëve të Republikës jashtë vendit;
- hyrjen ose daljen nga lidhja ose bashkësia me shtetet tjera;
- hyrjen ose daljen nga anëtarësimi i organizatave ndërkombëtare;
- nevojën e fillimit të negociatave për lidhjen e marrëveshjeve ndërkombëtare bilaterale ose multilaterale të Republikës së Maqedonisë, përkatësisht për platformat e këtyre negociatave;
- ratifikimin e marrëveshjeve ndërkombëtare;
- rregullativën ndërkombëtare nga sfera e të drejtave dhe lirive të njeriut dhe qytetarit dhe dokumentet e organizatave dhe asociacioneve ndërkombëtare;
- vendosjen e bashkëpunimit parlamentar të Republikës me shtetet tjera dhe organizatat ndërkombëtare;
- vendosjen e bashkëpunimit me komisionet për politikë të jashtme të parlamenteve të shteteve tjera;
- iniciativat dhe propozimet për definimin e strategjisë së politikës së jashtme të Republikës së Maqedonisë dhe
- çështjet tjera që kanë të bëjnë me politikën e jashtme të Republikës së Maqedonisë.
KOMISIONI PËR ÇËSHTJE EVROPIANE
E-posta: kep@sobranie.mk
Komisioni ka kryetar, 12 anëtarë dhe zëvendësit e tyre.
Komisioni i shqyrton çështjet lidhur me:
- ndjekjen e zbatimit të Strategjisë nacionale për eurointegrim të Republikës së Maqedonisë në Bashkimin Evropian dhe rregullisht e informon kuvendin për zbatimin e saj;
- ndjekjen e përmbushjes së obligimeve që dalin nga marrëveshjet ndërmjet Republikës së Maqedonisë dhe Bashkimit Evropian dhe realizimin e programeve dhe akteve tjera të institucioneve të Bashkimit Evropian, duke i
- përfshirë edhe programet për ndihmë financiare;
- ndjekjen dhe nxitjen e procesit të harmonizimit të legjislacionit të Republikës së Maqedonisë me legjislacionin e Bashkimit Evropian, si dhe propozon masa për progresin e procedurave për harmonizim, jep mendime dhe propozime për aktivitetet e trupave tjerë punues të Kuvendit dhe e drejton vëmendjen e tyre në çështje të lidhura me pranimin e Republikës së Maqedonisë në anëtarësim në Bashkimin Evropian;
- ndjekjen e aktiviteteve të Qeverisë dhe organeve të administratës shtetërore në lidhje me pranimin e Republikës së Maqedonisë në anëtarësim në Bashkimin Evropian dhe në lidhje me të jep mendime dhe rekomandime;
- analizimin e pasojave nga aderimi i Republikës së Maqedonisë në anëtarësim në Bashkimin Evropian dhe përgatit raporte në lidhje me të njëjtat;
- informimin e rregullt të Kuvendit për të gjitha çështjet e lidhura me integrimin evropian, posaçërisht edhe përmes grumbullimit të informatave, literaturës dhe dokumenteve tjera të lidhura me Bashkimin Evropian;
- propozimin dhe realizimin e aktiviteteve të drejtuara drejtë informimit të opinionit për proceset e integrimit evropian;
- bashkëpunimin me komisionet adekuate të vendeve tjera dhe
- shqyrton çështje të tjera në lidhje integrimin evropian dhe pranimin e Republikës së Maqedonisë në anëtarësim në Bashkimin Evropian.
KOMISIONI PËR ÇËSHTJE TË ZGJEDHJEVE DHE EMËRIMEVE
E-posta: k-pii@sobranie.mk
Komisioni ka kryetar, 12 anëtarë dhe zëvendësit e tyre.
Komisioni i shqyrton çështjet që kanë të bëjnë me:
- parashtrimin e propozimeve për zgjedhje dhe emërim, përkatësisht shkarkim të funksionarëve të cilët i zgjedh, përkatësisht i emëron Kuvendi, nëse me ligj, Rregullore ose akt tjetër të Kuvendit është përcaktuar që propozim të këtillë të parashtrojë Komisioni;
- parashtrimin e propozimeve për zgjedhje dhe emërim, përkatësisht shkarkim të funksionarëve të cilët i zgjedh, përkatësisht i emëron Kuvendi, nëse me Kushtetutë, ligj, Rregullore ose akt tjetër të Kuvendit nuk është përcaktuar që propozim të këtillë të parashtrojë organi tjetër;
- propozimin e përbërjes së trupave punues të përhershëm dhe të përkohshëm të Kuvendit;
- propozimin e përbërjes së delegacioneve të përhershme të Kuvendit në kuvendet parlamentare ndërkombëtare dhe të grupeve të deputetëve të Kuvendit për bashkëpunim me parlamentet tjera;
- propozimin e anëtarëve të organeve të administratës dhe trupave tjerë në ndërmarrjet publike, organizatat dhe institucionet të cilat i zgjedh, përkatësisht emëron Kuvendi nëse me Kushtetutë, ligj ose akt tjetër nuk është përcaktuar që propozim të këtillë të parashtrojë organi tjetër;
- propozimin e përbërjes së këshillave dhe trupave tjerë të Kuvendit për organizimin dhe realizimin e kremtimeve të ngjarjeve të veçanta historike me rëndësi për Republikën dhe të ngjarjeve tjera shënimi i të cilave është i nevojshëm, si dhe për ndarjen e shpërblimeve republikane;
- shqyrtimin e propozimeve të dispozitave për rrogat dhe për të ardhurat tjera të deputetëve dhe funksionarëve të cilët i zgjedh ose emëron Kuvendi, si dhe të deputetëve dhe funksionarëve të cilëve u ka pushuar funksioni dhe në kornizat e autorizimeve ligjore miraton dispozita më të përafërta për zbatimin e tyre;
- miratimin e akteve për të cilët është i autorizuar Kuvendi;
- miratimin e aktvendimeve individuale për rrogat dhe për të ardhurat e tjera të deputetëve dhe funksionarëve të cilët i zgjedh ose emëron Kuvendi;
- miratimin e aktit për refuzimin e 5% të rrogës për çdo ditë mungese deputetit i cili më së paku tre herë ka munguar në seancën e Kuvendit, përkatësisht nga mbledhja e trupit punues, e për këtë nuk e ka informuar Kryetarin e Kuvendit, përkatësisht të trupit punues;
- përcaktimin e lartësisë së kompensimit të shpenzimeve për pjesëmarrje në punën e trupave punues nga radha e institucioneve dhe asociacioneve shkencore dhe profesionale;
- përcaktimin në pajtim me dispozitat, të lartësisë së mëditjeve, të shpenzimeve për jetë të ndarë, të kompensimit për pushim vjetor, të të shpërngulurve dhe shpenzimeve tjera;
- dhënien e përmirësimeve të akteve që i miraton dhe i shpall Komisioni në “Gazetën Zyrtare të Republikës së Maqedonisë”
- vendosjen e bashkëpunimit ndërkombëtar për çështje që kanë të bëjnë me zgjedhjet dhe emërimet dhe
- çështje tjera që kanë të bëjnë me zgjedhjet dhe emërimet.
KOMISIONI I PËRHERSHËM ANKETUES PËR MROTJEN E LIRIVE DHE TË DREJTAVE TË QYTETARIT
E-posta: panketnak@sobranie.mk
Komisioni ka kryetar, katërmbëdhjetë anëtarë dhe zëvendës te tyre.
Komisioni i shqyrton çështjet lidhur me:
- çështjet parimore, propozimet dhe mendimet në lidhje me realizimin e dispozitave të Kushtetutës, ligjit dhe dispozitave dhe aktevetjera me rëndësi për realizimin dhe mbrojtjen e lirive dhe të drejtave të qytetarit;
- potencimin e nevojës së miratimit të ligjeve dhe dispozitave dhe akteve tjera për shkak të mbrojtjes më të plotë të lirive dhe të drejtave të qytetarit;
- përcjelljen, shqyrtimin dhe analizimin e realizimeve të akteve të ratifikuara ndërkombëtare që e rregullojnë mbrojtjen e lirive dhe të drejtave të qytetarit;
- shqyrtimin e shkresave të qytetarëve dhe marrjen e qëndrimeve për të njëjtat;
- bashkëpunimin me organizatat shkencore dhe profesionale nga sfera e mbrojtjes së lirive dhe të drejtave të qytetarëve;
- bashkëpunimin me trupa adekuat të huaj dhe ndërkombëtar nga sfera e mbrojtjes së lirive dhe të drejtave të qytetarit dhe
- çështjet tjera që kanë të bëjnë me mbrojtjen e lirive dhe të drejtave të qytetarit.Komisioni nuk mund të kryej funksione hulumtuese ose funksione tjera gjyqësore.Konstatimet e Komisionit janë bazë për ngritjen e procedurës për vërtetimin e përgjegjësisë së bartësve të funksioneve publike.
KOMISIONI PËR MBIKËQYRJE MBI PUNËN E AGJENCISË PËR SIGURI NACIONALE DHE AGJENCISË PËR ZBULIM
E-posta: k-nadzor@sobranie.mk
Komisioni ka kryetar, tetë anëtarë dhe zëvendësit e tyre. Komisioni i shqyrton çështjet që kanë të bëjnë me:
- respektimin e të drejtave dhe lirive të përcaktuara me Kushtetutë dhe ligjet nga Agjencia e Sigurisë Nacionale dhe Agjencia për Zbulim të qytetarëve dhe personave të tjerë juridikë;
- ligjshmërinë në zbatimin e autorizimeve të Agjencisë së Sigurisë Nacionale dhe Agjencisë për Zbulim në lidhje me tejkalimin e autorizimeve, ndërmarrjen e veprimeve të paautorizuara, keqpërdorimeve dhe negativiteteve të tjera në punë, në kundërshtim me të drejtat e tyre të përcaktuara me ligj;
- metodat dhe mjetet që i shfrytëzojnë Agjencia e Sigurisë Nacionale dhe Agjencia për Zbulim nga aspekti i ligjshmërisë dhe respektimit të të drejtave të qytetarit dhe subjekteve të tjera;
- pajisjen materiale, kadrovike dhe teknike të Agjencisë së Sigurisë Nacionale dhe Agjencisë për Zbulim;
- vendosjen e bashkëpunimit ndërkombëtar për çështjet që lidhen me mbikëqyrjen e tillë; dhe
- çështjet e tjera në lidhje me Agjencinë e Sigurisë Nacionale dhe Agjencisë për Zbulim.
KOMISIONI PËR MBIKËQYRJE TË ZBATIMIT TË MASAVE PËR NDJEKJE TË KOMUNIKIMEVE
E-posta: k.namerkizaslednakomunod@sobranie.mk
Komisioni ka kryetar, katër anëtarë dhe zëvendës të tyre.
Komisioni i shqyrton çështjet lidhur me:
- kryerjen e mbikëqyrjes së zbatimit të masave për ndjekje të komunikimeve;
- përcaktimin e ligjshmërisë së zbatimit të masave për ndjekje të komunikimeve nga organet e autorizuara (ATO);
- përcaktimin e efektivitetit të zbatimit të masave të veçanta hetuese;
- përgatit raport për mbikëqyrjen e kryer;
- vendosjen e bashkëpunimit ndërkombëtar për çështje që kanë të bëjnë me mbikëqyrjen e tillë;
- çështje tjera që kanë të bëjnë me organet e autorizuara (ATO) për zbatimin e masave për ndjekje të komunikimeve.
Komisioni i paraqet raport Kuvendit të Republikës së Maqedonisë për vitin paraprak, më së voni deri në fund të muajit shkurt në vitin rrjedhës
Komisioni për Financim dhe Buxhet
E-posta: k-finan@sobranie.mk
Komisioni ka kryetar, dymbëdhjetë anëtarë dhe zëvendësit e tyre.
Komisioni i shqyrton çështjet lidhur me:
- sistemin e financimit;
- Buxhetin e Republikës;
- tatimet, taksat, kontributet dhe të dhënat tjera publike të qytetarëve dhe personave juridik;
- sistemin doganor;
- sistemin monetar-kreditor, bankar dhe devizor;
- qarkullimin e pagesave dhe revizionin;
- huat dhe kreditë;
- furnizimet publike;
- sistemin e sigurimit;pronësinë dhe raportet tjera pronësore-juridike;
- rezervat e mallrave;
- lojërat e fatit
- vendosjen e bashkëpunimit ndërkombëtar për çështje që kanë të bëjnë me financat dhe buxhetin dhe
- çështjet tjera që kanë të bëjnë me financimin.
Komisioni për Çështje Ekonomike
E-posta: k-ekon@sobranie.mk
Komisioni ka kryetar, dhjetë anëtarë dhe zëvendësit e tyre.
Komisioni i shqyrton çështjet lidhur me:
- prodhimtarinë dhe tregtinë;
- lëndët e para minerale dhe energjetikën;
- turizmin, hotelerinë dhe zejtarinë;
- punën e tregtisë së jashtme;
- investimet e huaja; transformimin personal;
- masat kundër pozitës monopoliste dhe sjelljes monopoliste të tregut;
- mbrojtjen e konsumatorëve;
- ndërmarrjet publike;
- koncesionet;
- statistikën
- vendosjen e bashkëpunimit ndërkombëtar për çështje që kanë të bëjnë me sistemin ekonomik dhe
- çështjet tjera që kanë të bëjnë me sistemin ekonomik.
Komisioni për Bujqësi, Pylltari dhe Ekonomi të Ujërave
E-posta: kzemjod@sobranie.mk
Komisioni ka kryetar, dhjetë anëtarë dhe zëvendësit e tyre.
Komisioni i shqyrton çështjet lidhur me:
- tokën bujqësore, kullotat dhe pasuritë tjera natyrore dhe fuqitë natyrore;
- arondacionin, komasacionin dhe melioracionin;
- blegtorinë, bujqësinë, pemëtarinë dhe vreshtarinë;
- gjuetinë dhe peshkatarinë;• botën bimore dhe shtazore;
- shëndetësinë veterinere dhe mbrojtjen e bimëve;
- matjen dhe kadastrën e tokës;
- përdorimin dhe shfrytëzimin e ujërave dhe lejimin e regjimit të ujërave;
- sistemet hidromeliorative dhe çështjet hidrometereoligjike• vendosjen e bashkëpunimit ndërkombëtar për çështje që kanë të bëjnë me bujqësinë, pylltarinë dhe ekonominë e ujërave dhe
- çështjet tjera që kanë të bëjnë me bujqësinë, pylltarinë dhe ekonominë e ujërave
Komisioni për Transport, Lidhje dhe Ekologji
E-posta: k-transpor@sobranie.mk
Komisioni ka kryetar, dhjetë anëtarë dhe zëvendësit e tyre.
Komisioni i shqyrton çështjet lidhur me:
- komunikacionin rrugor, hekurudhor, të lumenjve, të liqeneve, ajror, postar-telegrafik, telefonik dhe radio-komunikacionin;
- teleferikët dhe ski-liftet;
- sistemet e telekomunikacioneve dhe sistemin e radiodifuzionit;
- ndërtimin e objekteve investuese në sferën e transportit dhe telekomunikimeve;
- planifikimin hapësinor dhe urbanistik;
- rregullimin e tokës ndërtimore;
- ekonomizimin banesor dhe komunal;
- mbrojtjen dhe përparimin e mjedisit jetësor, natyrës, ajrit, tokës dhe ujërave nga ndotja;
- sigurimin e kushteve për mjedis të shëndetshëm jetësor;
- pengimin e zhurmës së dëmshme;
- mbrojtjen nga rrezatimi jonizues dhe veprimet tjera të dëmshme për jetën dhe shëndetin e njerëzve dhe masat e veçanta të sigurisë gjatë përdorimit të energjisë nukleare dhe • vendosjen e bashkëpunimit ndërkombëtar për çështje që kanë të bëjnë me transportin, lidhjet, urbanizmin dhe ekologjinë dhe• çështjet tjera që kanë të bëjnë me transportin, lidhjet, urbanizmin dhe ekologjinë.
KOMISIONI PËR ARSIM, SHKENCË DHE SPORT
E-posta: kobranau@sobranie.mk
Komisioni ka kryetar, dymbëdhjetë anëtarë dhe zëvendësit e tyre.
Komisioni i shqyrton çështjet lidhur me:
- sistemin dhe organizimin e edukimit dhe arsimimit parashkollor, arsimimin fillor, të mesëm dhe të lartë;
- të drejtën e mësimit në gjuhët e bashkësive në sferën e edukimit dhe arsimimit;
- sistemin dhe organizimin e veprimtarisë hulumtuese-shkencore;
- krijimin, zbatimin dhe vlerësimin e shpikjeve, patentave dhe aktiviteteve tjera inventive që dalin nga krijimtaria shkencore, artistike ose lloji tjetër i krijimtarisë intelektuale;
- informatikën, zhvillimin shkencor dhe teknologjik dhe kulturën teknike;
- organizimin, zhvillimin dhe funksionimin e sistemit informativ në Republikë;
- arsimimin e të rinjve, standardin shkollor dhe studentor;
- nxitjen e krijimtarisë intelektuale, kulturore dhe shkencore të të rinjve;
- edukimin për mbrojtjen preventive të të rinjve nga sëmundjet e varësisë dhe nga SIDA;
- zhvillimin dhe avancimin e kulturës fizike;
- zhvillimin e sportit kulmor
- vendosjen e bashkëpunimit ndërkombëtar për çështje që kanë të bëjnë me arsimin, shkencën, të rinjtë dhe sportin dhe
- çështjet tjera që kanë të bëjnë me arsimimin, shkencën, të rinjtë dhe sportin.
KOMISIONI PËR KULTURË
E-posta: k-kultura@sobranie.mk
Komisioni ka kryetar, dhjetë anëtarë dhe zëvendësit e tyre.
Komisioni i shqyrton çështjet lidhur me:
- organizimin, zhvillimin dhe përparimin e kulturës;
- mbrojtjen e trashëgimisë natyrore dhe kulturore në Republikën e Maqedonisë; pasurimin e krijimtarisë historike dhe artistike;
- afirmimin dhe mbrojtjen e vlerave të larta kulturore;
- afirmimin dhe mbrojtjen e autorit dhe të drejtës së autorit; donacionet dhe sponzorimet;
- veprimtaritë për mbrojtjen dhe shfrytëzimin e pasurisë kulturore të tundshme dhe të patundshme;
- veprimtarinë botuese dhe bibliotekën;
- shënimin përkujtimor dhe mbrojtjen e përmendoreve të kulturës;
- përdorimin dhe mbrojtjen e gjuhës maqedonase;
- informimin, veprimtaritë kulturore dhe veprimtaritë tjera për shkak të shprehjes së identitetit dhe veçantitë e bashkësive;
- përcaktimin e përvjetorëve të ngjarjeve dhe personaliteteve me rëndësi të posaçme për zhvillimin shtetëror juridik të Republikës, afirmimin e trashëgimisë kulturore dhe historike dhe ruajtjen e vlerave të përgjithshme civilizuese;
- mënyrën dhe format e shënimit të personaliteteve dhe ngjarjeve të rëndësishme;
- aktivitetet e këshillave të veçantë të formuar për shënime të veçanta
- vendosjen e bashkëpunimit ndërkombëtar për çështje që kanë të bëjnë me kulturën
- çështjet tjera që kanë të bëjnë me kulturën dhe shënimin e përvjetorëve të personaliteteve dhe të ngjarjeve të rëndësishme.
KOMISIONI PËR SHËNDETËSI
E-posta: k-zdravstvo@sobranie.mk
Komisioni ka kryetar, dhjetë anëtarë dhe zëvendësit e tyre.
Komisioni i shqyrton çështjet lidhur me:
- mbrojtjen shëndetësore të popullsisë; sigurimin shëndetësor;
- mbrojtjen e popullsisë nga sëmundjet ngjitëse, nga ndikimi i dëmshëm i gazrave, rrezatimi jonizues dhe zhurma, ndotjen e ajrit, ujit, tokës dhe prodhimeve shtazore;
- mbrojtjen nga sëmundjet e varësisë dhe nga SIDA;
- gjendjen higjiene-epidemike;
- prodhimtarinë, qarkullimin dhe furnizimin me barna, mjetet ndihmëse mjekuese dhe mjetet ndihmëse medicionale, pajisjet medicionale, institutet dhe materialet sanitare, helmet dhe drogat dehëse;
- mbikëqyrjen sanitare dhe shëndetësore
- vendosjen e bashkëpunimit ndërkombëtar për çështje që kanë të bëjnë me shëndetësinë dhe
- çështjet tjera që kanë të bëjnë me shëndetësinë.
KOMISIONI PËR PUNË DHE POLITIKË SOCIALE
E-posta: k-trud@sobranie.mk
Komisioni ka kryetar, dymbëdhjetë anëtarë dhe zëvendësit e tyre.
Komisioni i shqyrton çështjet lidhur me:
- marrëdhëniet e punës dhe mbrojtjen e punëtorëve në punë; të drejtën e grevës;
- punësimin dhe të drejtat në rast të papunësisë;
- mbrojtjen e gruas në punë dhe mbrojtjen e amësisë;
- rrogat dhe standardin jetësor;
- politikën sociale dhe sigurimin social të qytetarëve;
- sistemin, organizimin, zhvillimin dhe avancimin e mbrojtjes sociale dhe mbrojtjes së fëmijëve;
- politikën populiste, martesën dhe familjen;
- sistemin e sigurimit pensional dhe invalidor;
- mbrojtjen luftarake-invalidore dhe mbrojtjen e invalidëve të luftës dhe personave të përndjekur dhe të burgosur për idetë e vetëqenies popullit maqedonas dhe shtetësisë e tij
- vendosjen e bashkëpunimit ndërkombëtar për çështje që janë me karakter kushtetues dhe
- çështjet tjera që kanë të bëjnë me punën dhe politikën sociale
Komisioni për Vetëqeverisje Lokale
E-posta: k.samouprava@sobranie.mk
Komisioni ka kryetar, dymbëdhjetë anëtarë dhe zëvendësit e tyre.
Komisioni i shqyrton çështjet lidhur me:
- vetëqeverisjen lokale;
- organizimin territorial të vetëqeverisjes lokale në Republikën e Maqedonisë;
- ndjekjen e zhvillimit dhe masat për avancimin e vetëqeverisjes lokale;
- ndjekjen e gjendjes së organizimit territorial dhe të standardeve për madhësinë, popullsinë dhe nevojat e vetëqeverisjes lokale;
- ndjekjen e sistemit, politikës, masave dhe instrumenteve për realizim më të barabartë të zhvillimit rajonal
- vendosjen e bashkëpunimit ndërkombëtar për çështje që kanë të bëjnë me vetëqeverisjen lokale dhe
- ndjekjen e realizimit dhe shfrytëzimit të mjeteve të dedikuara për zhvillim më të barabartë rajonal
Komisioni për Mundësi të Barabarta të Femrave dhe Meshkujve
E-posta: kem@sobranie.mk
Komisioni ka kryetar, dhjetë anëtare dhe zëvendësit e tyre.
Komisioni i shqyrton çështjet lidhur me:
- shqyrtimin e propozimeve të ligjeve dhe dispozitave tjera që i miraton Kuvendi nga sfera e punës dhe politikës sociale, arsimimit dhe shëndetësisë, familjes dhe kujdesit për fëmijët, si dhe propozimeve tjera të ligjeve dhe dispozitave tjera nga aspekti i përfshirjes së konceptit të gjinisë në to;
- shqyrtimin e Propozim-planit nacional për aksion për mundësi të barabarta të femrave dhe meshkujve;
- ndjekjen e miratimit dhe zbatimit të masave themelore dhe të veçanta për vendosjen e mundësive të barabarta të femrave dhe meshkujve në të gjitha sferat e sektorit publik dhe privat përmes raporteve të dorëzuara nga Seksioni për avancimin e barabarësisë ndërmjet gjinive pranë Ministrisë së Punës dhe Politikës Sociale;
- ndjekjen e sistemit të masave për largimin e trajtimit jo të barabartë të femrave dhe meshkujve përmes raporteve të dorëzuara nga Seksioni për avancimin e barabarësisë ndërmjet gjinive pranë Ministrisë së Punës dhe Politikës Sociale;
- inicion miratimin dhe ndryshimin e ligjeve dhe dispozitave tjera nga sfera e mundësive të femrave dhe meshkujve;
- nxitjen e bashkëpunimit ndërmjet organeve kompetente për çështje që kanë të bëjnë me mundësitë e barabarta të femrave dhe meshkujve;
- informimin e rregullt të Kuvendit për të gjitha çështjet e lidhura me mundësitë e barabarta të femrave dhe meshkujve;
- bashkëpunimin me komisionet adekuate të vendeve tjera dhe
- shqyrton çështje tjera që kanë të bëjnë me mundësitë e barabarta të femrave dhe meshkujve.
Komisioni për Çështje të Rregullores, Mandatit Dhe Imunitetit
E-posta: k-delovnicki@sobranie.mk
Komisioni ka kryetar, tetë anëtarë dhe zëvendësit e tyre.
Komisioni i shqyrton çështjet lidhur me:
- zbatimin e Rregullores së Kuvendit dhe të rregulloreve të trupave punues dhe jep mendim për zgjidhjen e çështjeve kontestuese;
- iniciativat për ndryshimin e Rregullores së Kuvendit dhe rregulloreve të trupave punues;
- propozimin e miratimit, përkatësisht të ndryshimit dhe plotësimit të Rregullores së Kuvendit;
- raportet e Komisionit Shtetëror të Zgjedhjeve për deputetë nga lista e kandidatëve që janë bërë deputetë për pjesën tjetër të mandatit;
- bazat e pushimit dhe marrjes së mandatit të deputetit dhe për këtë Kuvendit i paraqet raport;
- imunitetin e deputetëve
- vendosjen e bashkëpunimit ndërkombëtar për çështje që kanë të bëjnë me të drejtat e mandatit dhe imunitetit
- çështje të tjera në lidhje me Rregulloren dhe të drejtat e mandatit dhe imunitetit.